Marcos 6:11 - Nuevo Testamento Toba Sur

¹¹ Qaq da huo'o ca huaña da sa ishit da qami' ÿacongueta qataq sa qami' n'axaÿaxanalo, nachi qoquiÿa'ai camayi, qalaxayi qauchigoqoiuec qome na namoxoÿaxa naua qadapia'chilli', qaq damayi nachi l'anaxat da camayipi maichi nasouaxajla't. Qaq ÿataqta 'eesa de'eda qami' sa'axatema da qom ivita que'eca pa'ateec na'a'q qom nmit na nasouaxashitpi ñi Dios, nachi saqalligueme qome da nhuaxanaguec nam lma' so Sodoma qataq so Gomorra, qaq saq 'en'am qome ca nhuaxanaguec qanqoÿin ne'ena shiÿaxauapi mayi sa qami' ÿacongueta.

Nuevo Testamento Toba Sombrero Negro

¹¹ Uotaĝa qom 'uo ga'me noic jo'ne ja ami 'te yaconegueta, uotaĝa ja jetaque ami naquiaĝanalo, anechiyoqoyidiñe ga'me enaĝayaĝa jogaa'me adapia'chidi', qaedi ena'am da'me 'nanec jo'ne dechoqotaĝaneque jogaa'me, qama'le oquiya'ae jogaa'me.”

La'aqtaqa Ñim Lo'onatac 'Enauacna 2013

¹¹ Qaq da huo'o ca huaña da saishet da qami' qaỹaconegueta, qataq saishet da qami' qana'axaỹaxanalo, nache qoquiỹa'ai que'eca qoviita'a qataq qauchegoqoi naua qarapela'achilli', yaqto' de'era la'anaxat da huo'o ca naỹa'a camayepi.» [Qaq ỹataqta 'eesa de'era qami' sa'axatema da qom ivita da qanmit 'enauacna, nache da nhuaxanaguec co'ollaxa so Sodoma qataq so Gomorra saq 'amaqtaq, qaq saq 'ena'am ca nhuaxanaguec qome qanqa'en que'eca shiỹaxauapi maye saq qami' ỹaconegueta.]

Marcos 6:11 Referans Kwoze

Hechos 18:6

Qalaxayi somayipi ÿataqta ncotatague' somayi qataq ishiueetac, nachi so Pablo ichigo'q soua alogo, damayi l'anaxat da jec. Nachi 'enapego' somayipi, 'eeta': –Qami' maichi qanasouaxachiila't qom ivita da qadellivi; aÿim sa ishit da qami' ÿasouaxashi'te. Qaq nagui dam saÿa'ague, aÿim saigui qome nam sa ishit da judiopi.

Judas 1:7

Nataq'en so shiÿaxauapi lma' yi Sodoma qataq Gomorra qataq som shiÿaxauapi mayi lauodeuapi mayi 'eeta'am se'eso namaxashicpi piguem l'ecpi da nañanguet da lquishiguetaxac, qataq taigui da namanaxanaqtaic mayi sa natenguet da ÿoqta lataxac ca shiÿaxaua, nachi 'enauac somayipi nque'etaxangui so nodec mayi chochaq tateec co'ollaq qaÿauo'o da nhuaxanaguec. Qaq damayi 'eeta'am da nqataxac 'enauac na shiÿaxauapi.

1 Juan 4:17

Qaq yaqto' sevidaqta'a da ÿataqta nalochiguiñi da qadauotaxanaqtaic, yaqto' ca na'a'q qom qanmit 'enauac na shiÿaxauapi, qalaq sa ishit da ñi'aloxonaqtac. Cha'ayi qomi' nagui da ñaq souaqta'a ana 'alhua, qalaq ÿataqta shinaqta'am so Jesucristo.

2 Pedro 3:7

Qaq nachida qome de'eda l'aqtac ñi Dios da chigoqchigui da na piguem qataq ana 'alhua mayi ñaq huo'oi nagui da naamayi taÿa'alo naq'en ca nodec. Que'eca nodec nachica ca davigaqtaxan qom ivita da qanmit 'enauacna, qom ivita da qailaxachigui 'enauac nam qauemaicpi.

2 Pedro 2:9

Qaq 'eda da 'eetec da ñi qadataxala' ishit da nca'alaxateeguesop da ñi'iguenataguec cam ÿataqta nañanot ñimayi, qataq da taÿa'a naq'en da nhuaxanaguec na qauemaicpi qom ivita da nmit 'enauacna.

2 Pedro 2:6

Ñi Dios nataq'en ilaxachiguilo soua la ciudad Sodoma qataq so Gomorra, ÿataqta dachipchiyiñi naq'en, ivida'a da ndoteec na alo naq'en, cha'ayi ÿauotaique da laloqnaxanaxat naq'en nam shiÿaxauapi mayi qauemaicpi mayi taÿa'a da qaltaq nalec ana 'alhua.

Romanos 2:16

que'eca pa'ateec na'a'q, qom ivita da ñi Dios chigoqchigui naq'en so Jesucristo da nmi't nam saq cha'alo lhuennataxaco 'enauac na shiÿaxauapi. Nachi ÿataqta ipacchigui qome de'eda sa'axattac n'aqtac mayi chigaqaigui da nca'alaxa.

Romanos 2:5

Qalaxayi 'am ÿataqta qadamchigui añi 'adquiyaqte, qataq sa ishit da 'ai'axaadeec naua 'an'onataxaco. Qaq ÿoqo'oyi 'eeta'am da maichi 'alapootashiguem nam 'anhuaxanaguecpi, qom ivita ca na'a'q mayi huetoigui da ñi Dios ichoxot ca lasouaxashit ñi 'oonolec da ÿauo'o ca nhuaxanaguec.

Lucas 9:5

Qaq ca huaña da sa ishit da qami' qaÿacongueta, qalaq qoquiÿa'ai que'eca pueblo. Ime, qaq qauchigoqoiuec na namoxoÿaxa naua qadapia'chilli'. Qaq damayi l'anaxat da maichi nasouaxajla't camayipi.

Mateo 12:36

Qaq aÿim qami' shinapegalo da que'eca na'a'q qom qanmit 'enauacna, nachi 'enauac qome na shiÿaxauapi maichi iuennachigui nam l'aqtacpi mayi qaica ca naigui mayi nasaxauec co'ollaxa.

Marcos 6:10

Qataq 'enapegalo' soomayi, 'eeta': –Qami' qom ivita da qaunoxoñiu'a ca camachicague't noÿic, qaq nachica qoviita'a, chochi ivitta'a da qoquiÿa'ai que'eca 'alhua.