Marcos 3:18 - Nuevo Testamento Toba Sur

¹⁸ qataq so Andrés, Felipe, Bartolomé, Mateo, Tomás, Santiago som llalec so Alfeo; Tadeo, Simón mayi chigaqaigui na cananista,

Nuevo Testamento Toba Sombrero Negro

¹⁸ ñe'me Andrés; ñe'me Felipe; choqogaa'me Bartolomé, Mateo, Tomás, nataq'aen Santiago jo'ne Alfeo lec'oĝot, Tadeo, Simón jo'ne celote,

La'aqtaqa Ñim Lo'onatac 'Enauacna 2013

¹⁸ qataq so Andrés, Felipe, Bartolomé, Mateo, Tomás, qataq so Santiago som llalec so Alfeo, Tadeo, qataq so Simón maye chegaqaigui nam dataỹa'aguet naxa na nta'alpi,

Marcos 3:18 Referans Kwoze

Hechos 1:13

Qaq co'ollaq ivildeu'a yi la ciudad, nachi tayishiguemec ca pa'ashiguem ca noÿic mayi lanataqa't. Qaq na l'enqa'te soomayi: Pedro, Santiago, Juan, Andrés, Felipe, Tomás, Bartolomé, Mateo qataq so Santiago, Alfeo llalec, qataq so Simón mayi chigaqaigui na cananistapi, qataq so Judas mayi lqaÿa so Santiago.

Marcos 2:14

Qaq co'ollaq jec, nachi ila'a so Leví som llalec so Alfeo. Somayi nso'ootañi, hueta'a aca lshiitenaxanaxaqui na shiÿaxauapi da ishiiten ca nta'a. Qaq so Jesús nachi iÿaxana somayi, 'eeta': –Aÿim 'auca'ategue qome. Nachi so Leví ñishiguem, nachi ca'ategue.

Santiago 1:1

Aÿim Santiago, aÿim lamaxashic ñi Dios qataq so qadataxala' Jesucristo. Samaxa da iquinaxanaxac na shiÿaxauapi mayi chigoxogueta soua doce llalqa so Israel nam nlagaxajlec 'enauac ana 'alhua.

Mateo 9:9

Qaq so Jesús co'ollaq ca'ai yi'iyi, nachi ila'a so shiÿaxaua l'enaxat Mateo. Somayi nso'ootañi, netaigui aso l'onataxanaxaqui. Nachi 'enapega, 'eeta': –Aÿim qoquegue. Nachi so Mateo ñishiguem, nachi ca'ategue somayi.

Judas 1:1

Aÿim mayi i'enaxat Judas, aÿim l-latac so Jesucristo, qataq ÿaqaÿa so Santiago. Aÿim shiyiñi ana ÿide da samaxa nam lÿaxanataguishicpi ñi qadta'a Dios da iÿotauga da ÿauo'o lalamaxatpi. Qaq namayipi ÿataqta qantela'a, souaxat da n'attau'a so Jesucristo.

Gálatas 2:9

Qaq ÿoqo'oyi so Santiago, Pedro, qataq so Juan mayi l'auaxanqa da nataxala'te, soomayi ÿauattoote' da nachiñi ñi Dios ñi aÿim ÿanem de'eda i'onataxanaxac. Qaq ÿoqo'oyi soomayi nachi aÿim nashileto qataq so Bernabé. Qaq de'eda qanashilaxac naigui da maichi qomi' nÿa't, qataq da qaÿaÿamaxadeeta da qomi' so'onataxanaxaigui nam saq judiopi, qaq soomayi qalaxayi do'onataxaadoigui nam judiopi.

Gálatas 1:19

Qalaxayi sa ishit da huo'o ca lÿa da sela'a so laÿipi, chaqsota so Santiago som lalamaxat lqaÿa so qadataxala' Jesús.

1 Corintios 15:7

Ime, qanachi qaltaq nachaxana so Santiago, ime qaltaq jec 'enauac so laÿipi lamaxashicpi.

1 Corintios 9:5

qataq nataq'en da ñinaictague' aca iua 'amqajnataxanaxai, 'eeta'am da 'eetec na laÿipi lamaxashicpi so qadataxala' Jesús, qataq soua lalamqa'te lqaÿa't, nataq'en so Pedro.

Hechos 21:18

Qaq so lÿa na'a'q nachi so Pablo nataq'en qomi' ñoqo'onaxau'a so Santiago. Qaq somayi nachi hueta'aguet 'enauac so laÿipi nataxala'pi.

Hechos 15:13

Qaq co'ollaq ima't da l'aqtaxanaxa'c, nachi so Santiago detaqa, 'eeta': –Qami' ÿaqaÿa't, ñaq qan'axaÿaxañiÿa da i'aqtac, 'eeta':

Juan 21:2

Soomayi co'ollaxa ÿalecta'a't so Simón Pedro, Tomás som qaÿamata'ac da huaya', qataq so Natanael mayi lma' yi Caná yim huaigui yi Galilea, qataq soua llalqa so Zebedeo, qataq soua lÿa't dos lapaxaguenataqa so Jesús.

Juan 14:22

Qaq som Judas (som l'enaqteua so Iscariote) 'enapeco': –'Am qadataxala', ¿tá'ainco' da nachiqomaqta da qomi' 'anachaxanalo, qaq sa ishit da nataq'en 'anachaxana nam shiÿaxauapi mayi huetalec ana 'alhua?

Juan 11:16

Nachi som Tomás mayi qaÿamata'ac da huaya' 'enapegalo' soua lÿa't mayi napaxaguenaxa'u, 'eeta': –Qolaq nataq'en qomi', yaqto' nataq'en qadleuaxaua damayi.

Juan 1:40

Qaq so 'oonolec soua hua'aqchiguilo co'ollaxa so Juan, nachi ca'ateguelo so Jesús, somayi nachiso so Andrés, som lqaÿa so Simón Pedro.

Marcos 6:3

Yi damayi chochi qo'ipaq l'o, llalec aso María, qataq lqaÿa so Santiago, José, Judas qataq so Simón. Qataq naua lqaÿa't 'alo souaqta'agueta. Nachi sa ishit da qai'amaqten.

Mateo 13:55

Cha'ayi damayi nachida da llalec som qo'ipaq l'o, l'enaxat José. Qataq aso late'e l'enaxat María. Damayi nachi lqaÿa't soua Santiago, José, Simón qataq so Judas.

Marcos 3:17

qataq so Santiago qataq so lqaÿa Juan, llalqa so Zebedeo, som ilonque so Jesús da Boanerges, da mayi naigui da 'añaxaiqa, 'eeta'ama na nalataxa;

Marcos 3:19

qataq so Judas Iscariote, mayi ÿaneuo co'ollaxa so Jesús. Qaq co'ollaq ime, nachi so Jesús inoxonoigui ca noÿic, nataq'en soua lapaxaguenataqa.