Marcos 5:15 - Nuevo Testamento Toba Sur

¹⁵ Qaq co'ollaq qanvita ca hueta'a so Jesús, nachi qailalec so shiÿaxaua mayi huo'o co'ollaxa so l'ecpi da nso'ootañi, huo'oi naua alogo, ÿaÿamaqta. Nachi so shiÿaxauapi ÿataqta ñi'i.

Nuevo Testamento Toba Sombrero Negro

¹⁵ Mane'e ca'li yovideta ga'me ue'ta ñe'me Jesús, qama'le yauata ñe'me jiyaĝaua jo'ne ya'uo lachoĝodec ñe'me payac, jo'ne payac lepaqal uetaye mañaĝa, male ñichiñe, uo'oe gaa'me louo, nataq'aen queda'me male yiyamaĝañi da'me nejiyaĝauayaĝac, qama'le jalcote da'me t'oita gaa'me jo'ne yauata.

La'aqtaqa Ñim Lo'onatac 'Enauacna 2013

¹⁵ Qaq co'ollaxa qaivita ca hueta'a So Jesús, nache qaila'a so ỹale maye huo'o co'ollaxa so netaigui saqcha'a na'añaxac leguemaxaicpi da nso'ootañi, somaye mashe huo'oi soua alogo qataq ỹataqta ỹaỹamaqta. Nache so shiỹaxauapi ỹataqta ñi'i.

Marcos 5:15 Referans Kwoze

Colosenses 1:13

Cha'ayi ñimayi qomi' nca'alaxateeguesopa co'ollaxa da lamaxasoxonaxac na napalaxa, huaña, nachi qomi' inoxonaqchiteu'alo da lamaxasoxonaxac so lauotaxat llalec,

2 Timoteo 1:7

Cha'ayi ñi Dios sa ishit da ÿan ca colanqaic da nshitaxat naq'en ca shiÿaxaua. Chaqcata ca i'ot ca n'añaxac naq'en, qataq ca lsoxoyic, qataq ishit da ntel-la't.

Lucas 8:27

Nachi co'ollaq chochi ivitta so Jesús yi'iyi 'alhua, nachi anac so shiÿaxaua mayi chigaqaigui yi pueblo. Se'eso shiÿaxaua mashi qaÿoqteguelo naua vi'iyi da huo'o so l'ec leguemaxaicpi. Qaq sa ishit da ÿaayiñi naua alogo, qataq sa ishit da naigui ca noÿic. Chaqdata da huetauga ana huachiquipi.

Marcos 5:9

Nachi so Jesús inat somayi, 'eeta': –¿'Eetec ca 'ad'enaxat? Nachi somayi ÿasat, 'eeta': –Aÿim i'enaxat da qalota, cha'ayi qomi' qalote'.

Lucas 10:39

Qaq aso Marta huo'o aso lqaÿa l'enaxat María. Qaq asomayi nso'ootañi, neto'oto naua lchil so Jesús, nachi n'axaÿaxaatega 'enauac nam i'axattac somayi.

Marcos 5:18

Qaq so Jesús co'ollaq huenojñigui aso notaxaqui, nachi se'eso shiÿaxaua mayi huo'o co'ollaxa so l'ecpi, somayi nachoxodeetacot so Jesús da ishit da nashiiteguet somayi da ca'ategue.

Marcos 5:16

Qaq nam ÿauaatalec da 'eetec se'eso shiÿaxaua, namayipi nachi i'axattac da 'eetec se'eso shiÿaxaua mayi huo'o co'ollaxa so l'ecpi, nataq'en i'axattac da 'eetec asom cospi.

Marcos 5:4

Somayi mashi qalota naxa da qaicoñidai', qoÿaxachiguilo naua lchil qataq naua lhua'q na lquet qadamta, qalaxayi nachi 'en'am ÿataqta ÿachipiaxattac. Qaq sa ishit da huo'o ca ÿañoxot da icoñidai' somayi.

Mateo 12:29

Cha'ayi qaica ca ishit da inoxonoigui ca lma' ca shiÿaxaua 'añaxaic da deuotaxanec na logoxotpi, da huo'otaq saxanaxa da icoñidai' camayi. Qaq chaqdata da mashi icoñidai', nachi ishit da deuotaxanec na logoxotpi.

Mateo 4:24

Nachi ivida'a 'enauac yi 'alhua Siria da n'aqtaguec so Jesús. Nachi qanda'a somayi nam ique'eteetac na ÿotta'a't lalolaxaguesat, nam huo'o na l'ec leguemaxaic, copchaxaicpi, qataq na sa da'añiigue. Nachi 'enauac nataden so Jesús.

Mateo 9:33

Qaq co'ollaq chochi i'odauec se'eso l'ec leguemaxaic so Jesús, nachi se'eso qaicaua naua l'aqtaqa ishit da detaqa. Nachi na shiÿaxauapi ÿataqta huo'o da l'aalaxa. Nachi 'eeta': –Ÿataqta sa ÿauanaga da huo'o ca qaÿauaachigui da huangui na llalaqpi so Israel da huo'otaq 'eeta'am de'eda.

Mateo 26:53

¿Sa qauaÿajñiÿo' da aÿim ishit da seÿaxanot ñi ita'a, nachi ñimayi ishit da aÿim namaxa nagui ca napacalec ca doce mil lamaxashic piguem l'ecpi?

Marcos 5:14

Qaq som ilotague'pi asomayi, somayipi datauec, ñi'i. Nachi jec da da'aqtaxaneu'a so pueblo qataq nam netauga na n'onaxa. Nachi anac na shiÿaxauapi da qanmejnaxana ca 'eetec ca aloic de'eda.