Marcos 4:15 - Nuevo Testamento Toba Sur

¹⁵ Qaq huo'o na shiÿaxauapi mayi 'eeta'am aso nanguishi mayi tajlec so nqa'aic. Namayipi n'axaÿaxaatega da n'aqtac. Qalaxayi da qaÿata'ague da hua'axaÿa, nachi anac so Satanás, nachi deuotaxanec na n'aqtacpi mayi qoÿanoigui añi lquiyaqte.

Nuevo Testamento Toba Sombrero Negro

¹⁵ “Uo'oe gaa'me jiyaĝa'u jo'ne ena'ama gaa'me petal jo'ne tadi'ña ga'me naq'aec: jo'ne te'me domachita da'me 'naqataĝanaĝac, qalaĝaja qom yoĝo'yi da'me domachita qama'le novi' ñe'me payac jo'ne Satanás qama'le doĝotaĝanec ga'me jo'ne te'me qodanaĝanouelo naa'me lai'li.

La'aqtaqa Ñim Lo'onatac 'Enauacna 2013

¹⁵ Qaq aso nañiguishe alapi maye tatelec so nqa'aic, naigui nam na'axaỹaxana dam no'on na'axaỹaxac, qalaxaye da anac so pa'aguenataxanaxaic, nache ỹo'otec da icoua'ai 'enauac nam hua'aqchiguipi.

Marcos 4:15 Referans Kwoze

1 Pedro 5:8

Qataq ÿataqta qanaÿajnaxanaqchiñi, qataq qanloiteec, cha'ayi so qami' ipa'agueeta'pe shiÿaxaua lma'na coleetac, nmittaique ca loxonec, 'eeta'am ca quiyoc da desoqtac.

Mateo 13:19

Ca n'axaÿaxaatega da n'aqtaguec dam l'onataxanaxac ñi Dios mayi neta'ague da piguem, qalaq sa ishit da ÿaÿaten, camayi 'eeta'am aso nanguishi ala mayi tajlec so nqa'aic. Ime, qaq anac so shiÿaxaua lma'na, nachi deuotaxanec som n'aqtac mayi huetaigui añi lquiyaqte.

2 Corintios 2:11

yaqto' so Satanás sa ishit da huo'o ca lligueuo da shinaqta, cha'ayi qomi' mashi saÿajnaqte' naua n'onataxaco.

Lucas 8:12

Qaq asom nanguishi mayi tajlec na laÿi so nqa'aic, qalaq naigui ca shiÿaxaua mayi n'axaÿaxaatac. Qalaxayi anac som shiÿaxaua mayi lma'na, nachi deuotaxanec som n'aqtac mayi huetagui añi lquiyaqte, da yaqto' sa ishit da da'amqajnataxan naq'en, nachi sa ishit da nca'aleec.

Marcos 4:4

Qaq co'ollaq mashi danaxaatac, nachi huo'o aso languishi ala tajlec so nqa'aic, nachi anac na qoÿopi, nachi chic.

Hechos 5:3

Nachi so Pedro 'enapego' somayi, 'eeta': –Ananías, ¿tá'ainec yi 'aunoxonaqchitoigui añi 'adquiyaqte so Satanás da yaqto' 'auatenachit naq'en so Espíritu Santo, nachi 'an'onaxatañi aso laÿi aso lashiue so 'adma'?

Apocalipsis 20:10

Qaq som shiÿaxaua lma'na mayi ÿatenachit somayipi, qaÿasaxangui so lta'adaic nodec mayi huaña da ÿavictac na quiquiaxadaic, som huaña da qaÿasaxangui co'ollaxa so shiguiÿac qataq so 'eetega da l'aqtaxanaxanec ñi Dios. Huangui se'eso nodec, nachi huo'o da nque'ejnaxac chochaq tatreec 'enauaque naua na'axa'te.

Apocalipsis 20:7

Qaq qom mashi inoxoodeec caua mil vi'iyi, nachi so Satanás qaltaq qaisouec.

Hebreos 2:1

Qaq ÿoqo'oyi qomi' qome ÿataqta seloqtegue ca llic dam sa'axasoqchigui, yaqto' sa ishit da 'ico' selamaxataqhuec.

2 Ts 2:9

Da lvidaxac que'eca 'itaxaloxoic nactaigui da l'onataxanaxac so shiÿaxaua lma'na, l'enaxat Satanás. Ÿataqta lta'adaic da l'añaxac, ishit da i'ot na n'anecpi qataq ca sa qaÿauanapigui mayi depi'itaqtaxan.

Mateo 22:5

Qalaxayi som qaÿauotaique nqui'axauapi sa ishit da ÿalaq. Chaqdata da huo'o so nqo'oneuga ca n'alhua, qataq huo'o so nqo'ona ca nmenqa',

Apocalipsis 12:9

Qaq 'eda da 'eetec co'ollaq qaÿamaqhuec se'eso 'ico' da'ail'oc. Qaq somayi nachiso so n'adaxanaq mayi l'atchiguiñi da datenataxan, l'enaxat Satanás, som shiÿaxaua mayi lma'na. Qaq somayi qataq 'enauac so nallippi qai'odalec ana 'alhua.

Mateo 4:10

Nachi so Jesús 'enapega, 'eeta': –'Am Satanás, aÿim qoca'ai, cha'ayi yi nanettañi l'aqtac ñi Dios 'eeta': “'Avi'oxoden ñi 'adataxala' Dios, qataq nachaqñita 'au'onataxanot.”

Hebreos 12:16

Qataq sa ishit qome da huo'o ca 'oonolec da qoñiita da ncachitapegue' aca sa lhua, qataq da i'otan cam chigoqo'ot ñi Dios. Cha'ayi damayi nachida da 'eetec so Esaú co'ollaq imen dam qaÿaqataxaatapigui' da talec, cha'ayi n'auaxanec ñalec.

Hechos 17:32

Qaq co'ollaq qai'axaÿa de'eda 'eetec da qaltaq nca'aleec na leuaxaicpi, nachi huo'o na daÿalliguittac, qataq huo'o na laÿipi 'eeta': –Qaltaq ñi'axaÿaxanaxa de'eda qom qaltaq 'aupaquejlec da 'au'axat.

Marcos 4:14

Ca ÿaatapiguiñi aca languishi ala, camayi 'eeta'am cam i'axattac da n'aqtac.

Marcos 4:16

Qataq huo'o na laÿi shiÿaxauapi mayi 'eeta'am aso nanguishi mayi tajlec so 'alhua mayi ÿalliigui na coma'. Namayi da hua'axaÿa da n'aqtac, nachi ÿaconguet, qataq huo'o da lamanaxanaxa.