Marcos 16:19 - Nuevo Testamento Toba Sur

¹⁹ Qaq co'ollaq imat da da'aqtaxaatapeguema soomayi, nachi so qadataxala' Jesús naÿoxotchiguem qanqoÿin da taigue da piguem, nachi nso'ongue da aloic ñi Dios.

Nuevo Testamento Toba Sombrero Negro

¹⁹ Mane'e ca'li yem da'me dojapegue'to, joñe'me Jaliaĝanec Jesús qoyen taje'ma di'me piyem qama'le na'ña di'me yayaten joñe'me Dios.

La'aqtaqa Ñim Lo'onatac 'Enauacna 2013

¹⁹ Qaq co'ollaq so Qarataxala' Jesús imat da na'aqtaxaategueto soua lapaxaguenataqa, nache Ñim Lo'onatac 'Enauacna ỹaueegue da piguem. Huaña, nache Somaye nso'oota'ague da aloic Ñim Lo'onatac 'Enauacna, yem huaña da qaica ca 'ena'am da llo'oxoyec.

Marcos 16:19 Referans Kwoze

1 Pedro 3:22

som taigue da piguem, nachi nso'oota'ague da aloic ñi Dios da ÿamaqpec na namaxashicpi piguem l'ecpi qataq na damaxasoxonapecpi qataq na n'añaxacpi.

Hebreos 1:3

Qaq somayi nachiso som lli'oxoyic da l'edaxa ñi Dios, qataq somayi nachiso som lqui'iÿaxac ñimayi, qataq somayi nachiso som nllitañi 'enauacna, nam l'aqtaqa mayi qaica ca ÿaqalana'pe. Qaq somayi co'ollaq imat da iÿouec 'enauac nam qadasouaxashitpi, nachi somayi nso'ongue da aloic ñi Dios mayi nso'ootangui aca nso'onaxaqui da nta'a mayi neta'ague da piguem.

Hebreos 12:2

Ÿataqta seloqchigui qome so Jesús, som chigoqo'ot da qadpi'iÿaxac, qataq nachiso so naloqchiichiguiñi. So Jesús ÿataqta n'añaxateguet da 'eetec co'ollaq qaiuaxaneuo, qalaxayi sa ishit da ÿoqocha'a da n'enaguec de'eda l-leuaxa. Cha'ayi somayi ÿaÿaten da huo'otaq mashi inoxonaqchitec de'eda nque'ejnaxac, nachi huo'o da ntonaxac qataq da lamaiquiaxac. Nachi somayi nso'ongue da aloic ñi Dios.

Romanos 8:34

Qataq ¿négue't ca ishit da ÿauo'o ca lasouaxashit ca shiÿaxaua? ¡Qaica! Cha'ayi so Cristo nachiso so ileu, qaltaq jec da nca'aleeguesop qanqoÿin da nleuaxa. Ime, qaq nso'oota'ague da aloic ñi Dios, nachi nachoxodeetapeguelec da shinaqta.

Hechos 2:33

Qaq ÿoqo'oyi somayi ñi Dios ÿacoosop da ÿaueegue da piguem, idolec na lhuaq aloic. Huaña, nachi somayi ÿaconguet so Espíritu Santo mayi ÿachaxanapeguem co'ollaxa ñi lta'a da ÿanem. Qaq 'enauac de'eda qauauañiichigui qataq qau'aqaichigui, damayi chigoqo'ot somayi.

Hebreos 8:1

Qaq 'eda da ÿoqta ÿacteec da ñanacto'ot da sa'axattac, 'eeta': 'Eda da 'eetec da lataxac som 'oonolec qadtaxaÿaxanaxanec. Qaq nagui somayi nso'oota'ague da aloic ñi Dios mayi neta'ague da piguem.

Colosenses 3:1

Qaq ÿoqo'oyi da qami' sogote da qadÿaitchiguem so Cristo co'ollaq qami' qanca'alaxatreec, nachi qanmichiÿaique cam hueta'ague da piguem dam neta'ague so Cristo da nso'ootau'a na aloic ñi Dios.

Juan 20:17

Nachi so Jesús 'enapego' asomayi, 'eeta': –Aÿim 'axaneec qome, cha'ayi aÿim saxanaxa da ñoqo'ongue da neta'ague ñi ita'a. Qalaxayi 'am qome qojec, nachi 'au'aqtaxanem ca ÿaqaÿañicpi da aÿim ñoqo'ongue da neta'ague ñi ita'a, ñim nataq'en qadta'ai, ñim ita'a Dios qataq nataq'en qadta'ai.

Hebreos 6:20

som inoxoneu'a co'ollaxa so Jesús, da yaqto' ÿauategue ca qoyic. Qaq 'eda da 'eetec da so Jesús ivida'a da nachiso so 'oonolec qadtaxaÿaxanaxanec da detaxaÿapegue' ñi Dios, 'eeta'am da lataxac so Melquisedec.

1 Timoteo 3:16

Qaq sa ishit da qaÿoqolguet de'eda saq cha'a lataxac da qad'amqajnataxanaxac, cha'ayi ÿataqta lta'adaic da lli'oxoyic: Ñi Dios nachaxan, qalaxayi nachida da yi'oqchigui lapachiyaxac na shiÿaxauapi; qaq da n'aqtaguec co'ollaq i'axat so Espíritu ÿataqta 'en da no'on shiÿaxaua, qaq ÿauaachigui somayi 'enauac na chigaqshiguem Dios lamaxashicpi. Qataq qai'axatem 'enauac na ÿotta'a't shiÿaxauapi, ÿoqo'oyi huo'o na i'amaqten na 'enauac ÿallippi nam huetalecna. Ime, qaq qaÿaueegue da piguem.

Juan 6:62

Qaq ¿huá'ago' ca qoñiitec qone' da huo'otaq qami' qauloÿa'a na shiÿaxaua llalec da ÿi'iguelaxashiguema yim hueta'a co'ollaxa?

Lucas 9:51

Qaq co'ollaq mashi sa qaÿapeque so laloqo' da taigue da piguem so Jesús, nachi huesoteec yi lavilÿaxac da taigue da Jerusalén.

Hebreos 9:24

Cha'ayi so Cristo sa ishit da inoxonoigui aso n'onaxanaxaqui mayi l'onata na shiÿaxauapi mayi chochi lqui'i acam ÿoqta 'eesa n'onaxanaxaqui. Cha'ayi somayi nachina na piguem na inoxoneu'a, da yaqto' nachaateu'a ñi Dios, da yaqto' qomi' detaqleguete.

Hebreos 7:26

Qaq ÿoqo'oyi so Jesús nachiso so 'oonolec qadtaxaÿaxanaxanec da detaxaÿapegue' ñi Dios mayi seuenaqtac. Cha'ayi somayi ÿataqta qui'itta, sa qauem da lataxac, qataq qaica ca lasouaxashit, qataq sa ishit da nhuoiguet qanqoÿin na 'itaxaloxoicpi, qataq somayi neta'ague qanqoÿin da laÿi na piguem.

Hebreos 4:14

So Jesús mayi llalec ñi Dios, somayi nachiso som 'oonolec qadtaxaÿaxanaxanec mayi inoxoneu'a ca hueta'a ñi Dios da detaxaÿapegue'. Qaq ÿoqo'oyi qomi' ÿataqta ñi'añaxataqtec qome da qad'amqajnataxanaxac.

Hechos 3:21

Qalaxayi so Jesucristo nagui iuen da ñaq neta'ague da piguem, to' qom ivita ca na'a'q da ñi Dios nadalaxat 'enauac na l'onatacpi, cha'ayi ñimayi nachida dam 'enapec co'ollaq i'aqtaxanaxan som hua'au l'aqtaxanaxanecpi mayi qui'itta.

Juan 21:22

Nachi so Jesús 'enapeco': –Da aÿim ñishitaique da namayi nachi 'eetai' qome da nca'altauec, chochi ivitta'a qom aÿim ñi'iguelaq, qalaxayi ¡'auauaqta'a qome; sa ishit da 'atapegueu'a namayi! 'Am, qalaxayi aÿim qoquegue.

Juan 21:15

Qaq co'ollaq ime da nqui'axac, nachi so Jesús inat so Simón Pedro, 'eeta': –'Am Simón mayi 'am llalec so Jonás, ¿peta'a ÿacteec da aÿim 'auauotec, qaq sa ishit da qoneta'am ne'ena 'adaÿipi da aÿim ÿauotec? Nachi so Pedro 'enapeco': –Aja', 'am ÿataxala', 'am 'auaÿaten mque' da 'am sauotec. Nachi so Jesús 'enapego' somayi, 'eeta': –'Antela'a qone' na ilopi qagueta llalaqpi.

Juan 17:13

Qaq nagui mashi 'am ñoqo'ona, qalaxayi nagui da ñaq sootalec ana 'alhua, qalaq aÿim shinapec de'eda, yaqto' namayipi ÿataqta nlaqchigui da ñitonaxac.

Juan 16:28

Aÿim sachigoqtot co'ollaxa ñi ita'a da ñanaÿa ana 'alhua, qalaxayi nagui aÿim shica'ai ana 'alhua da shi'iguelaxa ñi ita'a.

Juan 13:1

Qaq nachiso se'eso lÿa na'a'q so huetoigui so naponaxac da qaiuennate so na'a'q co'ollaq qanayica'ai yi Egipto. Qaq so Jesús mashi ÿaÿaten da ivita yi laloqo' da ca'ai ana 'alhua da ÿi'iguelaxa ñi lta'a. Qaq somayi nachi 'eetai' da lauotaxanaqtaic na lalamaxatpi mayi huetalec ana 'alhua, qaq nagui nachi ÿachaxana somayipi da 'eetec dam lta'adaic lauotaxanaqtaic.

Marcos 16:20

Nachi soomayi je'c da i'axa't da n'aqtac mayi chigaqaigui da nca'alaxa 'enauaque naua laÿil. Qaq som qadataxala' itauaata'pe soomayi da ÿataqta ipacchiguilo naq'en naua l'aqtaxanaxaco, qataq da ÿachaxan na n'anecpi mayi sa qaÿauanapigui. Aja', nachi 'eetec de'eda.

Lucas 22:69

Qalaxayi nagui na shiÿaxaua llalec sogote da nso'oota'ague da aloic ñi Dios mayi qaica ca ÿaqalanapec.

Hechos 1:22

chigoqchiguiña co'ollaq chita'ague da nachilaxan so Juan somayi qataq ivitta'a co'ollaq somayi taigue da piguem. Qaq ÿoqo'oyi naamayi no'on da huo'o ca qalca'au'a da qomi' qaÿalecnoiguilo, yaqto' nataq'en i'axat da somayi mashi qaltaq qanca'alaxateec.