Marcos 4:8 - Nuevo Testamento Toba Sur

⁸ Qataq aso lÿa languishi tajlec so 'alhua mayi ÿataqta 'onaxaic, nachi asomayi ñaxat, ÿataqta no'on da lañaxataxa. Nachi huo'o ana ivi' ana treinta ana alapi añi 'oonole, qataq huo'o ana ivi' sesenta, qataq cien.

Nuevo Testamento Toba Sombrero Negro

⁸ Qalaĝaja uo'oe gaa'me petal maqachaĝa tachidi'ña ga'me aleua jo'ne onaĝaic: qama'le nach'egaua jo'ne nadijeguem, nataq'aen nolelidijeguem, qama'le jalcote ga'me jalayaĝa'j. Jaga'me laqata jo'ne lepee yaqanatet treinta jaga'me jala jo'ne onole; gaa'me peta laqaya' chiyaqayilo sesenta jaga'me jala; gaa'me laqaya' yaqanate't cien jaga'me jala.”

La'aqtaqa Ñim Lo'onatac 'Enauacna 2013

⁸ Qalaxaye aso laỹepi lañiguishe ala tatelec so 'onaxaic na 'alhua, qaq asomaye huo'o ana ala, qataq 'onaxaic da lañaxataxac, qataq 'onaxaic da alaỹaxac. Nache huo'o ana ivi' ana treinta ana alapi añi 'oonole, qataq huo'o ana ivi' sesenta, qataq cien.»

Marcos 4:8 Referans Kwoze

Juan 15:5

Qaq aÿim mayi shiita'am aca nanguishi, qaq qami' nachiqami' icoue. Qaq cam nachi 'eetai' da aÿim n'attau'a qataq ñi'atta'ai', nachi camayi ÿataqta qalota da alaÿaxac, cha'ayi qami' sa ishit da huo'o ca qoñiic da huo'otaq sa ishit da aÿim qan'ayiitau'a.

Colosenses 1:6

De'eda n'aqtac mayi qami' qai'axatema co'ollaxa, damayi ÿataqta nquictashiguem qataq huo'o da alaÿaxac 'enauaque naua 'ale'u, da 'eeta'am da qoñiita co'ollaq qan'axaÿaxañiÿa da lqouagaxanaqtaic ñi Dios, huaña, nachi qauaÿajñi da de'eda nqouagaxanaqtaic ÿataqta 'eesa.

Marcos 4:20

Qalaxayi huo'o na hua'axaÿa da n'aqtac, nachi ÿaconguet, nachi ÿataqta huo'o da alaÿaxac, 'eeta'am aso nanguishi mayi tajlec so no'on 'alhua. Huo'o na 'eeta'am aso nanguishi mayi ivi' ana treinta ana alapi añi 'oonole, qataq huo'o ana ivi' sesenta, qataq cien.

Hechos 17:11

Qaq se'eso judiopi ÿataqta qaica ca ÿictega da n'axaÿaxan, qaq sa ishit da 'en'am nam netaña yi Tesalónica. Cha'ayi namayipi ÿataqta nqopita da n'axaÿaxana da n'aqtac. Ÿoqo'oyi 'enauaque naua na'axa'tesa'chi qaichimaxatta'pe naua ñiyigui'shi l'aqtaqa ñi Dios da huo'otaq ÿoqta 'eesa de'eda qai'axattac.

Mateo 13:8

Qalaxayi aso lÿa languishi tajlec som 'onaxaic 'alhua, nachi ÿataqta 'onaxaic da alaÿaxac co'ollaq qanqat. Huo'o ana ivi' ana cien ana ala, qataq huo'o ana ivi' ana sesenta, qataq huo'o ana ivi' ana treinta co'ollaq qanqat.

Filipenses 1:11

Qaq yaqto' so Jesucristo ÿataqta nlaxatchigui da qanachaalataxaqui ca no'on nataxac, da yaqto' huo'o da ñi'oxonnataguec qataq da lli'oxoyic ñi Dios.

Juan 7:17

Da huo'o ca qaica ca i'apigui da i'ot cam 'eetapeguec ñi Dios, nachi camayi ishit da ÿaÿateeta da naua ÿapaxaguenataxanaxaco ÿataqta chigoqtoto ñi Dios, huo'otaq da chochi maichi aÿim chigoqtoto.

Lucas 8:15

Qaq asom nanguishi mayi tajlec som no'on 'alhua, qalaq naigui ca shiÿaxaua mayi no'on da lquiyaqteÿaxac, qataq lhuotta da n'axaÿaxan, qataq ÿalaxaguet da n'aqtac, qataq quetelec. Sa ishit da qoshiuec, qataq ÿataqta huo'o da alaÿaxac.

Lucas 8:8

Qaq aso lÿa nanguishi tajlec so ÿataqta no'on 'alhua. Qaq co'ollaq ñaxat, nachi ÿataqta qalota ana ala. Huo'o ana ivi' ana cien ana ala co'ollaq qanqat. Qaq co'ollaq ime da l'aqtac, nachi ÿataqta nlamaxaden, 'eeta': –Qami' qom qauaÿajñi da qan'axaÿaxanaxaqui, qaq no'on da qan'axaÿaxañiichiguiñi.

Mateo 13:23

Qalaxayi aso nanguishi mayi tajlec so no'on 'alhua, asomayi naigui nam shiÿaxauapi mayi n'axaÿaxana da n'aqtac, qalaq ÿataqta ÿaÿateeteguet, qaq ÿataqta no'on da alaÿaxac da qanqat. Huo'o na 'eeta'am aca nanguishi mayi ivi' ana cien ana ala, qataq huo'o ana ivi' ana sesenta, qataq huo'o ana ivi' ana treinta.

Marcos 4:7

Qataq aso lÿa languishi tajlec so 'alhua mayi lesat, qaq asa'aso ÿaxat ÿataqta sa nlauashiguemgue da lañaxataxa, nachi asomayi ÿataqta ÿapolec asa'aso nanguishi, nachi sa ishit da huo'o naq'en aca ala.

Marcos 4:9

Nachi so Jesús 'enapeco': –Ca ÿaÿaten da n'axaÿaxanaxac, qaq no'on da n'axaÿaxaachiguiñi.

Efesios 2:21

Somayi nachiso som n'oxonaxala' cam noÿic mayi qan'oxootapiguishiguem. Camayi ÿataqta n'atta't qanqoÿin, chochi ivitta'a da 'eeta'am ca noÿic mayi taiguet da qaÿi'oxoden so qadataxala' Jesús.