Marcos 15:32 - Nuevo Testamento Toba Sur

³² Ñim 'eetega da nca'alaxaqui lta'a na llalaqpi so Israel, da ishit da sauanaqchigui nagui da huenoteeguesop ñi npe'enaxaqui, nachi ishit da sa'amaqtenaq. Qaq ivida'alo soua lÿa't mayi qaiuaxaatrauo, soomayi ishiueetrac so Jesús.

Nuevo Testamento Toba Sombrero Negro

³² ¡'Noota qom nenochiñe toqo' chiyaqalegue jana'me sodoso, jenjo' “Dios Liquiyac” jo'ne “Israel Lejaliaĝanec”, qaedi jauanaĝa nataq'aen male jep'iyaqa joñe'me! Nataq'aen jogaa'me jo'ne ueta'ñoto joñe'me jo'ne qoyep'edajeguem nach'e ena'ama ye'uetedac joñe'me.

La'aqtaqa Ñim Lo'onatac 'Enauacna 2013

³² Ñimaye 'eetega da Lca'aguishec Ñim Lo'onatac 'Enauacna qataq lta'a na Israel le'ecpi. ¡Da sauanaqchigui da huenoteeguesop ñi npe'enaxaqui, nache ishet da sa'amaqtenaq Ñimaye!» Nataqa'en soua cachaxaiqa maye qaiuaxaatrauo, huaqta'ato So Jesús, isheueetrac Somaye.

Marcos 15:32 Referans Kwoze

Mateo 27:44

Qaq ivida'alo nataq'en soua cachaxaiqa mayi npe'enaxa'u, soomayi nataq'en ishiueetrac somayi.

2 Timoteo 2:18

Soomayi ilamaqdauec, queda'ai da 'eesa lataxac, 'eetrega da mashi 'ico' qanca'alaxateeguesop na leuaxaicpi na mashi da'amqajnataxan. Qaq nachida da huo'o mshi huo'o na n'aqchit naq'en da lpi'iÿaxac.

Mateo 1:17

Qaq da ima'a't se'eso nta'alpi, qaq ivi' catorce chigoqchiguiña so Abraham, chochi ivitta'a so David. Qataq ivi' catorce so laÿipi nta'alpi chigoqchiguiña so David, chochi ivitta'a so na'a'q co'ollaq qaÿaueegue da Babilonia so llalaqpi so Israel. Qataq ivi' catorce so laÿipi nta'alpi, chochi ivitta'a so na'a'q co'ollaq ñiguiñi so Cristo.

Romanos 3:3

Qalaxayi ¿huá'ague ca 'eetec namayipi da huo'otaq sa ipaguelec de'eda n'aqtac? Qaq ¿peta'a ñi Dios nachi ÿaxaañi da sa ishit da ipaguelec da l'aqtac?

Juan 12:13

Nachi qaiquesoq ana laue ana chaic, nachi qaÿaqata'aguet so Jesús. Nachi qai'alaqtalec, qoÿiita': –¡Shi'oxodenaq ñi qadta'a Dios! ¡Ÿataqta no'on da lliquiaxac nam nactaigui da l'enaxat ñi qadataxala'! ¡No'on da lliquiaxac nam lta'a na Israel llalaqpi!

Juan 1:49

Nachi so Natanael 'enapeco': –'Am mayi 'auapaxaguenataxaatac, nachi'am llalec ñi Dios, qataq nachi'am lta'a na Israel llalaqpi.

Marcos 15:26

Qaq som qoÿittalec da lasouaxashit huetalec da 'eeta': “Lta'a na judiopi.”

Mateo 27:42

–Nca'alaxateec ca lÿa, qalaq ñimayi sa ishit da maichi nca'alaxajla't. Qom ÿoqta 'eesa da nachiñi ñi lta'a na llalaqpi so Israel, qaq no'on da huenoteeguesop ñi npe'enaxaqui, yaqto' ishit da sa'amaqtenaq ñimayi.

Marcos 15:27

Nataq'en nachi lÿatchiyigue'm soua dos cachaxaiqa da qaiuaxaadeuo, so 'oonolec soomayi neta'ague qanqoÿin na aloic, qaq so lÿa neta'ague na n'emaq.