Marcos 4:14 - Nuevo Testamento Toba Sur

¹⁴ Ca ÿaatapiguiñi aca languishi ala, camayi 'eeta'am cam i'axattac da n'aqtac.

Nuevo Testamento Toba Sombrero Negro

¹⁴ “Ñe'me jo'ne yijaĝadegue gaa'me nepetal qom danaĝan, nach'e naq'aeta ñe'me jo'ne 'yaĝatetac da'me 'naqataĝanaĝac jo'ne onaĝaic.

La'aqtaqa Ñim Lo'onatac 'Enauacna 2013

¹⁴ So danaxaatac naigui ca ỹa'axattac da no'on na'axaỹaxac.

Marcos 4:14 Referans Kwoze

Hechos 8:4

Qalaxayi nam nlagaxattacpi mayi chigaqaña yi Jerusalén, namayipi i'axattac da n'aqtac mayi chigaqaigui da nca'alaxa, da huo'o da ividegue.

Mateo 13:19

Ca n'axaÿaxaatega da n'aqtaguec dam l'onataxanaxac ñi Dios mayi neta'ague da piguem, qalaq sa ishit da ÿaÿaten, camayi 'eeta'am aso nanguishi ala mayi tajlec so nqa'aic. Ime, qaq anac so shiÿaxaua lma'na, nachi deuotaxanec som n'aqtac mayi huetaigui añi lquiyaqte.

Lucas 8:11

Qaq 'eda da naigui som saloqnaxaatega, 'eeta': Aso nanguishi ala naigui da qai'axattac da l'aqtac ñi Dios.

Mateo 13:37

Nachi so Jesús 'enapeco': –Som shiÿaxaua mayi no'on aso languishi, nachina na shiÿaxaua llalec.

Marcos 4:3

–Ña qan'axaÿaxañiÿa da sa'axat, 'eeta': Huo'o so shiÿaxaua jec da danaxan.

Marcos 2:2

Nachi saqaÿaloq da anaga't na shiÿaxauapi, ivitta'a da qaica ca ndaqa' ca lasom. Qaq somayi i'axattac da l'aqtac ñi Dios.

Lucas 1:2

Qaq namayipi ÿiyiñi dam mashi qomi' i'axatema nam ÿauaachigui so chigoqchiguiña ne'ena qai'otpi, qata nataq'en i'axattac de'eda n'aqtac.

Mateo 13:3

Nachi somayi ÿataqta qalota na dapaxaguenataxanec, huota'a na laloqnaxanaxatpi, 'eeta': –Huo'o so shiÿaxaua jec da danaxan, ÿaañi aso languishi ala.

Marcos 4:13

So Jesús nataq'en 'enapeco': –¿Qachi sa qauaÿajñiÿo' qami' de'eda ÿaloqnaxanaxat? Qaq ¿huá'ago' qone' da qauaÿajñi na laÿi naloqnaxanaxatpi?

Marcos 4:15

Qaq huo'o na shiÿaxauapi mayi 'eeta'am aso nanguishi mayi tajlec so nqa'aic. Namayipi n'axaÿaxaatega da n'aqtac. Qalaxayi da qaÿata'ague da hua'axaÿa, nachi anac so Satanás, nachi deuotaxanec na n'aqtacpi mayi qoÿanoigui añi lquiyaqte.