Marcos 5:24 - Nuevo Testamento Toba Sur

²⁴ Nachi so Jesús ca'ategue somayi. Qalaxayi qalota na shiÿaxauapi na ca'attague' somayi, ÿataqta qanpataxagui.

Nuevo Testamento Toba Sombrero Negro

²⁴ Jesús equegue joñe'me, nataq'aen jalcote ga'me jiyaĝadipi jo'ne quetapegue' jalcote nepataqata't ca'li qodicatajop.

La'aqtaqa Ñim Lo'onatac 'Enauacna 2013

²⁴ Nache So Jesús ca'ategue so Jairo. Qalaxaye qalota so shiỹaxauapi lapona't, nache ca'ategue So Jesús.

Marcos 5:24 Referans Kwoze

Marcos 5:31

Nachi soua lapaxaguenataqa 'eetegalo' somayi, 'eeta': –'Am 'auaÿaten mque' da na shiÿaxauapi 'am npataxagui, qalaq lloxochiyo' da 'aunataxaatac da qoneta': “¿Négue't cam aÿim ipoteu'a?”

Lucas 7:6

Nachi so Jesús nnaicapegueto soomayi. Qalaxayi co'ollaq mashi qanayiitau'a ca lma' so nta'a, nachi somayi ÿama'q soua nauochaxa'u da 'eedapega so Jesús, 'eeta': –'Am ÿataxala', sa ishit qome da ÿapacteec da 'ansallaxaueetapec, cha'ayi sela'a da ÿataqta saq 'aiguet da 'annoxonoigui na ima'.

Marcos 3:20

Nachi qaltaq qalota so laponeu'a shiÿaxauapi, ivitta'a da sa ishit da chochi deque'e somayipi.

Hechos 10:38

Qataq qami' qauaÿajñiita da 'eetec ñi Dios da ÿanem co'ollaxa so Jesús mayi Nazaret l'ec da l'añaxac so Espíritu Santo, qataq da 'eetec co'ollaq somayi queuotac nachi i'otec da ÿaÿamaqchiguiñi 'enauac na shiÿaxauapi mayi huetaigui da lque'ejnataxanaxac so shiÿaxaua lma'na. Qaq i'ot de'eda, cha'ayi ñi Dios hueta'aguet somayi.

Lucas 19:3

Qaq somayi nshitaique da ÿauatton so Jesús. Qalaxayi sa ishit da ÿañoxot da ilo'ot, souaxat somayi da huaxadenoqolec, qataq ÿataqta qalota na shiÿaxauapi.

Lucas 12:1

Qaq ñaq queta da lapootega't so saq llalcolec shiÿaxauapi. Qaq mashi ivida da huo'o na qaÿi'iguingui. Nachi so Jesús i'auaxaañi da 'enapega so lapaxaguenatacpi, 'eeta': –Maxatchoxo' qome, qadvichiÿa'a anam ÿashiidaxachigui ana pan mayi huetaigui na fariseopi, qaq damaxa 'eeta': nachida da maichi lataxac namayipi da 'eetega 'eesa.

Lucas 8:45

Nachi so Jesús denataxan, 'eeta': –¿Négue't ca aÿim ipoteu'a? Qalaxayi qaica ca ishit da ÿasat. Nachi so Pedro qataq so laÿipi 'enapeco': –'Am mayi 'auapaxaguenataxaatac, na shiÿaxauapi 'enauac 'am npataxagui, qataq saq ÿataq ca 'am qaipataxague. Qaq ¿tá'ainco' da 'aunataxaatac, qoneta': “Négue't ca aÿim ipoteu'a?”

Lucas 8:42

Cha'ayi somayi huo'o aso 'oonole llale. Asomayi mashi ivi' naua doce vi'iyi, qaq asomayi mashi ileetapigui'. Nachi co'ollaq jec so Jesús, nachi ÿataqta qalota na ca'ategue, qaq ivida'a da qanpataxagui.

Marcos 5:23

Nachi ÿataqta nachoxodeetot, 'eeta'; –Ayi ÿale mashi ileetapigui'. Ña 'auanáctaxa da 'auashil-lec, yaqto' no'oita qataq nca'aleec.

Marcos 5:25

Qaq se'eso shiÿaxauapi huo'o aso ÿalectauo 'alo sa no'on, asomayi mashi ivi' naua doce vi'iyi da anactac na ltago'q.

Lucas 11:29

Qaq ÿataqta nquictauec na shiÿaxauapi mayi laponeu'a so Jesús. Nachi somayi detaqa, 'eeta': –Ne'ena shiÿaxauapi nagui ÿataqta qauemaicpi, qataq iÿaxaataique da qai'ot cam n'anec mayi sa qaÿauanapega. Qalaxayi sa ishit da qaltaq qoÿan camayi, chaqsota som n'anec mayi qai'otec co'ollaxa so l'aqtaxanaxanec ñi Dios, l'enaxat Jonás.