Marcos 3:8 - Nuevo Testamento Toba Sur

⁸ Qaq co'ollaq qai'axaÿapeguelec da l'amaqchic nam i'otpi somayi, nachi ÿataqta qalota na anaÿa somayi, mayi chigaqa'a yi Judea, qataq Jerusalén, qataq yi Idumea, qataq da le'ego so tala Jordán mayi pa'aigue da yi'oxoñi, qataq yi 'alhua Tiro qataq Sidón.

Nuevo Testamento Toba Sombrero Negro

⁸ Ca'li qodep'iquitapegalo jogaa'me 'lonataqa jo'ne p'ajodaye, nach'e ena'am nec'adeta joga'me Judea laje'pi qaedi yauata, nataq'aen jogaa'me chiyoqoda'ña di'me Jerusalén, nataq'aen jogaa'me Idumea laje', choqogaa'me jo'ne chiyoĝotegue di'me nayapije'ma jañe'me ajeua jo'ne lajego di'me Jordán, nataq'aen jogaa'me lep'aĝa'j di'me aleua jo'ne Tiro nataq'aen di'me Sidón.

Marcos 3:8 Referans Kwoze

Mateo 11:21

–¡Ÿataqta qami' choxodaxasodo', qami' mayi qoñiitaña yi pueblo Corazín! ¡Nataq'en qami' mayi qoñiitaña yi pueblo Betsaida! Cha'ayi nam netaña yi la ciudad Tiro qataq yi Sidón, da huo'otaq huañáctaxa nam qai'otpi mayi qami' huaiguilo, qaq sogotéctaxa quesom yimayipi da ca'aisalo naua n'onataxaco, qataq da nachaxaata da ÿaayiñi naua alogo na huasouaxaic qataq da nmettala't na alo.

Marcos 7:24

Nachi so Jesús ca'ai ca hueta'a, nachi taÿa yi 'alhua Tiro qataq yi Sidón. Nachi co'ollaq taigui ca noÿic, nachi nshitaique da sa ishit da huo'o ca noma somayi, qalaxayi sa ÿañoxot da nqañoxojñi.

Marcos 7:31

Nachi so Jesús qaltaq ca'ai yi 'alhua Tiro, nachi tajlec yi Sidón qataq nam pueblopi yim 'alhua Decápolis, chochi ivittaxaama aso lapel mayi huaña yi Galilea.

Mateo 4:25

Nachi ÿataqta qalota na shiÿaxauapi ca'attague' somayi, nam chigaqaña yi Galilea, qataq yiua diez pueblo mayi qaÿamata'ac Decápolis, qataq yi Jerusalén, qataq yi 'alhua Judea, qataq na pa'aigue da nala' lliguishiguem yi tala Jordán.

Lucas 6:17

Nachi so Jesús huenoteeguesop aso saqaÿoqotchiguemec 'alhua, lÿata'pe soomayi. Qaq co'ollaq qanviyiña aso lcomadaxalate, nachi somayi qataq soua lapaxaguenataqa nachi vi'iigueta. Qaq nataq'en ÿataqta qalota na shiÿaxauapi chigaqaña 'enauac yim 'alhua l'enaxat Judea, qataq yi Jerusalén, qataq na loigue yi Tiro qataq yi Sidón. Namayipi anac da huotaique da n'axaÿaxana so Jesús, qataq da qanataden da lalolaxa.