Marcos 5:13 - Nuevo Testamento Toba Sur

¹³ Nachi so Jesús ÿashiitem somayipi da nqo'ona. Nachi se'eso n'ecpi leguemaxaic ca'ai se'eso shiÿaxaua, nachi taigui aso cos late'epi. Nachi asomayi nqalgaqañi so tocot, nachi tangui aso lapel, nachi 'ogaxaipi. Qaq asa'aso cospi ivi' dos mil.

Nuevo Testamento Toba Sombrero Negro

¹³ Jesús yaje'tema joga'me, qama'le joga'me nepaqalpi jo'ne ja 'noe'n yenoĝodegue, queda'e ga'me jiyaĝaua, qama'le tauelo ga'me coochelpi. Joga'me nalo'taguet dos mil, ca'li chiyoqodañe joga'me qama'le yelochidi'ñgui ga'me qaya'ñgui chayovida'a ga'me qa'em lae, qama'le ueda'a da'me ouaĝail.

La'aqtaqa Ñim Lo'onatac 'Enauacna 2013

¹³ Nache So Jesús ỹasheetem somayepi. Nache se'eso saqcha'a na'añaxacpi leguemaxaicpi ca'ai se'eso ỹale, nache taigui aso cos late'epi. Qaq asomayepi ỹataqta nqalgaqangui so tocot, nache tangui aso lapel, choche ivitta'a da 'ogaxaipi.

Marcos 5:13 Referans Kwoze

Apocalipsis 20:7

Qaq qom mashi inoxoodeec caua mil vi'iyi, nachi so Satanás qaltaq qaisouec.

Apocalipsis 9:11

Qaq asa'aso shiiquioxoi nachi lataxala' som ilotague' cam laponqa' na leuaxaicpi. Qaq se'eso nataxala', somayi l'enaxat Abadón nam l'aqtac na hebreo l'ecpi. Qaq nam griego l'ecpi, qalaq ÿamata'ac Apolión. Damayi naigui da laataxanaxaic.

1 Pedro 3:22

som taigue da piguem, nachi nso'oota'ague da aloic ñi Dios da ÿamaqpec na namaxashicpi piguem l'ecpi qataq na damaxasoxonapecpi qataq na n'añaxacpi.

Juan 8:44

Qami' som qadta'ai, nachiso som shiÿaxaua mayi lma'na. Somayi qami' lalamqa'te, ÿoqo'oyi qanshiitaique da qau'ochi cam 'eetapeguec somayi. Se'eso shiÿaxaua mayi lma'na, somayi ÿataqta laataxanaxaic. Nachi chigoqchiguiña co'ollaq chita'ague da qai'ot ana 'alhua, somayi sa ishit da hueto'ot ca 'eesa lataxac, qaq ÿoqo'oyi sa ishit da 'en ca l'aqtac. Qaq somayi da huo'otaq nasaxauec ca latenataxanaxac, nachi ÿataqta ipacchigui da maichi lataxac. Cha'ayi somayi ÿataqta tenataxanaxaic, qataq nachiso so lta'a da natenataxanaxac.

Mateo 8:32

Nachi so Jesús 'enapeco': –Aja', qaunoxoñiÿoigui ayimayipi. Nachi se'eso n'ec leguemaxaicpi ca'aisalo se'esoua shiÿaxa'u, nachi taigui aso cos late'epi. Qaq co'ollaq ime da taigui, nachi 'enauac aso cospi chigoqtelec so tocot da nqalgaqañi, nachi tangui aso lapel, nachi 'ogaxaipi.

Mateo 7:6

Sa ishit qome da qai'añiim na pioxotpi cam nogoxoshit mayi sa qaishitapec. Ten, namayipi qom qami' ÿataxalguete, nachi ishit da qami' icolaxatta'pe. Qataq sa ishit qome da qauasaqÿot aca cos late'e aca qan'otaqchi perlas. Ten, qom ishit da petapigui.

Marcos 5:12

nachi se'eso n'ecpi nachoxodeetacot so Jesús, 'eeta': –Qomi' 'auamaxalo qome ayi cos late'epi, da yaqto' saxaigui ayimayipi.

Marcos 5:14

Qaq som ilotague'pi asomayi, somayipi datauec, ñi'i. Nachi jec da da'aqtaxaneu'a so pueblo qataq nam netauga na n'onaxa. Nachi anac na shiÿaxauapi da qanmejnaxana ca 'eetec ca aloic de'eda.