Marcos 2:12 - Nuevo Testamento Toba Sur

¹² Nachi so sa da'añiigue ñishiguem, nachi inana't so lacanec, ca'ai ca hueta'a, qaq 'enauac da qaÿauaachigui. Qaq ÿoqo'oyi 'enauac na shiÿaxauapi ÿataqta huo'o da l'aalaxa, nachi ÿi'oxodeetac ñi Dios, 'eeta': –Ÿataqta sa ÿauana da sauanaqchigui ca 'eeta'am de'eda.

Nuevo Testamento Toba Sombrero Negro

¹² Joñe'me leuaĝaic paja'a ñijeguem joca'li, qama'le yacona ga'me lela', qama'le yenoĝonegue joca'li ena'uaque jogaa'me qonauachigui joca'li da'me dojo'. Nataq'aen ena'uaque jogaa'me jalcote da'me yoqochetem joca'li, qama'le 'nonaĝachidegue joñe'me Dios, nataq'aen enapega'ajalo: —Qaya'te ua'a ta'le naq'aeta ga'me jauanaĝa.

La'aqtaqa Ñim Lo'onatac 'Enauacna 2013

¹² Nache saqaỹaloq da ñesheguem se'eso ỹale qaỹauaachigui 'enauac, nache ỹacona so lmala', nache ca'ai cam qanayeuta'a. Qaq co'ollaq qaỹauaachigui de'era, nache ỹataqta qaỹo'oxoreetac Ñim Lo'onatac 'Enauacna qoỹeeta': «¡Ỹataqta saỹauano' da sauanaqchigui ca 'eeta'am de'era!»

Marcos 2:12 Referans Kwoze

Mateo 9:33

Qaq co'ollaq chochi i'odauec se'eso l'ec leguemaxaic so Jesús, nachi se'eso qaicaua naua l'aqtaqa ishit da detaqa. Nachi na shiÿaxauapi ÿataqta huo'o da l'aalaxa. Nachi 'eeta': –Ÿataqta sa ÿauanaga da huo'o ca qaÿauaachigui da huangui na llalaqpi so Israel da huo'otaq 'eeta'am de'eda.

Mateo 9:8

Nachi na shiÿaxauapi co'ollaq ÿauaachigui de'eda, nachi ÿataqta huo'o da lcolanaxa. Nachi ÿi'oxodeetac ñi Dios, souaxat da ñimayi ÿanem de'eda n'añaxac na shiÿaxauapi.

Lucas 7:16

Qaq co'ollaq qaÿauaachigui de'eda, nachi 'enauac so shiÿaxauapi ÿataqta huo'o da lcolanaxa. Nachi ÿi'oxodeetac ñi Dios, 'eeta': –Huo'o so 'amaqtaqaic l'aqtaxanaxanec ñi Dios qomi' chigoqchiguinguilo. Nataq'en qoÿiita' da n'aqtac: –Ñi Dios anac da itauan nam lalamaxatpi.

Hechos 4:21

Nachi so nta'alpi ÿataqta ÿadeetegalo soomayi, qalaxayi ÿachaxaadeec. Cha'ayi sa ishit da qaÿanata cam qaÿachigoxotchigui da yaqto' qaiuaxa'n, cha'ayi 'enauac na shiÿaxauapi ÿataqta ÿi'oxodeetac ñi Dios, souaxat de'eda qanayiuaigui.

Juan 9:32

Cha'ayi ÿataqta sa ÿauango' da huo'o ca qai'axaÿapeguelec da huo'otaq nauaañi naq'en ca shiÿaxaua da huo'otaq nacteueegue' da sa nauaañi.

Juan 7:31

Qalaxayi ÿataqta qalota na i'amaqten somayi. Nachi namayipi 'eeta': –Qom ivita da nvi' ca nta'a nca'alaxaqui, qaq ¿peta'a ÿacteec na i'ot n'anecpi mayi sa qaÿauanapega da napacalec dam da' shiÿaxaua?

Lucas 17:15

Nachi so 'oonolec somayipi co'ollaq ila'a da mashi qui'itta na l'oc, nachi ñi'iguelaq, nachi ÿi'oxodeetac ñi Dios, ÿataqta i'alaqtai'.

Lucas 13:13

Nachi ÿashil-lec naq'en na lhuaq asomayi, huaña, nachi asomayi ishit da nlaxaashiguem, nachi ÿi'oxodeetac ñi Dios.

Lucas 5:26

Nachi 'enauac so shiÿaxauapi ÿataqta huo'o da l'aalaxa, nataq'en ÿi'oxodeetac ñi Dios, qataq ÿataqta huo'o da lcolanaxa. Nachi 'enapeco': –Na na'a'q ÿataqta qaica ca 'en'am da lli'oxoyic da sauanaqchigui.

Marcos 1:27

Nachi 'enauac na shiÿaxauapi ñi'i. Nachi maichi nnattega't, 'eeta': –¿Négue't de'eda? ¿Peta'a dalaxaic napaxaguenataxanaxac? ¡Yi dam da' shiÿaxaua ÿataqta huo'o naq 'enec da damaxasoxon, ivida'a nam n'ecpi ishit da ÿalaxaguet!

Mateo 15:31

Ÿoqo'oyi so shiÿaxauapi ÿataqta huo'o da l'aalaxa, souaxat da ÿauaachigui na qaicaua naua l'aqtaqa, qalaq detaqa, qataq na qaica na lhuaq lÿa, qalaq huo'o na lhuaq, qataq na qaica ca lchi lÿa, qalaq huo'o na lchi, qataq na sa nauaañi, qalaq ishit da nauaañi. Huaña, nachi qaÿi'oxodeetac ñi lta'a Dios nam llalaqpi so Israel.

Mateo 12:23

Nachi 'enauac na shiÿaxauapi ÿataqta huo'o da l'aalaxa, nachi 'eeta': –¿Nachida peta'a dam llalec so David de'eda?

Marcos 2:11

–Nagui 'am shinapega, qoñishiguem, 'aunana't na 'adacanec, nachi 'anqo'ona ca 'adma'.