Marcos 5:14 - Nuevo Testamento Toba Sur

¹⁴ Qaq som ilotague'pi asomayi, somayipi datauec, ñi'i. Nachi jec da da'aqtaxaneu'a so pueblo qataq nam netauga na n'onaxa. Nachi anac na shiÿaxauapi da qanmejnaxana ca 'eetec ca aloic de'eda.

Nuevo Testamento Toba Sombrero Negro

¹⁴ Qama'le jogaa'me jo'ne netelalo ga'me coochelpi dajodegue ca'li, qama'le 'yaĝatetedac da'me dojo' ga'me noic nataq'aen jogaa'me nedalegue ga'me 'nonaĝa. Ga'me jiyaĝadipi ja qoyimina'a ca'li, qodajoyi qaedi qoyauana ga'me jo'ne 'uo.

La'aqtaqa Ñim Lo'onatac 'Enauacna 2013

¹⁴ Qaq som ilotague'pi aso cos late'epi, somayepi taua'a so shiỹaxauapi maye netaigui se'eso nỹecpi, nache da'aqtaxanem 'enauac da qanayeuaigui. Nache anac so shiỹaxauapi da yaqto' ỹaỹaten ca 'eetec de'era.

Marcos 5:14 Referans Kwoze

Lucas 8:34

Nachi som ilotague' aso cospi co'ollaq ÿauaachigui de'eda 'eetec asomayipi, nachi nqalgoq, ÿataqta ñi'i. Ime, qaq da'aqtaxanem nam netaigui na pueblo qataq nam netalec na n'onaxa.

Mateo 8:33

Qaq som ilotague' aso cospi nachi datauec, ÿataqta ñi'i. Qaq co'ollaq ivideu'a ca pueblo, nachi i'axattac 'enauac de'eda qataq dam huaiguilo soua shiÿaxa'u mayi huo'o so l'ec leguemaxaicpi.

Mateo 7:6

Sa ishit qome da qai'añiim na pioxotpi cam nogoxoshit mayi sa qaishitapec. Ten, namayipi qom qami' ÿataxalguete, nachi ishit da qami' icolaxatta'pe. Qataq sa ishit qome da qauasaqÿot aca cos late'e aca qan'otaqchi perlas. Ten, qom ishit da petapigui.

Marcos 5:13

Nachi so Jesús ÿashiitem somayipi da nqo'ona. Nachi se'eso n'ecpi leguemaxaic ca'ai se'eso shiÿaxaua, nachi taigui aso cos late'epi. Nachi asomayi nqalgaqañi so tocot, nachi tangui aso lapel, nachi 'ogaxaipi. Qaq asa'aso cospi ivi' dos mil.

Marcos 5:15

Qaq co'ollaq qanvita ca hueta'a so Jesús, nachi qailalec so shiÿaxaua mayi huo'o co'ollaxa so l'ecpi da nso'ootañi, huo'oi naua alogo, ÿaÿamaqta. Nachi so shiÿaxauapi ÿataqta ñi'i.