Marcos 4:41 - Nuevo Testamento Toba Sur

⁴¹ Qaq soomayi ÿataqta lta'adaic da lcolanqa', nachi detaqtega't, 'eetra': –¿Négue't dam da' shiÿaxaua, yi ivida'a na l'at ishit da ÿalaxaguet qataq na 'etaxat?

Nuevo Testamento Toba Sombrero Negro

⁴¹ Qalaĝaja jogaa'me 'nemaĝadela'ajalo qa'a jalcote da'me loqolanaqa', nataq'aen nenatetapega't: —¿Jach'e da'me dojo', queda'me chayovida'a ga'me layat nataq'aen ga'me noĝop let'adaic yoqochideta?

La'aqtaqa Ñim Lo'onatac 'Enauacna 2013

⁴¹ Qalaxaye soomaye ỹataqta nlaqchiguilo da lcolanaqa' nache nnattrega't, 'eetra': «¿Negue't dam da' ỹale, ye ivira'a na la'at qataq na 'etaxat da ỹalaxaguet?»

Marcos 4:41 Referans Kwoze

Lucas 8:25

Ime, nachi 'enapegalo soua lapaxaguenataqa, 'eeta': –¿Chi táigo' cam qadpi'iÿaxaqui? Qalaxayi somayipi ÿataqta ñi'i, qataq ÿataqta huo'o da l'aalaxa. Nachi ñi 'oonolec inattac ñi lÿa, 'eeta': –¿Négue't dam da' shiÿaxaua?, yi ishit da ÿamaq na l'at qataq na 'etaxat, nachi ishit da ÿalaq.

Mateo 8:27

Nachi so shiÿaxauapi ÿataqta huo'o da l'aalaxa. Nachi 'eeta': –¿Négue't dam da' shiÿaxaua, yi ivida'a na l'at qataq ana lapel da ÿalaxaguet?

Apocalipsis 15:4

Qaq ¿negue'tom cam sa ishit da saq huo'o ca 'enec naq'en 'am, 'am qadataxala'? Qataq ¿negue'tom ca saq 'am ÿi'oxoden? Cha'ayi nachaq'amta da 'am qui'itta, qaq 'enauac qome na ÿotta'a't shiÿaxauapi anac da 'am ÿi'oxoden. Cha'ayi ÿataqta qaÿauaachigui da sa ishit da 'anpe'enai' da 'anmit ca lataxac.

Marcos 5:33

Nachi asa'aso 'alo ÿataqta iviloxolaqchit da lcolanaxa, cha'ayi asomayi maichi ÿaÿateetac da 'eetec co'ollaxa. Nachi jec da nqo'oneu'a somayi, nachi i'adoto naua l-llicte, nachi i'axatem 'enauac dam huaigui.

Hebreos 12:28

Qaq cam l'onataxanaxac ñi Dios mayi qomi' ÿanema da yaqto' qomi' nta'al, camayi sa ishit da qaÿayigot. Qaq ÿoqo'oyi sanqot qome da qan'achiquiaxac ñimayi qataq ÿataqta huo'o da qayi'iÿaxa qataq qadtelaxa da shi'oxodenaq ñimayi mayi nachida da ÿaÿamaxadeeta;

Lucas 4:36

Nachi 'enauac so shiÿaxauapi ÿataqta huo'o da lcolanaxa, nachi detaqtega't, 'eeta': –¿Négue't dam da' n'aqtac? ¡Yi dam da' shiÿaxaua ÿataqta huo'o naq 'enec, qataq huo'o da l'añaxac da l'aqtac da ÿamaq so n'ec leguemaxaic, nachi somayi jec!

Mateo 14:32

Nachi soomayi co'ollaq mashi huenojyingui aso barco, nachi vi'iiguet so l'at.

Marcos 7:37

Nachi ÿataqta lta'adaic da n'aalaxa, nachi qoÿiita': –Ÿataqta ÿaÿamaqchiguiñi 'enauac na i'ot, cha'ayi ivida'a da hua'aqa naq'en na da'añaigui na lqaic, qataq na qaicaua naua l'aqtaqa.

Marcos 4:40

Nachi 'enapegalo' soua lapaxaguenataqa, 'eeta': –¿Tá'ainco' yi qayi'ii? ¿Saqco' peta'a ca qadpi'iÿaxaquii?

Marcos 5:1

Qaq mashi ivittrague da le'ego aso lapel, qaivitta yi 'alhua Gadara.