Marcos 15:19 - Nuevo Testamento Toba Sur

¹⁹ Nachi qaiuaxaatapigui na lqaic, qaidotega na coqta, qataq qanqaigoqto'ot, qataq qai'attacoto naua nllicte da 'eeta'am da huo'o naq 'enec qanqoÿin.

Nuevo Testamento Toba Sombrero Negro

¹⁹ Nataq'aen queda'me qoye'uaĝanec ga'me epaq da'me qoye'uaĝañgui ga'me laqaic, qonatoĝolegue nataq'aen qoyijoedi'ñejopa naa'me neliquetel da'me qo'nonaĝachigui.

La'aqtaqa Ñim Lo'onatac 'Enauacna 2013

¹⁹ Nache so huataxanaqpi iuaxaatapigui na lqaic Somaye, irotega na 'epaq qataq nqaigoqto'ot qataq ỹa'atto'oto naua nllecte da 'eeta'am naqa'en ca huo'o naq 'enec.

Marcos 15:19 Referans Kwoze

Marcos 14:65

Huaña, nachi huo'o na nqaigoqot somayi, qataq qaÿauo'o so laxataxat na lashic, nachi qaiuaxaatac, qoÿiitega, qoÿiita': –¡Ña 'au'axat chaq négue't na 'am iuaxaatac! Nachi na huataxanaqpi iuaxaatapigui na lashic somayi.

Hebreos 13:13

Qaq ÿoqo'oyi ñoqo'onaxauga qome so Jesús mayi huetauga que'eca qaÿoqteuga se'eso qanayiutaña, da yaqto' nataq'en ñique'etaxanaxagui da sa qaÿauo'o ca qanyacnataguec, da shinaqta'am da nque'ejnaxac somayi.

Filipenses 2:10

yaqto' da qai'axaÿa da l'enaxat so Jesús, nachi ishit da i'alyiñi naua l-llicte 'enauac nam hueto'ot na piguem, qataq nam huetalec ana 'alhua, qataq nam huetaueegue da laÿi na 'alhua,

Romanos 11:4

Qalaxayi ñi Dios 'enapeco': “Aÿim seÿotauga yi siete mil shiÿaxauapi yim sa ishit da i'adoto naua l-llicte da natamnot ñim nqolac l'enaxat Baal.”

Lucas 23:36

Qaq nataq'en som huataxanaqpi ÿataqta ÿi'iitac somayi, nachi qanquigueu'a da qaÿauotaique da qanÿomaxangui som lataxa mayi ÿataqta 'iuaxaic.

Lucas 23:11

Nachi so nta'a Herodes qataq so nallippi ÿataqta qaÿi'inai' so Jesús, nachi qalapaxalec so npo' ÿataqta qaica ca 'en'am da lyac, 'eeta'am qanqoÿin ca nta'a. Qaq co'ollaq ime, qaltaq qaÿi'iguelaxata so Pilato.

Lucas 22:63

Nachi so shiÿaxauapi mayi iuattague' so Jesús ÿataqta ÿi'inai' somayi qataq iuaxaatac.

Marcos 10:34

Nachi namayipi qome ÿataqta aÿim i'en, qataq aÿim iuaxaatalec, qataq nqaigoqtaigui na ÿashic qataq aÿim ÿalauat. Qalaxayi qom mashi ivi' caua tres na'axa'te, nachi qaltaq aÿim qanca'alaxateec.

Marcos 9:12

Nachi somayi 'enapeco': –'Eesa ca Elías da hua'auñi da nvi' qome, da yaqto' ÿaÿamaxajñi 'enauac na lataxaguesat. Qalaxayi ¿huá'ago' ca 'eetec naua ñiyigui'shi l'aqtaqa ñi Dios yi nataq'en i'axat da 'eetec qome cam shiÿaxaua llalec? Da huo'o da nque'ejnaxac qanqoÿin qataq da n'otanaguec.

Mateo 27:30

Qataq nataq'en qanqaigoqto'ot, qataq qaÿacona aso coqta, nachi qaiuaxaatagui na lqaic.

Marcos 15:18

Qaq co'ollaq ime, nachi qai'alaqto'ot, qoÿiita': –¡La', 'am mayi 'am lta'a na judiopi!

Marcos 15:20

Qaq co'ollaq ime da n'enaguec somayi, nachi qanqat so lapo' mayi nauedalec na ltogaxa, nachi qoÿanaxanaxaanguilo soua maichi alogo. Nachi qaÿauec da qaiuaxaneuo.