Marcos 3:5 - Nuevo Testamento Toba Sur

⁵ Nachi so Jesús ÿataqta denogui co'ollaq ÿamataigui somayipi, qataq ÿataqta daquico. Cha'ayi somayipi sa ishit da qaÿapaxaguenai'. Nachi 'enapego' so shiÿaxaua mayi daqaqta na lhuaq, 'eeta': –'Anchinnaxaneec na 'adhuaq. Nachi somayi nchinnaxaneec na lhuaq, nachi no'oita.

Nuevo Testamento Toba Sombrero Negro

⁵ Chane'eja joñe'me Jesús jalcote da'me totelegue ca'li, nataq'aen dalematayi da'me lec'atenaĝanaĝac qa'a ja jetaque yacoteguet ga'me enaac, qama'le enapega ñe'me jiyaĝaua: —¡Anodegue na'me adouaq! Ñe'me jiyaĝaua nodegue, qama'le paja'a 'noota ga'me louaq.

La'aqtaqa Ñim Lo'onatac 'Enauacna 2013

⁵ Nache So Jesús ỹataqta dalemataỹa som datataiguipi, qaq co'ollaq ila'a da lquiyaqteỹaxac somayepi da ỹataqta qaramchigui qataq qaica ca lsoxoyec, nache huo'o da laquicoxo. Nache 'enapego' so sano'on, 'eeta': «'Anchennaxanec na 'arhuaq.» Nache se'eso ỹale nchennaxanec na lhuaq, nache no'oita.

Marcos 3:5 Referans Kwoze

Lucas 6:10

Nachi so Jesús ÿamataigui 'enauac so datatauopi. Ime, nachi 'enapega so shiÿaxaua, 'eeta': –Ña 'ai'aneec na 'adhuaq. Nachi so shiÿaxaua ÿaneec na lhuaq, nachi ÿataqta no'oita na lhuaq.

Efesios 4:18

qataq da lauattonaxanaxac 'ico' huetaigui na napalaxa. Namayipi sa ishit da hueto'ot da achaalataxac mayi chigoqo'ot ñi Dios, cha'ayi qaica ca ÿaÿajnapec, souaxat da ÿataqta qadamchiguilo naua lquiyaqte.

Romanos 11:25

Ÿoqo'oyi qami' ÿaqaÿa't, ñishitaique da qauaÿajñi de'eda saq cha'a lataxac mayi 'eetapeguec ñi Dios, yaqto' qami' sa ishit da qaupi'itaxañiitega da qami' ÿajnaxanaxaiqa. Cha'ayi huo'o nam Israel l'ecpi nam ÿataqta qadamchigui, qalaxayi to' qom ivita ca laloqo' da nala'a't na sa ishit da Israel l'ecpi da inoxoneuo.

Mateo 12:13

Nachi so Jesús 'enapega so shiÿaxaua 'eeta': –Ña 'ai'aneec da 'adhuaq. Qaq co'ollaq chochi ÿaneec na lhuaq, nachi no'oita, 'eeta'am na lÿa lhuaq.

Apocalipsis 6:16

Qaq namayipi detaqtacot ana qasoxonaxapi qataq na coma'pi, 'eeta': –Ña qomi' 'aupataxayiñi qome, qataq qomi' 'ai'oxochiisopa qome da lmejnaxanaxac ñim nso'ootangui añi so'onaxaqui, qataq dam lta'adaic nhuaxanaguecna naq'en ñim qagueta llalec.

Hebreos 5:9

Qaq cha'ayi somayi ÿataqta qanaloqchiichiguiñi da lataxac, qaq ÿoqo'oyi ishit da nachiso so chigoqchigui dam chochaq tateec nca'alaxa mayi taÿot 'enauac nam ÿalaxaguet somayi.

Hebreos 3:17

Qataq ¿chaq négue't som ivi' naua cuarenta vi'iyi da dalemataÿa ñi Dios? Qomyi som huo'o ca ÿasouaxat, nachi 'enauac somayipi ileu co'ollaq hualec so tojlec 'alhua.

Efesios 4:30

Qataq sa ishit qome da qauaquicoqchichi so Espíritu Santo mayi chigoqo'ot ñi Dios. Cha'ayi somayi nachiso so chigoqchigui da qami' qai'a'n, da yaqto' qami' lalamqa'te ñi Dios, chochi ivitta'a ca na'a'q qom ñimayi qami' ÿanema cam ÿataqta nalochiguiñi qadca'alqai.

Efesios 4:26

Qaq da huo'otaq qaualematai, qalaq sa ishit da qauauo'oi ca qadasouaxashichi. Qataq de'eda qadalemataique sa ishit da imauec ca 'oonolec na'a'q.

2 Corintios 3:14

Qalaxayi somayipi qaica co'ollaxa ca lauattonaxanaxac. Qaq ñaq 'eetalec nagui naxa da qaitaxaÿaxan so hua'auchiguiñi aÿamaxataxac, qaq nachiso se'eso napoxonaxat som daqanaqtaxan da huo'o mshi sa ishit da huo'o ca qaÿaÿaten. Cha'ayi se'eso napoxonaxat sa ishit da qanqat, cha'ayi nachaqsota som Cristo mayi ishit da nqat.

Juan 9:7

Nachi 'enapega somayi, 'eeta': –'Aue qome, 'anÿo, 'anqo'onaxaama añi laÿi' na 'etaxat l'enaxat Siloé –de'eda n'enaxat Siloé naigui da Namaxashic. Nachi se'eso qanamaic jec da nÿo. Qaq co'ollaq ñi'iguelaq, nachi nauaachiguiñi.

Lucas 17:14

Nachi so Jesús co'ollaq ila'a somayipi, nachi 'enapega, 'eeta': –Qauesomiÿa, qanachaxañiu'a cam ltaxaÿaxanaxanecpi nam shiÿaxauapi da qaitaxaÿapegue' ñi Dios. Qaq co'ollaq quetague' somayipi ca nqa'aic, nachi maichi no'oita.

Lucas 13:15

Nachi so qadataxala' ÿasat, 'eeta': –Qami' mayi qoñiÿapec qami' 'eesoda, ¿peta'a sa ishito' da huo'o ca 'oonolec da qoñiita da isouec ca lauegaxanaxala' huaca, huo'otaq ca lalo 'ashina, ca na'a'q mataxaqui da yaqto' ÿauegaxasom da nÿomaxan?

Hebreos 3:10

Qaq ÿoqo'oyi aÿim salemataÿa se'eso shiÿaxauapi. Nachi shiita': “Namayipi ÿataqta nachi 'eetai'naxa da isomtac da lquiyaqteÿaxac, qataq sa ishit da ÿaÿaten ca llic na ñaqa'aiquiaxac.”

Marcos 3:4

Ime, nachi inat so shiÿaxauapi, 'eeta': –¿Chaq négue't ca qaÿashiita da qai'ot yi na'a'q mataxaqui, peta'a ca ÿaÿamaqchiguiñi, huo'otaq ca qauem? ¿Da qanca'alaxateec ca shiÿaxaua, qalqo' qaÿalauat? Qalaxayi somayipi ÿataqta ÿi'imaqtom.