Marcos 16:14 - Nuevo Testamento Toba Sur

¹⁴ Qaq co'ollaq qaÿata'ague de'eda, nachi so Jesús nachaxanalo soua once lapaxaguenataqa, co'ollaq soomayi nso'ootrañi, datatalguete ca nqui'axala'. Nachi somayi nlaxaiguilo soomayi, souaxat da qaica ca lpi'iÿaxa'c qataq da ÿataqta qadamchiguilo naua lquiyaqte, cha'ayi sa ishit da i'amaqte'n nam nauane' somayi da mashi qaltaq qanca'alaxateec.

Nuevo Testamento Toba Sombrero Negro

¹⁴ 'Uo jo'me nolo' laqaya ca'li Jesús yitaĝa naloĝonegueta jogaa'me once 'me lapaĝaguenataqa, mane'e ca'li cha'li ñichidiñe dajotedalegue ga'me niqui'yaĝala'. Qama'le enapegalo jogaa'me queda'me qaya'te lepe'e' nataq'aen queda'me ja en 'te damichiguilo q'ae'n naa'me lai'li, da'me qaya'te 'lamaqatenataĝanaĝa'j jogaa'me jo'ne 'uaediñe yauata queda'me 'niyelaĝajeguem.

La'aqtaqa Ñim Lo'onatac 'Enauacna 2013

¹⁴ Ime, nache So Jesús nachaxanalo soua once lapaxaguenataqa co'ollaq soomaye ñaq deque'eta'ape. Nache nlaqtegalo soomaye souaxat da qaica ca lpi'iỹaxa'c, qataq da ỹataqta qaramchiguilo naua lquiyaqtel, cha'aye soomaye saishet da ỹa'amaqte'n soua nauaneto Somaye da mashe qaltaq qanca'alaxatec.

Marcos 16:14 Referans Kwoze

1 Corintios 15:5

Qaq ime, nachi somayi nachaxana so Pedro, ime qaltaq jec soua lÿa't lamaxa'shi.

Apocalipsis 3:19

Cha'ayi aÿim ÿataqta sevidaxato'ot, qataq saÿamaxajñi ca lasouaxashit cam ÿataqta sauotec. Qaq ÿoqo'oyi 'an'añaxat qome, qataq 'ai'axaadeec naua 'an'onataxaco.

Juan 20:27

Ime, nachi 'enapego' so Tomás, 'eeta': –Ña ipoteu'alo 'anqa'en naua 'axaata naua iua'q, qataq nataq'en 'aupoteu'a na ÿaÿi. Nachi sa ishit qome da 'auqolguetaxaatac, chaqdata da 'au'amqajnataxan.

Mateo 11:20

Nachi so Jesús ÿataqta ividaxattega nam netaña na pueblopi mayi huaña da ÿacteec na i'ot mayi sa qaÿauanapega, cha'ayi nam shiÿaxauapi netañalo, naamayi sa ishit da ÿaxaadeec naua n'onataxaco. Nachi 'eeta':

Lucas 24:25

Nachi so Jesús 'enapeco': –¡Ÿataqta qaico' ca qauaÿajñiÿapec qami', qataq qaÿaloqta da qau'amaqchiñi 'enauac nam l'aqtaxanaxacpi som l'aqtaxanaxanecpi ñi Dios!

Marcos 7:18

Nachi somayi 'enapeco': –¿Qachi ivido'o' da qoñiita da sa qauaÿajñi de'eda? ¿Peta'a sa qauaÿajñiÿo' da 'enauac nam chic ca shiÿaxaua da sa ishit da huo'o ca ishit da ishipaxanaqchit da nachaalataxac?

Mateo 17:20

Nachi so Jesús 'enapeco': –Cha'ayi qami' ÿataqta qapi'olec da qadpi'iÿaxaqui. Qaq ÿataqta 'eesa de'eda qami' shinapegalo nagui da huo'otaq qami' huo'o ca qadpi'iÿaxaqui, nai'ctaxa da lcata'amolec aca ala ana nanguishi l'enaxat mostaza, qalaq ishit da qoñiÿapega aca qasoxonaxa, qoñiita': “Qoca'ai ne'ena qoueta'a, 'anqo'ona ca lÿa 'alhua;” nachi acamayi ishit da ÿalaq. Qaq qami' ÿataqta qaica ca qauqalañiÿapec, da ÿoqta 'eesa da huo'o ca qadpi'iÿaxaqui.

Mateo 28:17

Qaq co'ollaq mashi qanauane' so Jesús, nachi qai'adoto naua nllicte, nai'ctaxa da huo'o na ÿoqolguettac da ÿoqta 'eesa da nachiso somayi.

Lucas 24:11

Qalaxayi soua namaxa'shi 'eeta'am naq'en da chochi naÿaquiaxac da i'axattrac soomayi, nachi sa ishit da i'amaqte'n.

Juan 20:25

Qaq co'ollaq imeueegue de'eda, nachi soua lÿa't napaxaguenataqa da'aqtaxaatapeguema somayi, qoÿiita': –Qomi' ñauanaxai' so qadataxala'. Qalaxayi so Tomás 'enapegalo' soomayi, 'eeta': –Aÿim da sa ishit da semete'n naua lhua'q ca lliguiyiñi ana clavo, huo'otaq da sepoteu'a ca lliguiyiñi ana clavo naua lhua'q qataq na laÿi, nachi aÿim sa ishit da sa'amaqten de'eda.

Juan 20:26

Qaq co'ollaq mashi ivi' naua ocho na'axa'te, nachi soua napaxaguenataqa qaltaq lapoota'a't da huetra'a so noÿic, nachi ÿalectauo so Tomás da hueta'agueta soomayi. Qaq nai'ctaxa da ÿataqta ÿapochigui so lasom, qalaq so Jesús pa'auo, nachi vichiguinguilo soomayi. Nachi iqui'n, 'eeta': –Huo'o qome da qadlagaxayiqui.

Juan 21:1

Qaq co'ollaq ime de'eda, nachi so Jesús qaltaq nachaxanalo soua lapaxaguenataqa huaña yi loigue aso lapel mayi huaña yi Tiberias. Qaq da 'eetec co'ollaq nachaxanalo, 'eeta':

Juan 21:14

Qaq 'eda da 'eetec co'ollaq mashi ivi' na tres da ÿi'iguelaxalec da nachaxanalo soua lapaxaguenataqa co'ollaq ime da mashi qaltaq nca'aleec.

Hechos 1:3

Qaq co'ollaq ime da l-leuaxa, nachi so Jesús qaltaq nachaxanalo soua lamaxa'shi. Qaq ivi' naua cuarenta na'axa'te da jec da nachaxanaxac, qaq de'eda nachaxanaxac i'axat da somayi ÿoqta 'eesa da nca'altauec. Nachi somayi i'axattapeguem somayipi da l'onataxanaxac ñi Dios da ilo'ogue 'enauacna.