Marcos 4:11 - Nuevo Testamento Toba Sur

¹¹ Nachi somayi 'enapeco': –Ñi Dios qami' ÿaÿajnaxanaxanque nam lataxacpi saq cha'a da l'onataxanaxac da ilo'ogue 'enauacna. Qaq nam laÿipi mayi pa'atauec, qalaq qaÿauota'a na naloqnaxanaxat da qai'aqtaxanem;

Nuevo Testamento Toba Sombrero Negro

¹¹ 'Yategueta joñe'me: “Ami yaqaya'olqa, eja Dios ami yayatenaĝanaĝaneque da'me dojo', nataq'aen yatetonaĝanaĝaneque ga'me ja di'yoq mañaĝa jo'ne lejaliaĝa. Jogaa'me jo'ne p'adegue ch'e qoyen tauelo gaa'me naloqotenaĝanaĝaiqui' da'me qo'yaĝatema,

La'aqtaqa Ñim Lo'onatac 'Enauacna 2013

¹¹ Nache So Jesús ỹasateguet somayepi 'eeta': «Qami' maye qami' sa'aqtaxaatema dam saqcha'a lo'onataxanaxac Ñim Lo'onatac 'Enauacna, qalaxaye na laỹepi shiỹaxauapi da sapaxaguen qalaq sauota'a na ỹaloqnaxanaxatpi.

Marcos 4:11 Referans Kwoze

Mateo 11:25

Nachi se'eso na'a'q so Jesús 'eeta': –'Am ita'a mayi 'am lataxala' na neta'ague da piguem qataq ana 'alhua, 'am shi'oxoden, cha'ayi 'am 'auachaxana nam qaica ca ÿaÿajnapec da 'ad'onataxanaxac mayi 'ai'oxoochiisop co'ollaxa nam ÿajnaxanaxaicpi qataq nam huattonaxanaxaicpi.

Lucas 8:10

Nachi somayi 'enapeco': –Ñi Dios qami' ÿaÿajnaxanaxanque nam saq cha'api lataxac da l'onataxanaxac. Qaq nam laÿipi qalaxayi sauota'a ÿaloqnaxanaxat da setaxaigui, yaqto' namayipi da demejnaxaatac qalaq 'eeta'am da sa nauaañi, qataq da hua'aqtac qalaxayi sa ÿaÿaten cam qai'axat.

1 Juan 5:20

Nataq'en qomi' saÿajnaq da so llalec ñi Dios, somayi anac da qomi' ÿanema da qadauattonaxanaxac, da yaqto' sauattonaqta ñim ÿoqta 'eesa Dios. Qaq ñi'adaqtau'a som llalec Jesucristo som ÿataqta 'eesa. Qaq 'eso som qadta'a Dios, qataq nachiso som chigoqo'ot da nca'alaxa mayi chochaq tateec.

1 Ts 4:12

da yaqto' na saxanaxa da da'amqajnataxan 'onaxaic naq'en da qan'aqtaguiiqui, qataq yaqto' sa ishit da saqca ca lhuenec ñi 'oonolec da qoñiita.

Colosenses 4:5

Qataq ÿataqta qanaÿajnaxanaqchiñi da qautaqaitague' nam saxanaxa da da'amqajnataxan. Ÿataqta qauqopitaxañiÿapec naua no'on na'axa'te, da huo'o ca qaddaqa'ai.

1 Timoteo 3:7

Nataq'en iuen da no'on da n'aqtaguec naq'en na saq 'amqajnataxanaxaicpi, yaqto' sa ishit da sa qaÿauo'o ca 'enec qanqoÿin, yaqto' sa ishit da ilamqa'aguet ca lqoinaxanaxac so shiÿaxaua lma'na.

Efesios 1:9

qataq da qomi' ÿauattonaxanaxanque dam lhuennataxac mayi saq cha'a qataq dam 'eetapeguec mayi huotaique da i'ot.

2 Corintios 4:6

Cha'ayi ñim Dios mayi maichi namaq asom lcoÿadaxanaqte, da yaqto' icoÿadelec nam napalaxa, qaq nachiñi ñimayi icoÿadoiguilo naua qadquiyaqte, chigoqchigui naq'en asa'aso lcoÿadaxanaqte, da yaqto' ishit da sauattonaq da lli'oxoyic ñimayi mayi 'edoigui naq'en da lashiguiaxac so Jesucristo.

Mateo 16:17

Nachi so Jesús 'enapeco': –'Am Simón mayi 'am llalec so Jonás, ÿataqta lta'adaic qome da 'adamaic, cha'ayi sa ishit da chochi shiÿaxaua ca 'am ÿaÿajnaxanaxanec de'eda, chaqñita ñi ita'a mayi neta'ague da piguem.

Mateo 13:16

Qalaxayi qami' ÿataqta qauamaichiguiñi, cha'ayi naua qad'ai'chilli' nauaachiyiñi, qataq naua qadtelalauacolli' hua'axai'.

1 Corintios 4:7

Cha'ayi ¿négue't ca 'am ÿanagui da 'anataÿaña na 'adaÿipi? ¿Negue'to' ca saq chigoqo'ot ñi Dios na 'am hueto'ot? Qaq ñimayi da 'am ÿanem na 'am hueto'ot, qaq ¿tá'ainco' yi 'an'amaqchiitac, 'eeta'amo' da 'enauac na 'am hueto'ot maichi 'ad'añaqtaguishic?

Marcos 3:23

Nachi so Jesús iÿaxanoigui so shiÿaxauapi, nachi ÿauo'o so daloqnaxana, 'eeta': –¿Huá'ago' ca 'eetec ca lataxac da so Satanás maichi n'odela't?

Marcos 4:2

Nachi somayi ÿataqta qalota na dapaxaguenataxanec, ÿauota'a na laloqnaxanaxatpi, 'eeta':

Marcos 4:10

Qaq co'ollaq nda'ai' nam nachi 'eetai' da sa iÿoteec so Jesús qataq soua lapaxaguenataqa, nachi qainattac somayi da chaq 'eetec ca naigui dam daloqnaxaatega.