Marcos 15:46 - Nuevo Testamento Toba Sur

⁴⁶ Nachi so José deshijnaxana so hualoq lapagaxaic nsaxaatac, nachi nqajñi so l'oquiaxac so Jesús, nachi ÿaxategue. Qaq co'ollaq ime, nachi ÿachaigui aso huachiqui mayi naigui aso coma', nachi ÿapogui asa'aso huachiqui, dapoxona so coma' lta'adaic.

Nuevo Testamento Toba Sombrero Negro

⁴⁶ Chane'eja José ecot ga'me ualoq jo'ne chiyaqayi jaga'me lino, naqachiñe ga'me lapat ñe'me Jesús qama'le lecoĝoye joga'me. Yem qama'le yachaue ga'me napa'l lae't jo'ne nejedec ga'me qajoĝonaĝa, nataq'aen ga'me lauac ga'me napa'l lae't en lapadenaĝat ga'me qa' t'adaic.

La'aqtaqa Ñim Lo'onatac 'Enauacna 2013

⁴⁶ Nache so José desheenaxana so nacanec maye no'on qataq late'erai añi lasheue. Nache nqaañi So Jesús nqateeguesop so npe'enaxaqui, nache lpataxangui so nacanec. Ime, nache ỹache so lo'ocỹaxac So Jesús irouga aso huachiqui maye naigui so coma' lta'araic, asom ñaq cheta'ague co'ollaxa da so José damaxasoxoolec da qaỹo'ot. Ime, nache ỹapogui so ñegueuo dapoxona so lta'araic coma'.

Marcos 15:46 Referans Kwoze

Juan 11:38

Qaq so Jesús qaltaq nomteguet da 'eeta lta'adaic, nachi nqochineu'a aso huachiqui. Qaq asa'aso huachiqui 'eeta'am na chochi auac, qaq huo'o so lapoxot coma' som ñigueuo.

Lucas 23:53

Qaq co'ollaq ime da nqajñi so Jesús, nachi lpataxangue so hualoq lapagaxaic, nachi ÿachangui asom huachiqui mayi n'onata, naigui aso coma'. Asomayi saxanaxa da huo'o ca qaÿachangui.

Mateo 28:2

Nachi nque'elaxatta da huo'o so lacholaxanaxa ana 'alhua, cha'ayi so lamaxashic piguem l'ec ñi qadataxala', somayi chigoqtot na piguem da naÿaña aso huachiqui. Nachi nqat so coma' lta'adaic mayi lapoxot asomayi, nachi nso'ootalec.

Marcos 15:45

Nachi som huataxanaq lta'a co'ollaq i'axat da 'eesa, nachi so Pilato ÿanem so José so l'oquiaxac so Jesús.

Marcos 15:47

Nachi aso María mayi lashi yi Magdala, qataq aso lÿa María mayi late'e so José, soomayi ÿauaachiguilo so qaÿachaña so Jesús.

Juan 11:41

Nachi qanqateec so coma'. Nachi so Jesús ÿamato'ot na piguem, nachi 'enapeco': –'Am ita'a, 'am sanot da ñi'achiquiaxac, cha'ayi 'am aÿim 'au'axaÿa.

Juan 20:1

Qaq som l'auaxanec na'a'q naua na'axa'te, nachi aso María mayi lashi yi Magdala, asomayi tauga aso huachiqui co'ollaq nte'etom. Qaq co'ollaq ña napaltañi, nachi asomayi ila'a da so coma' mayi lapoxot aso huachiqui da mashi qanqat.