Marcos 2:20 - Nuevo Testamento Toba Sur

²⁰ Qalaxayi anata ca na'a'q da qaÿauec camayi. Huaña qome, nachi namayipi ishit da nqouaqchit.

Nuevo Testamento Toba Sombrero Negro

²⁰ Qalaĝaja yovita jo' qom'te ga'me laloqo' da'me male qoyauec ñe'me nojaĝaua; qom yovita ga'me nolo' qama'le eja chimaqachiñe da'me noqouaqatela'ajalo jogaa'me.

La'aqtaqa Ñim Lo'onatac 'Enauacna 2013

²⁰ Qalaxaye da ivita ca na'a'q da qaỹauec camaye, huaña nache nam ncoyeguenatacpi ishet da nqouaqchet.

Marcos 2:20 Referans Kwoze

Lucas 17:22

Nachi 'enapega so lapaxaguenatacpi, 'eeta': –Huo'oi qome caua na'axa'te, qaq qami' huo'o da qadyaqai da qanauañi' cam 'oonolec caua na'axa'te mayi huetoigui da nachaxan na shiÿaxaua llalec, qalaxayi sa ishit qome da qanauañi'.

Apocalipsis 21:9

Nachi anac so 'oonolec so siete namaxashicpi mayi lasoqta'a asom huetaguipi som pa'ateec nhuaxanaxanaxacpi. Nachi aÿim 'enapega, 'eeta': –Ña 'ayala, ñaq 'am sachaxana añim nauonaxaua mayi huotaique da lhua ñim qagueta llalec.

Apocalipsis 19:7

Ÿataqta samaqchiguiñi, ñitonaqtapigui', qataq shi'oxodenaq ñimayi, cha'ayi mashi ivita yi laloqo' da huadon ñi qagueta llalec. Añi lhua mashi sogote da naÿamaxattai',

2 Corintios 11:27

Qataq ñique'etaxangui da i'onataxanaxac qataq da ñaqalaatapigui'. Qalota da sa ishit da so'ochi, qataq ñique'etaxangui na ÿoqouaxa qataq na ÿaquip, qataq qalota da ñoqouaqchijla't. Qataq ñauane' da ñique'etaxangui na latomaxa, qataq da qaica ca ñapogoña.

2 Corintios 11:2

Cha'ayi aÿim huo'o da 'ico' ica'alaxanaxac da qoñiita, qalaxayi de'eda ica'alaxanaxac, damayi chigoqtot ñi Dios. Cha'ayi aÿim sauotaique da qami' sadonaxanaxangueta so Cristo, qataq sauotaique da qami' sachaxaneu'alo somayi, da 'eeta'am ñaq'en aca qa'añole mayi saxanaxa da huadon, da huadonguet ca 'oonolec ÿale.

1 Corintios 7:5

Qaq sa ishit da nmaqtega't caamayi. Chaqdata da huo'otaq nsoxoota't caamayi da ÿauo'o ca laloqne'c da sa ishit da nauaña't da ÿauotraique da ÿataqta nañaadeguet da nqouagaxaunaxa'c. Qalaxayi da ime, nachi qaltaq ipactegue da nauaña't, cha'ayi sa iuena'a da ÿasouaxat da sa ishit da naÿateetrela't, nachi so Satanás huo'o ca lligueuo da ÿauo'o ca lasouaxashi't.

Hechos 14:23

Nataq'en qaÿauo'o na lataxala'pi na 'amqajnataxanaxaicpi. Qaq co'ollaq ime da sa deque'e' souaxat da nqouagaxaunaxa'c, nachi qan'onaxata'aguet namayipi da ltelaxa ñi qadataxala' mayi qai'amaqteetac.

Hechos 3:21

Qalaxayi so Jesucristo nagui iuen da ñaq neta'ague da piguem, to' qom ivita ca na'a'q da ñi Dios nadalaxat 'enauac na l'onatacpi, cha'ayi ñimayi nachida dam 'enapec co'ollaq i'aqtaxanaxan som hua'au l'aqtaxanaxanecpi mayi qui'itta.

Hechos 1:9

Qaq co'ollaq ime da i'axattac de'eda so Jesús, nachi ÿauaachiguilo soomayi co'ollaq naÿoxotchiguem da qaÿaueegue da piguem. Qaq anac so l'oc, nachi taigui. Huaña, nachi sa ishit da qaila'a.

Juan 17:13

Qaq nagui mashi 'am ñoqo'ona, qalaxayi nagui da ñaq sootalec ana 'alhua, qalaq aÿim shinapec de'eda, yaqto' namayipi ÿataqta nlaqchigui da ñitonaxac.

Juan 17:11

Qaq aÿim mashi sa ishit da soota'a ana 'alhua. Qalaxayi namayipi ñaq huetalec ana 'alhua, qaq aÿim nagui ashic da 'am ñoqo'ona. 'Am ita'a mayi 'am qui'itta, 'au'ogoxona qome da 'ad'añaxac da 'antela'a nam aÿim 'ai'anempi, yaqto' namayipi ÿataqta n'atta't, 'eeta'am da 'eetec 'am qataq aÿim.

Juan 16:28

Aÿim sachigoqtot co'ollaxa ñi ita'a da ñanaÿa ana 'alhua, qalaxayi nagui aÿim shica'ai ana 'alhua da shi'iguelaxa ñi ita'a.

Juan 16:7

Qalaxayi ÿataqta 'eesa de'eda qami' sa'axatema, mayi 'eeta': Aÿim ÿaÿamaqchiguiñi da ashic souaxat da qoñiita. Cha'ayi da sa ishit da ashic, nachi sa ishit qome da anac da qami' hueta'agueta cam qami' itaua'n qataq qami' i'añaqchi't. Qalaxayi da aÿim ashic, nachi ñamaq qome camayi.

Juan 13:33

Qami' ÿalqolqa, mashi sa ishit da loigui da qami' soota'agueta. Qaq qami' qome aÿim qanmichiitaique, qalaxayi nachi 'eeta'am de'eda i'aqtac co'ollaq shiitega na judiopi da shiita': Sa ishit qome da qauañoxochi da qanqo'oñiÿa cam saÿa.

Juan 3:29

Da huo'otaq huo'o ca nadonaxac, qaq cam ÿataqta huadonguet aca auonaxaua, nachica cam nauonaxaua. Qaq cam nhuataxaua que'eca auonaxaua, camayi qanayiuta'aguet, nachi ishit da n'axaÿaxaatac, nachi camayi ÿataqta machiguiñi da hua'aqtac. Qaq nachi 'eetec nataq'en nagui aÿim ÿataqta aÿim nlaqchigui da ñitonaxac.

Mateo 26:31

Nachi so Jesús 'enapeco': –'Enauac da qoñiita aÿim qaualachiÿa'a't na pe. Cha'ayi nachi 'enapec naua ñiyigui'shi l'aqtaqa ñi Dios, mayi 'eeta': “Salauat qome ñim ilotague' ana qagueta, nachi ana qaguetapi qome nlagaxattac.”

2 Corintios 6:5

Cha'ayi qomi' qaiuaxaata'pe, qomi' qaicoñi't, qomi' qaicogaxaata'pe, qataq ÿagueec da qad'onataxanaxac, sa ishit da so'ochaq, qataq soqouataq.

Juan 12:8

Qami' nachi 'eetai' da qoviita'aguet na choxodaqpi; aÿim, qalaxayi sa ishit da nachi 'eetai' da aÿim qoviita'aguet.

Mateo 9:15

Nachi so Jesús 'enapeco': –¿Peta'a ishito' da ÿaatañi ca lasouaxaqui cam qaicoyiguen da ÿalectau'a cam nadonaxac da huo'otaq ña qaÿalecta'aguet ca auonaxaua? Qalaxayi huo'o ca na'a'q da ivita da qanqat ca auonaxaua, huaña, nachi ishit da nqouaqchit camayipi.

Marcos 2:19

Nachi so Jesús 'enapeco': –¿Peta'a ishito' da nqouaqchit nam ÿalectau'a ca nadonaxac, da huo'otaq ca auonaxaua ña ÿalecta'aguet camayipi? Cha'ayi da ña ÿalectauo ca auonaxaua, nachi camayipi sa ishit da nqouaqchit.

Marcos 2:21

Qaica ca ishit da napaden ca nogoxot ltoxoic da dapannaxana ca dalaxaicolec. Cha'ayi da ÿi'iguena't ca dalaxaicolec laÿi, nachi ishit da icolaxata'ague ca ltoxoic. Huaña, nachi nquigaxateec ca ltoxo.

Lucas 5:35

Qalaxayi qom ivita ca laloqo' da qanqateu'a que'eca adonaq, huaña qome, qaqca ishit da nqouaqchit camayipi.