Marcos 3:10 - Nuevo Testamento Toba Sur

¹⁰ Cha'ayi somayi ÿataqta qalota na nataden, nachi 'enauac na sa no'onpi ÿataqta namaxa't, nasoneu'a so Jesús da huotaique da ipoteu'a.

Nuevo Testamento Toba Sombrero Negro

¹⁰ Qa'a jalcote ga'me en yemegue q'aen, qama'le ena'uaque joga'me leuaĝaiquipi quetedapegue' joñe'me qaedi yepo't.

La'aqtaqa Ñim Lo'onatac 'Enauacna 2013

¹⁰ 'Eetai'toxo' da So Jesús mashe qalota so nataren, qalaxaye ñaqaiyeta ña qalota so sa no'onpi. Qaq somayepi ỹataqta coleesop So Jesús da huotaique da ipoteua'a da yaqto' no'oita.

Marcos 3:10 Referans Kwoze

Marcos 6:56

Nachi cam tau'a somayi nam pueblopiolec, huo'otaq nam pueblo lta'adaicpi, huo'otaq naua n'onaxayi, nachi qaÿachauga na nqa'aicpi na sa no'onpi. Nachi qanachoxonnot so Jesús da ishit da ÿashiita da chochi qaipoteu'a na lapo' laÿi. Nachi 'enauac nam ipoteu'a somayi, nachi no'oita.

Mateo 14:36

Nachi qanachoxodeetacot da nai'ctaxa da chochi qaipoteu'a na laÿi so lapo'. Nachi 'enauac som ipoteu'a na laÿi so lapo', nachi no'oita.

Mateo 4:23

Nachi so Jesús coleetapeguelec 'enauac yi Galilea da dapaxaguenataxaatapoigui ana laponaxaquipi na judiopi yi'iyi 'alhua, i'axattac da no'on qad'axaÿaxac mayi i'axat da ñi Dios ilo'ogue 'enauacna, qataq natadeetac 'enauac na ÿotta'a't lalolaxaguesat na shiÿaxauapi.

Hechos 5:15

Qaq ÿoqo'oyi ivida'a da qanqateec na dalolaxaicpi, qaÿachitalguete naua lmala'te qataq naua lacanqa, da qaidougalo na nqa'aico, yaqto' da huo'o ca nateuga so Pedro, nachi nai'ctaxa da huo'otaq chochi lpaqal ca tajlec ca 'oonolec namayipi.

Lucas 7:2

Qaq huaña yimayi, nachi huo'o so huataxanaq lta'a mayi l'ec yi Roma. Somayi huo'o so l-latac ÿataqta lauotaxat, qaq somayi sa no'on, qaq mashi ileetapigui'.

Hebreos 12:6

Cha'ayi ñi qadataxala' ÿataqta nlaxaneec ca lauotaxat, qataq ÿataqta iuaxan 'enauac na lalamaxat llalaqpi.

Marcos 5:34

Nachi so Jesús 'enapego' asomayi, 'eeta': –'Am ÿalole, 'am qanataden, cha'ayi 'au'amqajnataxan. 'Aue qome, qojec, saqca ca da, 'am nagui mashi qaica so 'adalolaxa.

Mateo 14:14

Nachi co'ollaq huenoteeguesop aso barco so Jesús da le'ego, nachi chochi ilaigui so shiÿaxauapi ÿataqta qalota, nachi ÿataqta qalota da lchoxonnataxanaxa somayipi. Huaña, nachi nataden na sa no'onpi mayi qandotauo.

Mateo 12:15

Qaq so Jesús co'ollaq ÿaÿaten de'eda, nachi ca'ai yi'iyi hueta'a. Nachi ÿataqta qalota som shiÿaxauapi mayi ca'ategue somayi. Nachi somayi nataden 'enauac nam sa no'onpi.

Marcos 8:22

Qaq co'ollaq ivilda yi Betsaida, nachi qanauegueu'a so Jesús so qanamaic, nachi qanachoxodeetot somayi, da yaqto' ÿashil-lec.

Lucas 5:3

Nachi so Jesús huenojñigui aso 'oonole se'esoua barco asom lalamaqte so Simón, nachi iÿaxanot somayi da cada'ac da nquigaxattaxasom. Ime, nachi so Jesús nso'oongui aso barco, nachi cot da ÿapaxaguen na shiÿaxauapi co'ollaq huaña se'eso loigue.

Lucas 6:19

Nachi 'enauac na shiÿaxauapi ÿauotaique da ipoteu'a so Jesús souaxat somayi da natadeetac 'enauac na shiÿaxauapi, qalaq idolec da l'añaxac.

Lucas 7:21

Nachi co'ollaq chochi ivildeuo soomayi, nachi so Jesús ÿataqta qalota so shiÿaxauapi nataden na ÿotta'a't lalolaxacpi, nataq'en nataden nam huo'o na l'ec leguemaxaic, nataq'en qalota na nauaañi naq'en nam qanamaicpi.