Marcos 15:43 - Nuevo Testamento Toba Sur

⁴³ nachi anac so José mayi lma' yi pueblo Arimatea. Somayi ÿataqta 'amaqtaqaic, qaq nachi ÿalectaigui nam nta'alpi mayi loicnatac na lataxaguesat. Qaq somayi nataq'en iuattaique da nvi' ca l'onataxanaxac ñi Dios da ilo'ogue 'enauacna. Nachi ÿataqta i'añaxachigui yi lauel da nqo'oneu'a so Pilato, nachi iÿaxaneu'a so l'oquiaxac so Jesús.

Nuevo Testamento Toba Sombrero Negro

⁴³ ñe'me José jo'ne mach'e lañoqo' di'me Arimatea, nataq'aen jiyaĝaua jo'ne di'yaĝa 'me lecochaĝa'u jogaa'me jiyaĝa'u jo'ne p'ajodaye jo'ne dajoya'a't nale, joñe'me nach'e ena'am yeuatetaque da'me Dios lejaliaĝa, da'me naqanateta da'me yec'ate'uo ñe'me Pilato da'me yiyaĝane'uo da'me lapat ñe'me Jesús.

La'aqtaqa Ñim Lo'onatac 'Enauacna 2013

⁴³ Nache huo'o so ỹale le'enaxat da José maye lma' ye nỹecpiolec le'enaxat Arimatea. Somaye ỹataqta saq ñi'iỹa so Pilato da dequiguiỹaua'a so lo'ocỹaxac So Jesús. So José somaye ỹalectaigui so 'amaqtaqaicpi maye nmit da huo'o ye nasouaxashet. Nataqa'en somaye nqouagaxaueetac naxa da yaqto' da lo'onataxanaxac Ñim Lo'onatac 'Enauacna saqaỹaloq da yo'oq.

Marcos 15:43 Referans Kwoze

Lucas 2:38

Qaq aso Ana nataq'en ÿalectauo se'eso na'a'q. Qaq co'ollaq ime da ÿaatacot da n'achiquiaxac ñi Dios, nachi i'axattac so nogotolec Jesús, da'aqtaxaatapeguem 'enauac nam iuattaique cam na'a'q qom ÿataqta huesochiguiñi qanqoÿin yi Jerusalén.

Lucas 2:25

Qaq se'eso vi'i netaña yi Jerusalén so shiÿaxaua l'enaxat Simeón. Qaq somayi ÿataqta soxodaic qataq ÿi'oxodeetac ñi Dios, nataq'en iuattaique ca na'a'q da imeuo qanqoÿin da nque'ejnaxac na Israel llalaqpi. Qaq somayi hueta'aguet so Espíritu Santo,

Lucas 23:51

Se'eso José, somayi iuattaique da nvi' cam l'onataxanaxac ñi Dios da ilo'ogue 'enauacna. Qaq somayi sa ishit co'olloxochiyi da ÿaÿamaxaden dam i'ot som laÿipi nta'alpi.

Hechos 17:12

Huaña, nachi ÿataqta qalota so da'amqajnataxan namayipi, nataq'en nam griego l'ecpi ÿataqta qalota na da'amqajnataxan ÿallippi qataq nam 'alpi mayi ÿi'oxodaipi.

Juan 19:38

Qaq co'ollaq ime de'eda, nachi so José mayi lma' yi Arimatea, somayi iÿaxanot so Pilato da yaqto' idouec da l'oquiaxac so Jesús. Qaq se'eso José, somayi quetague' so Jesús, qalaxayi sa ishit da ÿoqta nachaxaata, souaxat da ñi'itega na judiopi. Nachi so Pilato ÿanem somayi dam iÿaxaneu'a, nachi jec so José da idouec da l'oquiaxac so Jesús.

Mateo 27:57

Qaq co'ollaq mashi napaltapiguiñi, nachi anac so shiÿaxaua sallaxanec, l'enaxat José. Somayi lma' yi pueblo Arimatea. Somayi nataq'en i'amaqteetac so Jesús.

Filipenses 1:14

Qaq can qaÿaÿaten da aÿim qaicoñittai', nachi huac da 'enauac na qadqaÿañicpi da n'añaxat da i'axat da l'aqtac ñi Dios, qataq ÿataqta pi'iÿa'a so qadataxala'. Qaica ca ñi'itaique.

Hechos 13:50

Qalaxayi nam judiopi nachi huo'o ana detaxaÿot nam ÿi'oxodaipi 'alpi mayi quetague' ñi Dios, qataq nam ÿallippi mayi 'amaqtaqaicpi se'eso la ciudad, da ÿayina'a namayipi, da yaqto' sa qaÿalemaxat so Pablo qataq so Bernabé, chochi ivitta'a da queda'ai qanqoÿin se'eso 'alhua.

Marcos 14:54

Qaq so Pedro ca'atta'ague somayi co'ollaxa, qalaxayi qaÿoqteguet, chochi ivittau'a ca nqasoxoc som lta'a na lataxala'pi na ntaxaÿaxanaxanecpi. Nachi nso'ootañi, ÿalectaigui na huataxanaqpi, ntootapigui so nodec.

Mateo 20:16

Qaq 'eda qome da 'eetec nam nagui pa'ateec, qalaq namayipi qome l'auaxanecpi. Qaq nam nagui l'auaxanecpi, qalaq namayipi qome pa'ateec. Cha'ayi nagui ÿataqta qalota nam qaiÿaxanapi, qalaxayi saq 'amaqtaq qome nam nca'aguishicpi.

Mateo 19:30

Qalaxayi ÿataqta qalota qome nam nagui l'auaxanecpi nam pa'ateec qome qanqoÿin, qataq ÿataqta qalota qome nam nagui pa'ateec nam l'auaxanecpi qome qanqoÿin.

Marcos 15:44

Nachi so Pilato ÿataqta i'aalac da mashi sogote da ileu so Jesús. Nachi iÿaxaneuga som nhuataxanaq lta'a, nachi inattac da 'eesa de'eda.

Lucas 23:50

Qaq huo'o so shiÿaxaua ÿataqta no'on da lataxac qataq sa ishit da i'ot ca sa ÿaÿamaxañi, l'enaxat da José, lma' yi pueblo Arimatea huaigui yi 'alhua Judea. Somayi nachi ÿalectaigui na nta'alpi mayi loicnatac na lataxacpi na judiopi.