Marcos 2:1 - Nuevo Testamento Toba Sur

¹ Qaq co'ollaq mashi qaÿoqteguelo so na'axa'te, nachi so Jesús qaltaq ÿi'iguelaxa yi pueblo Capernaum, qaq co'ollaq chochi qaÿaÿaten da hueta'a ca lma'.

Nuevo Testamento Toba Sombrero Negro

¹ Ca'li uo'oe gaa'me noloqo'ote jo'ne yenoĝodegue, qama'le Jesús yitaĝa yec'ata di'me Capernaúm, qama'le paja'a qoyayaten queda'me ue'ta di'me 'lachaqa'.

La'aqtaqa Ñim Lo'onatac 'Enauacna 2013

¹ Qaq co'ollaq mashe huo'oi soua na'axa'te, nache So Jesús qaltaq ỹe'eguelaxa ye nỹecpi ye Cafarnaúm. Qaq co'ollaq choche qaỹaỹaten da hueta'a ca nma',

Marcos 2:1 Referans Kwoze

Juan 4:47

Qaq se'eso ltaua so nta'a co'ollaq l'axaÿaxac so Jesús da chigaqa'ague da Judea da nvita yi Galilea, nachi nqo'ona cam hueta'a, nachi nachoxodeetot somayi, da yaqto' taÿa ca lma' da nataden so llalec mayi mashi ileetapigui'.

Marcos 7:24

Nachi so Jesús ca'ai ca hueta'a, nachi taÿa yi 'alhua Tiro qataq yi Sidón. Nachi co'ollaq taigui ca noÿic, nachi nshitaique da sa ishit da huo'o ca noma somayi, qalaxayi sa ÿañoxot da nqañoxojñi.

Lucas 5:18

Huaña, nachi nvildeuo soua shiÿaxa'u npeetragui so lmala' so lÿa't mayi sa da'añiigue, nachi qaÿauotaique da qaipa'axaneuo so noÿic da qaidou'a so Jesús.

Marcos 1:45

Qalaxayi se'eso shiÿaxaua co'ollaq jec, nachi quetot da da'aqtaxanem 'enauac na shiÿaxauapi dam huaigui co'ollaxa. Qaq ÿoqo'oyi so Jesús nachi sa ishit da nachaxaneu'a na pueblopi. Chaqdata da huetaugalo naua tojleguete 'ale'u. Qalaxayi nachi 'en'am chigoqteguelo na anac da anaÿa somayi.

Mateo 9:1

Nachi so Jesús qataq huenojñigui aso barco da naitague na le'ego aso lapel da ñi'iguelaxata so maichi lalamaxat lma'.

Hechos 2:6

Nachi co'ollaq qai'axaÿa se'eso nllimiaxa, nachi lapona't 'enauac so shiÿaxauapi, nachi ÿataqta sa ÿaÿaten ca 'eetec souaxat da ñi 'oonolec hua'aqtega da qai'aqtaxaatapiguilo naua maichi l'aqtaqa.

Mateo 4:13

Qalaxayi sa ishit da naña yi Nazaret. Chaqdata da nqo'ona da naña yi pueblo Capernaum. Yimayi neto'ot na loigue aso lapel late'edai mayi netau'a na loigue yi 'alhua Zabulón qataq yi Neftalí.

Marcos 2:2

Nachi saqaÿaloq da anaga't na shiÿaxauapi, ivitta'a da qaica ca ndaqa' ca lasom. Qaq somayi i'axattac da l'aqtac ñi Dios.

Marcos 3:20

Nachi qaltaq qalota so laponeu'a shiÿaxauapi, ivitta'a da sa ishit da chochi deque'e somayipi.

Marcos 7:17

Qaq so Jesús co'ollaq ca'ai so shiÿaxauapi, nachi pa'aigui so noÿic, nachi soua lapaxaguenataqa inatta'pe somayi ca naigui de'eda daloqnaxaatega.

Marcos 9:28

Nachi so Jesús taigui so noÿic, nachi soua lapaxaguenataqa co'ollaq ndoda'aguet somayi, nachi inattrac, 'eeta': –¿Tá'ainco' yi qomi' sa seshitaq da so'odaqhuec so n'ec leguemaxaic?

Lucas 4:23

Nachi so Jesús 'enapeco': –Qami' yi'oqta qome da aÿim qaudoilec da' chi n'aqtacnaxa 'eeta': “'Am natannataxanaq, maichi 'anatadeela't.” Qataq yi'oqta qome da qoñiita': “Nam sa'axasoqtapeguelec da 'au'otpi co'ollaq huaña yi Capernaum, nataq'en 'au'ot nagui da huaña na 'adalamaxat 'an'alhua.”