Marcos 16:7 - Nuevo Testamento Toba Sur

⁷ Qauesomiÿa qome, qau'aqtaxañiim cam lapaxaguenatacpi, qataq ca Pedro, qoñiita': “Somayi mashi hua'auta'ague da Galilea. Huaña qome yimayi, nachi qanauañi', qaq ipacchigui dam l'aqtac mayi qami' ÿanema co'ollaxa.”

Nuevo Testamento Toba Sombrero Negro

⁷ Jamoyi, a'uaqataĝañiyem ñe'me Pedro nataq'aen jogaa'me laqaya' jo'ne lapaĝaguenataqa ñe'me Jesús: “Joñe'me 'uau'tague di'me Galilea qaedi yitaĝa ami yemata'a't; naqaedi ua'a da'me yitaĝa auañiya, naq'aeta da'me joote ami 'yaĝatema.”

La'aqtaqa Ñim Lo'onatac 'Enauacna 2013

⁷ Qaq nagui qoqui qaua'aqtaxañima caua lapaxaguenataqa, qataq ca Pedro da So Jesús taigue da 'alhua Galilea da hua'auta'ague. Huaña yemaye, nache qanauañi', ipacchigui da 'enapec Somaye co'ollaq ỹa'axatta'a da l-leuaxa.»

Marcos 16:7 Referans Kwoze

Marcos 14:28

Qalaxayi qom mashi qaltaq aÿim qanca'alaxateec, nachi aÿim sa'auta'a qome yi Galilea.

Mateo 26:32

Qalaxayi qom mashi qaltaq yica'aleec, nachi aÿim sa'auta'ague qome da Galilea.

Mateo 28:10

Nachi so Jesús 'enapegalo soomayi, 'eeta': –Sa ishit qome da qayi'ii. Chaqdata da qoquii, qau'aqtaxañiim qome ca ÿaqaÿañicpi, da yaqto' taigue da Galilea. Huaña qome yimayi, nachi aÿim nauane'.

Mateo 28:7

Qaq sa qanaÿaloxoñi qome da qoquii, nachi qau'aqtaxañiima caua lapaxaguenataqa. Qoñiita': “Somayi ileu, qalaxayi mashi qaltaq nca'aleec. Qaq mashi hua'auta'ague da Galilea. Qaq huaña qome yimayi, nachi qanauañi'.” Qaq 'eda da n'aqtac mayi qami' sa'axatema.

Juan 21:1

Qaq co'ollaq ime de'eda, nachi so Jesús qaltaq nachaxanalo soua lapaxaguenataqa huaña yi loigue aso lapel mayi huaña yi Tiberias. Qaq da 'eetec co'ollaq nachaxanalo, 'eeta':

1 Corintios 15:5

Qaq ime, nachi somayi nachaxana so Pedro, ime qaltaq jec soua lÿa't lamaxa'shi.

Hechos 13:31

Nachi somayi ÿataqta huo'oi soua na'axa'te da nachaxaategalo soua ÿataqta nnaigaxa'u co'ollaq chigoqchiguiña yi Galilea, chochi ivitta'a yi Jerusalén. Qaq nagui nachisoua soomayi som da'aqtaxaatapeguema na shiÿaxauapi de'eda.

Marcos 14:50

Nachi 'enauac so lapaxaguenatacpi datauec, n'onaxatchigui so Jesús.

2 Corintios 2:7

Qaq ÿoqo'oyi nagui no'on da chaqdata da qauchoxoyiñi camayi, qataq qau'añaqchichi. Ten, qom huo'otaq ÿagueec da laquicoxo, nachi ishit da qaica ca naquitaxac.

Marcos 16:8

Nachi se'esoua 'alo queda'ai aso huachiqui, datadeec, cha'ayi ÿataqta iviloxolaqchi't da lcolanqa'. Nachi ÿataqta qaica ca da'aqtaxaadem, souaxat da ÿataqta ñi'i'.