Marcos 5:27 - Nuevo Testamento Toba Sur

²⁷ Qaq co'ollaq hua'axaÿapeguelec so Jesús, nachi asa'aso 'alo nqo'oneu'a somayi, queteu'oguet na l-laq, nachi ipoteu'a so lapo'.

Nuevo Testamento Toba Sombrero Negro

²⁷ Ca'li jañe'me dep'iquilegue queda'me qo'yaĝatetac ñe'me Jesús, qama'le nichii'uo ca'li qama'le queto'uet ga'me chiyoĝogue ga'me jiyaĝadipi, qama'le yepoteuo'o ga'me lapoto lae ñe'me Jesús.

La'aqtaqa Ñim Lo'onatac 'Enauacna 2013

^27-28 Asa'aso 'alo hua'aqtapeguelec naxa da qaỹa'axattac So Jesús, nache da lhuennataxa, 'eeta': «Da choche sepoteua'a ca lapo', nache aỹem no'oita qome.» Ỹoqo'oye co'ollaq ila'a So Jesús, nache nshiyigui so shiỹaxauapi da nquigueua'a Somaye queteuo'oguet na l-laq, nache ipoteua'a so lapo'.

Marcos 5:27 Referans Kwoze

Hechos 19:12

chochi ivitta'a somayi da huo'otaq qaidouec ca camachicague't ncopaxa, huo'otaq ca l'ola' mayi nhuoctapeeguet da l'oquiaxac, da yaqto' qalapaxalec ca sa no'on, nachi ishit da no'oita, qataq i'odauec na n'ecpi leguemaxaic.

Mateo 14:36

Nachi qanachoxodeetacot da nai'ctaxa da chochi qaipoteu'a na laÿi so lapo'. Nachi 'enauac som ipoteu'a na laÿi so lapo', nachi no'oita.

Hechos 5:15

Qaq ÿoqo'oyi ivida'a da qanqateec na dalolaxaicpi, qaÿachitalguete naua lmala'te qataq naua lacanqa, da qaidougalo na nqa'aico, yaqto' da huo'o ca nateuga so Pedro, nachi nai'ctaxa da huo'otaq chochi lpaqal ca tajlec ca 'oonolec namayipi.

Marcos 6:56

Nachi cam tau'a somayi nam pueblopiolec, huo'otaq nam pueblo lta'adaicpi, huo'otaq naua n'onaxayi, nachi qaÿachauga na nqa'aicpi na sa no'onpi. Nachi qanachoxonnot so Jesús da ishit da ÿashiita da chochi qaipoteu'a na lapo' laÿi. Nachi 'enauac nam ipoteu'a somayi, nachi no'oita.

Marcos 5:26

Qaq asomayi qalota da nque'etaxanaxac da quetagui na natannaxanaqpi, chochi imateuo 'enauac na hueto'otpi. Qalaxayi qaica ca ÿachigoxotagui, chaqdata da nquicta'aguet da qauem.

Marcos 5:28

Cha'ayi asomayi da lhuennataxa 'eeta': “Da chochi sepoteu'a ca lapo', nachi aÿim no'oita qome.”