Marcos 16:1 - Nuevo Testamento Toba Sur

¹ Qaq co'ollaq mashi inoxoneec so na'a'q mataxaqui, nachi aso María mayi lashi yi Magdala qataq aso lÿa María mayi late'e so Santiago, qataq aso Salomé, soomayi deshijnaxaada so codaxat da nqo'oodeuga da icoyiguilo da l'oquiaxac so Jesús.

Nuevo Testamento Toba Sombrero Negro

¹ Yenoĝonegue ga'me nolo' jo'ne niyamaqatac, qama'le María jo'ne Magdala laje, María lat'e ñe'me Santiago, nataq'aen Salomé quetot ga'me yoĝoqui jo'ne davioĝon qaedi qoyecodelegue ga'me lapat ñe'me Jesús.

La'aqtaqa Ñim Lo'onatac 'Enauacna 2013

¹ Qaq co'ollaq mashe inoxonec so na'a'q mataxaqui maye saishetapec na judiopi, nache aso María maye lma' ye Magdala, Salomé qataq aso María maye late'e so Santiago, soomaye desheenaxara so coraxat da yaqto' icorelec da lo'ocỹaxac So Jesús.

Marcos 16:1 Referans Kwoze

Lucas 23:56

Nachi co'ollaq ÿi'iguelaxadeu'a ca lma't, nachi qaÿaqataxanai' som codaxat. Ime, nachi nmatreec se'eso na'a'q mataxaqui, qaipactelec da lamaxasoxonaxac na nqataxacpi.

Marcos 15:40

Nataq'en huo'o so 'alpi ilotau'a somayi. Qaq somayipi nachi ÿalectaigui aso María mayi lashi yi Magdala, qataq aso lÿa María mayi late'e so Santiago som n'asa qataq so José, qataq aso Salomé.

Juan 19:31

Qaq se'eso na'a'q, nachi pa'aiguet so na'a'q mayi huetoigui da qaiuennate co'ollaq qanayica'ai yi Egipto. Nachi na judiopi sa ÿaÿamaxaden da nachi netragui da l'oquiaxa'c soomayi soua npe'enaxaqui' se'eso na'a'q mataxaqui. Cha'ayi se'eso na'a'q ÿataqta ÿacteec da qaiden. Qaq ÿoqo'oyi qaiÿaxanot so Pilato, da yaqto' damaxasoxoolec da qainoxo'n naua lchil soua qaiuaxaatrauo, nachi qanqajyiñi da l'oquiaxa'c soomayi.

Juan 19:25

Qaq se'eso npe'enaxaqui so Jesús nachi huetau'a na laÿi aso late'e, qataq aso lqaÿa, qataq aso lÿa María mayi lhua so Cleofás, qataq aso María mayi lashi yi Magdala.

Marcos 16:8

Nachi se'esoua 'alo queda'ai aso huachiqui, datadeec, cha'ayi ÿataqta iviloxolaqchi't da lcolanqa'. Nachi ÿataqta qaica ca da'aqtaxaadem, souaxat da ÿataqta ñi'i'.

Marcos 15:47

Nachi aso María mayi lashi yi Magdala, qataq aso lÿa María mayi late'e so José, soomayi ÿauaachiguilo so qaÿachaña so Jesús.

Marcos 14:8

Ada'ada 'alo, adamayi i'ot dam nalotau'a. Adamayi icodelec da i'oquiaxac so codaxat, llaxatemallaxa da saxanaxa da aÿim qailayiñi.

Marcos 14:3

So Jesús hueta'a yi Betania, netaña ca lma' so Simón mayi qaÿamata'ac da nchiga na l'oc. Qaq somayi co'ollaq ña datatalec ca nqui'axala', nachi nvideuo aso 'alo lasoqta'a aso coma', l'enaxat alabastro. Asomayi nlaqchigui na codaxat, l'enaxat nardo. Somayi ÿataqta qaÿoqteu'a. Nachi asomayi ilaxat, nachi icodelec so codaxat na lqaic so Jesús.

Lucas 23:54

Qaq se'eso na'a'q nachiso so aÿamaxataxaqui da qanaÿamaxatta'aguet so lÿa na'a'q mayi mataxaqui som yaqta'a da nnoxoneuo.

Marcos 15:42

Qaq co'ollaq mashi napaltapiguiñi se'eso na'a'q mayi aÿamaxataxaqui mayi nachi pa'aiguet so na'a'q mataxaqui,

Marcos 16:2

Qaq ña nte'etom som l'auaxanec na'a'q co'ollaq tadeuga aso huachiqui, qaq mashi nnoxotchiguem aso nala' co'ollaq ivildeec.

Lucas 24:1

Qaq co'ollaq ña nte'etom so l'auaxanec soua na'axa'te, nachi som 'alpi nqo'oneuga aso huachiqui, qaÿachitac som codaxat mayi qaÿaqataxaatapigui'. Qataq huo'o so laÿipi 'alpi qannaictague'.