Marcos 14:61 - Nuevo Testamento Toba Sur

⁶¹ Qalaxayi so Jesús ÿi'imaqtom, sa ishit da ÿasat. Nachi som lta'a na nataxala'pi qaltaq ÿi'iguelaxalec da inat, 'eeta': –¿Peta'a nachi'am qadta'a qadca'alaxaqui, mayi 'am llalec ñim Dios mayi qayi'oxonnatac?

Nuevo Testamento Toba Sombrero Negro

⁶¹ Qalaĝaja Jesús qaya'te nenaĝategue, ja 'yat ca'li. Qama'le joñe'me lejaliaĝane'j joga'me tamenaĝaiqui lo'olpi yitaĝa 'viyelaĝalegue da'me yenat: —¿Naqa'am joona da'me am Dios Liquiyac? ¿Qo'li am Lec'oĝot ñe'me Dios jo'ne ni'yoĝodenatac?

La'aqtaqa Ñim Lo'onatac 'Enauacna 2013

⁶¹ Qalaxaye So Jesús ỹe'emaqtom, saishet da ỹasat. –Nache som lta'a na ntaxaỹaxanaxanecpi da qaitaxaỹapegue' Ñim Lo'onatac 'Enauacna qaltaq ỹe'eguelaxalec da inat, 'eeta': –¿Peta'a nache 'am maye 'am Lca'aguishec Ñim Lo'onatac 'Enauacna, qataq 'am Llalec Ñimaye, maye 'enauac da qaỹo'oxoreetac?

Marcos 14:61 Referans Kwoze

Marcos 15:2

Nachi so Pilato inattac somayi, 'eeta': –¿Nachi'amo' mayi 'am lta'a na judiopi? Nachi so Jesús 'enapeco': –Aja', nachida dam qonapec.

Juan 19:7

Qalaxayi na judiopi 'enapeco': –Qomi' huo'o dam nqataxac mayi qomi' qoÿanema co'ollaxa, qaq damayi 'enapec yi ishit da qaÿalauat ca shiÿaxaua, cha'ayi damayi yi 'eetega da llalec ñi Dios.

1 Pedro 2:23

Qataq co'ollaq qaishiueetac, qalaq sa ishit da ÿi'iguelaxata'aguet da nshiunaguec, qataq co'ollaq qaÿauo'o da nque'ejnaxac, qalaq sa ishit da dadenaxaatac. Chaqdata da ipa'axano'ot ñi Dios mayi sa ishit da depe'enaxan da nmit ca nasouaxashit.

Juan 10:36

Qaq da huo'otaq ñim Dios aÿim iÿotauga co'ollaxa, nachi aÿim namaxa ana 'alhua, qaq ¿tá'ainco' qami' yi qoñiitega da npa'agueneto naua i'aqtaqa ñimayi, souaxat da shiitega da aÿim llalec ñimayi?

Juan 1:34

Qaq aÿim mashi sauaachigui somayi, nachi sa'axattac da somayi nachiso so llalec ñi Dios.

Mateo 16:16

Nachi so Simón Pedro 'enapeco': –Qomyi nachi'am nta'a nca'alaxaqui mayi 'am llalec ñi Dios mayi sa ishit da ileu.

Mateo 8:29

Nachi soomayi i'alaqtai'salo, 'eeta': –¿Tá'ainco' yi qomi' 'atapegueu'alo, 'am Jesús mayi 'am llalec ñi Dios? ¿'Am 'auanaicna'a peta'a da 'auauo'o da qanque'ejnaxac, qamaq saxanaxa da sevitaxa ca qadaloqo'?

Mateo 3:17

Nachi qai'axaÿa, chimqot na piguem, 'eeta': –'Eda da ÿalamaxat ÿalec mayi ÿauotaxat. Damayi ÿataqta ñitootapeguec.

1 Timoteo 6:15

Qom ivita que'eca laloqo', nachi ñi Dios ÿachaxan somayi, cha'ayi ñimayi 'oonolec, 'añaxaic, qataq hueto'ot da namaxayic. Ñimayi mayi lta'a na nta'alpi, qataq lataxala' na nataxala'pi.

1 Timoteo 1:11

Qaq de'eda napaxaguenataxanaxac mayi no'oita ÿataqta nateeteguet da n'aqtac mayi chigaqaigui da nca'alaxa mayi ÿapac da lyaquiaxac. Damayi chigoqtot ñi Dios mayi hueto'ot da namaxayic. Qaq damayi aÿim qaipataxalec da sa'axateec.

Hechos 8:32

Qaq som n'aqtac mayi itaxaÿaxaatac 'eeta': Camayi qome 'eeta'am ana qagueta da qaÿauectauga ca nalaataqa'; qataq 'eeta'am ca qagueta llalec da qanpetec, qalaq sa ishit da i'alaq. Qaq 'eda qome da 'eetec camayi da sa ishit da ÿauachigui na alap da i'alaq.

Juan 19:9

Nachi qaltaq taigui so lma', nachi qaltaq inattac so Jesús, 'eeta': –¿Chaq huá'ague ca ÿoqta 'auachigoqta'ague 'am? Qalaxayi so Jesús sa ishit da huo'o ca l'aqtac.

Juan 18:37

Nachi so Pilato 'enapego' somayi, 'eeta': –¿Qachi ÿoqta 'eesa da 'am nta'a? Nachi so Jesús 'enapeco': –Aja', aÿim nta'a, nachida dam qonapec. Aÿim sañiguiñi da ñanaÿa ana 'alhua, da yaqto' sa'axat cam 'eesa. Qaq 'enauac nam ÿalaxalec dam 'eesa, namayipi n'axaÿaxana dam i'aqtaxanaxac.

Juan 10:24

Nachi na judiopi laponeu'a somayi. Nachi qoÿiitega, qoÿiita': –¿Chaq láguio', qaq ishit da ÿoqta qomi' 'an'axattalo? Da ÿoqta nachi'am nta'a nca'alaxaqui, qaq no'ónctaxa da ÿataqta qomi' 'au'aqtaxaatema, nachi a'ayi.

Marcos 14:60

Nachi som lta'a na lataxala'pi na ntaxaÿaxanaxanecpi nachaatoigui so laÿipi, nachi inat so Jesús, 'eeta': –¿Qalaq qaico' ca 'ad'aqtac? ¿Chaq huá'ague ca 'eetec ca lataxac nam 'am qaÿasaqtapeguelecpi?