Marcos 16:6 - Nuevo Testamento Toba Sur

⁶ Qalaxayi somayi 'enapegalo' soomayi, 'eeta': –Sa ishit da qayi'ii; qami' qanmichiitaique so Jesús mayi Nazaret l'ec, som qaiuaxaneuo co'ollaxa. Qalaxayi somayi ÿoltaq nca'aleec qanqoÿin, qaq mashi sa ishit da hueta'a ne'ena. Ña qamijñi nam qaÿachaña co'ollaxa.

Nuevo Testamento Toba Sombrero Negro

⁶ qalaĝaja joñe'me dojapegue'to: —Ena'te at'oiyi. Jayaten queda'me aueloyitaque ñe'me Jesús jo'ne Nazaret le'ec, joñe'me jo'ne qoyep'elegue jaga'me sodoso. Qalaĝaja ¡joote 'niyelaĝajeguem! Ja ue'ta jena'me jenjo': auec'achiñe di'me ua'ña jo'ne qoyacha'ña.

La'aqtaqa Ñim Lo'onatac 'Enauacna 2013

⁶ qalaxaye so nsoq 'enapegalo' soomaye, 'eeta': «Saishet da qayi'i. Qami' qanmichiitaique So Jesús som ỹale maye Nazaret le'ec, som ileu qaiuaxaata'aguet so npe'enaxala' soua na'axa'te lỹa't. Somaye saishet da hueta'a ne'ena. Somaye qaltaq nca'alec. Ñaq qaumichiñi yem qaỹachaña co'ollaxa so lo'ocỹaxac.

Marcos 16:6 Referans Kwoze

Lucas 24:46

Nachi 'enapeco': –Dam nanettañi i'axat da ca nta'a mayi nca'alaxaqui hua'auñi qome da qaÿalauat. Qaq qom mashi inoxoodeec caua tres na'axa'te, nachi qaltaq nca'aleec qanqoÿin.

Hechos 4:10

Qaq nagui qami' sa'aqtaxanaqtema, yaqto' de'eda ÿaÿateeta 'enauac na llalaqpi so Israel, da 'eetec de'eda shiÿaxaua mayi hueta'a ne'ena nagui ÿataqta no'oita. Damayi chigoqchigui da l'enaxat so Jesucristo mayi Nazaret l'ec, som qami' qauaxañiiuo co'ollaxa, qalaxayi ñi Dios qaltaq nca'aleec naq'en somayi.

Marcos 1:24

–¿Tá'ainco' yi qomi' 'atapegueu'alo, 'am Jesús, Nazaret l'ec? ¿Qomi' 'auanaÿalo peta'a da qomi' 'anlaxajyiñi? Aÿim 'am sauatton, qataq saÿaten da nachi'am lalamaxat ñi Dios.

Mateo 12:40

Cha'ayi de'eda 'eetec so Jonás co'ollaq ivi' naua tres na'axa'te qataq tres pe' da huetaigui na lauel aso late'e na nÿaq, qaq nachida qome da 'eetec nataq'en na shiÿaxaua llalec da ivi' caua tres na'axa'te qataq tres pe' da huetaigui ana 'alhua.

Marcos 10:34

Nachi namayipi qome ÿataqta aÿim i'en, qataq aÿim iuaxaatalec, qataq nqaigoqtaigui na ÿashic qataq aÿim ÿalauat. Qalaxayi qom mashi ivi' caua tres na'axa'te, nachi qaltaq aÿim qanca'alaxateec.

Marcos 1:27

Nachi 'enauac na shiÿaxauapi ñi'i. Nachi maichi nnattega't, 'eeta': –¿Négue't de'eda? ¿Peta'a dalaxaic napaxaguenataxanaxac? ¡Yi dam da' shiÿaxaua ÿataqta huo'o naq 'enec da damaxasoxon, ivida'a nam n'ecpi ishit da ÿalaxaguet!

Marcos 9:15

Qaq co'ollaq qaila'aguet so Jesús, nachi somayipi ÿataqta huo'o da l'aalaxa, nachi qanqalgaqa'aguet somayi da qanquine'.

Marcos 14:33

Nachi ÿauec so Pedro, Santiago qataq so Juan. Huaña, nachi nomteguet da lta'adaic lcolanaxa qataq da nqui'ic.

Hechos 2:24

Qalaxayi ñi Dios qaltaq nca'alaxateec somayi, nca'alaxateeguesop da l'añaxac da nleuaxa, cha'ayi da nleuaxa mashi sa ishit da nllitañi somayi.