Marcos 2:7 - Nuevo Testamento Toba Sur

⁷ “¿Tá'ainco' dam da' shiÿaxaua, yi 'eetec de'eda da l'aqtac? Ishiueetac ñi Dios, yi qaica ca ishit da ÿapalaxat ca nasouaxashit, chaqñita ñi mayi.”

Nuevo Testamento Toba Sombrero Negro

⁷ —¿Jach'e ga'me eeta da'me 'laqatac da'me dojo' jiyaĝaua? ¡Dojo' yataqachiñe ye'uetac joñe'me Dios! Qa'a ¡onolec ñe'me Dios yaqanatet ta'le yapalaĝa't jogaa'me loeco ga'me jiyaĝaua!

La'aqtaqa Ñim Lo'onatac 'Enauacna 2013

⁷ «¿Ta'ainco' dam da', ye nache 'eetec da la'aqtac? Damaye ỹataqta isheueetac Ñim Lo'onatac 'Enauacna, ye qaica ca ishet da ỹapalaxat ca nasouaxashet, nachaqñita Ñimaye.»

Marcos 2:7 Referans Kwoze

Lucas 5:21

Nachi nam dapaxaguenataxaatapeguec na nqataxacpi qataq nam ÿalectaigui na fariseopi nachi deuennataxaatac, 'eeta': “¿Négue't dam da' shiÿaxaua? Yi ÿi'inai' ñim Dios nam l'aqtaqa. Yi qaica ca ishit da ÿapalaxat na nasouaxashitpi, nachaqñita ñi Dios mayi ishit.”

Lucas 7:49

Nachi na nhuanaxauapi somayi mayi nso'oota'ai', nachi deuennataxaatac, 'eeta': –¿Chaq négue't ñim ña' shiÿaxaua?, yi ivida'a nam nasouaxashitpi ishit da ÿapalaxat.

Juan 10:33

Nachi nam judiopi 'enapeco': –Sa ishit da 'am sasaxasoq na coma' da souaxat cam ÿaÿamaqchiguiñi 'au'ottac. Mayi 'am sasaxasoq, souaxat naua 'ad'aqtaqa ÿataqta npa'agueneto ñi Dios. Qamaq 'am chochi 'am shiÿaxaua, qalaq qonetega da 'am Dios.

Marcos 14:64

Yi qami' mashi qau'aqaichigui damayi da naua l'aqtaqa ÿataqta npa'agueneto ñi Dios. Qaq ¿huá'ague ca qoñiitec damayi? Nachi 'enauac qaimalec da qoÿanguet da nalaataguec somayi.

Mateo 26:65

Nachi som lta'a na lataxala'pi na ntaxaÿaxanaxanecpi, somayi icolaxata'aguelo naua alogo. Damayi naigui dam 'eeta lta'adaic. Nachi 'enapeco': –De'eda shiÿaxaua, damayi naua l'aqtaqa ÿataqta npa'agueneto ñi Dios. ¿Negue'tom ca lÿa shiÿaxaua seuenaq da da'aqtaxan? Cha'ayi qami' qau'aqaichigui da l'aqtac da ÿataqta npa'aguene' ñi Dios.

Mateo 9:3

Qaq huo'o som ÿalectauopi nam dapaxaguenataxaatapeguec na lqataxacpi so Moisés da deuennataxaatac, 'eeta': “Dam da' shiÿaxaua npa'aguene' ñi Dios naua l'aqtaqa.”

Juan 10:36

Qaq da huo'otaq ñim Dios aÿim iÿotauga co'ollaxa, nachi aÿim namaxa ana 'alhua, qaq ¿tá'ainco' qami' yi qoñiitega da npa'agueneto naua i'aqtaqa ñimayi, souaxat da shiitega da aÿim llalec ñimayi?

Marcos 2:6

Qalaxayi nam dapaxaguenataxaatapeguec na nqataxacpi mayi ÿalectauo, nso'ootañi deuennataxaatac, 'eeta':

Marcos 2:8

Qalaxayi so Jesús, somayi maichi ÿaÿateetac da lhuennataxac namayipi. Nachi 'enapego', 'eeta': –¿Tá'ainco' yi qadhuennataqai de'eda?