Marcos 2:25 - Nuevo Testamento Toba Sur

²⁵ Qalaxayi so Jesús 'enapego' somayipi, 'eeta': –¿Sa ÿauango' peta'a da qami' qautaxaÿaxañi da 'eetec so David, co'ollaq huo'o so na'a'q da somayi qataq soua lÿa't huo'o da lhuenaxanqa' qataq ÿoqoua't?

Nuevo Testamento Toba Sombrero Negro

²⁵ Qalaĝaja joñe'me 'yategueta jogaa'me: —¡Anetoviñetac da'me nediijec jo'ne 'yaĝatetac ca'li da'me ya'uo di'me David choqogaa'me lequiaĝa'u! 'Uo da'me louenaĝanaĝa'j nataq'aen queda'me yoqoua't ca'li jogaa'me.

La'aqtaqa Ñim Lo'onatac 'Enauacna 2013

^25-26 Qalaxaye So Jesús 'enapego' somayepi, 'eeta': –¿Ỹataqta saỹauano' peta'a da qautaxaỹaxañi da ỹo'ot so David maye nanettalec ana nere maye huetalec na la'aqtacpi Ñim Lo'onatac 'Enauacna, co'ollaq so na'a'q da so Abiatar lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna? Da so David qataq soua lỹa't huo'o da lta'araic lhuenaxanaqa' qataq ỹataqta iqoua't. Nache somaye pa'aigui so lauo' Ñim Lo'onatac 'Enauacna, nache chec aso nauole maye nda'a't nam ntaxaỹaxanaxanecpi da qaitaxaỹapegue' Ñim Lo'onatac 'Enauacna da ishet da chec, ime qataq ỹache't soua nnaictagueto. So Jesús nataqa'en 'enapeco':

Marcos 2:25 Referans Kwoze

Lucas 10:26

Nachi so Jesús 'enapeco': –¿Négue't nam nanettañi nqataxacpi mayi chigoqo'ot so Moisés? ¿'Éetec cam 'adtaxaÿaxanataxanaxac?

Marcos 12:26

Qaq de'eda lataxac da qaltaq qanca'alaxateec na leuaxaicpi, qalaq ¿sa ishito' peta'a da qautaxaÿaxañiÿa'pe naua lliyigui'shi l'aqtaqa so Moisés, da 'eetec co'ollaq ñi Dios detaqtague' somayi, detaqtapoigui aso qo'ipaq lapole mayi ÿavictaigui? Qaq ñimayi 'enapeco': “Aÿim mayi nachaÿim nDios so Abraham, qataq so Isaac qataq so Jacob.”

Marcos 12:20

Qaq huo'o so siete nqaÿañicpi. Som ÿi somayipi huadon, qalaxayi somayi ileu, qataq qaica ca llalec.

Mateo 22:31

Qaq de'eda lataxac qom qaltaq nca'aleec na leuaxaicpi, qalaq ¿sa ishito' peta'a da qautaxaÿaxañiÿapec da maichi l'aqtac ñi Dios? Mayi 'eeta':

Mateo 21:42

Nachi so Jesús 'enapeco': –¿Qami' peta'a sa ÿauanapego' da qautaxaÿaxañi' naua ñiyigui'shi l'aqtaqa ñi Dios? Mayi 'eeta': Ca coma' mayi i'otan nam noÿic l'opi, nachica nagui cam nllañi ca noÿic. Qaq damayi chigoqchigui da i'ot ñi qadataxala'. Qaq damayi ÿataqta qaica ca 'en'am ñaqashinaq da lli'oxoyic.

Mateo 21:16

Nachi somayipi 'enapega so Jesús, 'eeta': –¿'Am peta'a 'au'aqtega da 'enapec ne'enapi? Nachi so Jesús 'enapeco': –Aja', sa'aqtega. Qalaxayi qami' ¿sa ishito' peta'a da qautaxaÿaxañi naxa da 'enapec naua ñiyigui'shi l'aqtaqa ñi Dios? Mayi 'eeta': 'Au'otec nam ñaqpiolec qataq nam ñaq lliptac da ÿataqta ÿaÿamaqchiguiñi da lli'oxonnataxanaxac.

Mateo 19:4

Nachi so Jesús 'enapeco': –¿Sa ishito' peta'a da qautaxaÿaxañi qami' naua ñiyigui'shi l'aqtaqa ñi Dios dam 'eetec ñimayi co'ollaq chita'ague da do'onataxan, nachi “i'ot so shiÿaxaua qataq aso 'alo”?

Mateo 4:2

Nachi somayi sa ishit da deque'e, chochi ividaxattrauec soua cuarenta na'axa'te qataq soua cuarenta pe'. Qaq co'ollaq inoxoodeec se'esoua na'axa'te, nachi huo'o na lqouaxa.

Marcos 2:24

Nachi na fariseopi 'eetego' somayi, 'eeta': –Ña 'aula'a, ¿tá'ainco' da 'eetec de'eda naua 'adapaxaguenataqa, qamaq sa ishit da qaishitapec yi na'a'q mataxaqui?

Marcos 2:26

Nachi so David pa'aigui so lauo' ñi Dios co'ollaq ña lataxala' so Abiatar nam ntaxaÿaxanaxanecpi da qaitaxaÿapegue' ñi Dios. Nachi chic aso pan mayi qoÿanot ñi Dios, asom nda'a't nam ntaxaÿaxanaxanecpi mayi ishit da chic. Nachi somayi nataq'en ÿanoiguilo soua lÿata'pe.