Marcos 2:16 - Nuevo Testamento Toba Sur

¹⁶ Qalaxayi nam dapaxaguenataxaatapeguec na nqataxacpi qataq na fariseopi co'ollaq ila'a somayi da lqui'axaua 'enauac namayipi, nachi 'eetegalo soua lapaxaguenataqa, 'eeta': –¿Tá'ainco' ñi qadataxala'ai yi deque'etac qataq nÿomtac, ÿalectaigui nam ÿacootapeeguet ana nshiitenaqte ca nta'a qataq nam 'itaxaloxoicpi?

Nuevo Testamento Toba Sombrero Negro

¹⁶ Ca'li yauata da'me dojo' joga'me judiopi napaĝaguenoqo'tpi jo'ne fariseopi, queda'me Jesús neuanaĝa'u jogaa'me, qama'le yena't jogaa'me Jesús lapaĝaguenataqa enapega't: —¿Jach'e ga'me eeta da'me dojo'? Jenjo' adejaliaĝanequi, ¿toqoch'e neuanaĝa'u jogaa'me loeco lo'ol, choqogaa'me lo'ol da'me nejetenaguec ñe'me jaliaĝanec jo'ne Roma le'ec?

La'aqtaqa Ñim Lo'onatac 'Enauacna 2013

¹⁶ Qalaxaye huo'o so dapaxaguenataxaatapeguec na namaxasoxonaxacpi maye chegaqaigui na fariseopi co'ollaq ỹauaachigui So Jesús da lquia'axaua 'enauac se'eso shiỹaxauapi, nache inatta'ape soua lapaxaguenataqa So Jesús, 'eeta': –¿Ta'ainco' ñi Qarataxala'ai da dequi'iỹa'ai' nam ỹacootapeeguet ana nsheetenaqte ca nta'a maye neta'ague da Roma, qataq nam shiỹaxauapi maye qauem da na'aqtaguec?

Marcos 2:16 Referans Kwoze

Lucas 19:10

Cha'ayi ne'ena shiÿaxaua llalec, namayi anac da nmitaique qataq nca'alaxateec nam shiÿaxauapi mayi isomtac.

Lucas 18:11

Nachi som chigaqaigui nam fariseopi nachattañi co'ollaq nqouagaxaueetac, 'eeta': “'Am ita'a Dios, 'am sanot da ñi'achic, cha'ayi aÿim sa ishit da shin'am ca camachaqca shiÿaxaua, mayi cachaxaic, qauemaic, qataq lauatapiguiñi' aca sa lhua. Qataq sa ishit da shiita'am de'eda ÿacootapeeguet ana nshiitenaqte ca nta'a.

1 Corintios 2:15

Qalaxayi ca shiÿaxaua mayi netanguit so Espíritu, camayi ishit da nmit 'enauac na lataxaguesat. Qaq camayi qaica ca ishit da nmit.

Hechos 23:9

Nachi 'enauac somayipi i'alaqtagui; nachi huo'o na nachajñi nam dapaxaguenataxaatapeguec na nqataxacpi mayi nachi laÿipi na fariseopi. Nachi namayipi 'eeta': –De'eda shiÿaxaua, damayi sa ishit da huo'o ca i'ot sa ÿaÿamaxañi, cha'ayi sa iuena'a da huo'otaq huo'o cam detaqtague' nam namaxashic piguem l'ecpi, huo'otaq nam saq cha'a nqui'ipi. Qaq no'on da sa ishit qome da 'ico' ñipa'aguenaqtague' ñi Dios.

Lucas 19:7

Qaq co'ollaq qaÿauaachigui de'eda, nachi qanayictega, qoÿiita': “So Jesús qachi tau'a yi lma' so qauemaic ÿale.”

Hebreos 12:3

Qaq ÿoqo'oyi qami' qauennachiÿa'a da 'eetec da nque'ejnaxac so Jesús co'ollaq n'añaxateguet da lachoxonnataxanaxac na shiÿaxauapi 'itaxaloxoicpi, yaqto' da qan'añaxataxaqui nachi 'eetai' sa ishit da nlautapiguiñi.

Marcos 2:7

“¿Tá'ainco' dam da' shiÿaxaua, yi 'eetec de'eda da l'aqtac? Ishiueetac ñi Dios, yi qaica ca ishit da ÿapalaxat ca nasouaxashit, chaqñita ñi mayi.”

Mateo 18:17

Qaq da huo'otaq sa ishit da ÿalaxalguete caamayi, nachi 'am ishit da 'au'aqtaxanoigui na lapoota'a't 'amqajnataxanaxaicpi. Qaq da sa ishit da ÿalaxaguet namayipi, nachi camayi ishit da 'eeta'am qanqoÿin ca sa ishit da i'amaqten ñi Dios, huo'otaq cam ÿacootapeeguet ana nshiitenaqte ca nta'a.

Mateo 9:11

Qalaxayi nam ÿalectaigui na fariseopi co'ollaq ÿauaachigui de'eda, nachi inatta'pe soua nale't somayi, 'eeta': –¿Tá'ainco' ñim qami' ÿapaxagueeta'pe yi ishit da nhuana'ai' nam ÿacootapeeguet anam nshiitenaqte ca nta'a qataq nam 'itaxaloxoicpi?

Mateo 5:46

Cha'ayi qami' da ndoteec cam qami' ÿauoteque, qaq nachica qauauochiic, nachi ¿huá'ago' ca 'eetec da huo'o ca qanshiitenaguiiqui? Cha'ayi nataq'en i'ot de'eda nam ÿacootapeeguet ana nshiitenaqte ca nta'a.

Marcos 2:15

Qaq so Jesús co'ollaq deque'etac, hueta'a ca lma' so Leví. Nachi qalota nam ÿacootapeeguet ana nshiitenaqte ca nta'a, qataq na 'itaxaloxoicpi da nso'ootañi da lqui'axaua so Jesús qataq soua lapaxaguenataqa, cha'ayi ÿataqta qalota nam quetague' somayi.

Lucas 5:30

Qalaxayi nam fariseopi qataq na laÿipi mayi dapaxaguenataxaatapeguec na nqataxacpi nachi quetapeguelguete soua nale't so Jesús. Nachi 'eetegalo, 'eeta': –¿Tá'ainco' qami' yi qadqui'axauai nam 'itaxaloxoicpi qataq nam ÿacootapeeguet ana nshiitenaqte ca nta'a?