Marcos 2:18 - Nuevo Testamento Toba Sur

¹⁸ Qaq huo'o so na'a'q da nqouaqchit nam quetague' so Juan qataq nam quetague' na fariseopi. Nachi huo'o na anaÿa so Jesús, nachi inattac, 'eeta': –¿Tá'ainco' yi nqouaqchittac nam quetague'pi so Juan qataq nam quetague' na fariseopi, qalqo' na 'adapaxaguenatacpi yi sa ishit da nqouaqchit?

Nuevo Testamento Toba Sombrero Negro

¹⁸ 'Uo ga'me ua'a ca'li noqouaqatela'ajalo jogaa'me lapaĝaguenataqa ñe'me Juan jo'ne chilaĝanataĝanaĝaic, nataq'aen jogaa'me fariseopi, qama'le jogaa'me jiyaĝa'u laqaya' yec'adeta joñe'me Jesús qaedi yena't: —Jogaa'me lapaĝaguenataqa ñe'me Juan jo'ne chilaĝanataĝanaĝaic noqouaqatela'ajalo nayi, nataq'aen jogaa'me fariseopi lapaĝaguenataqa, qama'le naa'me adapaĝaguenataqa, ¿toqoch'e ja noqouaqatela'ajalo?

La'aqtaqa Ñim Lo'onatac 'Enauacna 2013

¹⁸ Qaq huo'o so na'a'q da nqouaqchet nam quetague' so Juan qataq nam quetague' na fariseopi. Nache huo'o so naỹa So Jesús, nache inattac, 'eeta': –¿Ta'ainco' naua 'arapaxaguenataqa ye saishet da nqouaqche't? Ye nam lapaxaguenatacpi so Juan qataq nam lapaxaguenatacpi na fariseopi ỹo'ottac de'era.

Marcos 2:18 Referans Kwoze

Lucas 18:12

Aÿim dos da shi'iguelaxalec da ñoqouaqchijla't naua siete na'axa'te, qataq aÿim seÿotauga añi 'oonole nam diez mayi ñauectacpi da 'am sanot.”

Mateo 6:18

yaqto' na shiÿaxauapi sa ishit da ÿaÿaten da 'am 'anqouaqchittapeguela't. Qaq chaqñita ñi 'adta'a Dios mayi 'am hueta'aguet, ñimayi 'am ÿaÿaten. Nachi ñimayi ÿauo'o ca 'anshiitenaguec.

Mateo 6:16

Qaq da ivita da qami' qanqouaqchichi, qalaq sa ishit qome da yi'oqta da daquico da qadashiguiÿaxaqui, da qoñiita'am nam shiÿaxauapi mayi chochi nachaxaata. Cha'ayi namayipi 'eetec de'eda, cha'ayi nshitaique da qaÿaÿaten da nqouaqchitta. Qaq aÿim qami' shinapegalo da namayipi sogote huo'o da nshiitenaguec.

Romanos 10:3

Cha'ayi namayipi sa ishit da ÿaÿaten ca 'eetec ca lataxac da ñi Dios ishit da ÿaÿamaxadeeta ca shiÿaxaua. Chaqdata da namayipi ipactega da maichi 'eetapeguec, da yaqto' ishit da ÿaÿamaxadeeta ñimayi, qaq sa ishit da nañaneu'a dam lataxac mayi lapaxañi ñi Dios.

Mateo 23:5

Qaq 'enauac ne'ena i'ot, cha'ayi nshitaique da na shiÿaxauapi imeteetac namayipi. Cha'ayi namayipi nqopita da ÿachitalec na latap qataq da ÿaxattagui na lhuaq naua ñiyigui'shi l'aqtaqa ñi Dios, da qoÿittalec na logodaic hualoq laÿi, qataq da ÿataqta logodaiqa naq'en naua lauoxol naua lapo'te, saq 'en'am na laÿipi shiÿaxauapi.

Marcos 2:19

Nachi so Jesús 'enapeco': –¿Peta'a ishito' da nqouaqchit nam ÿalectau'a ca nadonaxac, da huo'otaq ca auonaxaua ña ÿalecta'aguet camayipi? Cha'ayi da ña ÿalectauo ca auonaxaua, nachi camayipi sa ishit da nqouaqchit.