Marcos 14:6 - Nuevo Testamento Toba Sur

⁶ Qalaxayi so Jesús 'enapeco': –Qauaqaita'a adamayi. ¿Tá'ainco' yi sa qaualemaxachi? Dam aÿim i'otec adamayi ÿataqta ÿaÿamaqchiguiñi.

Nuevo Testamento Toba Sombrero Negro

⁶ Qalaĝaja Jesús enaac: —¡Auomachii'ya! ¿Toqoch'e aueloiquiaĝañetac? Yataqachiñe 'noota da'me 'lonatac jo'ne jayem 'yetec.

La'aqtaqa Ñim Lo'onatac 'Enauacna 2013

⁶ Qalaxaye So Jesús 'enapeco': «¡Qauaqaita'a aramaye! ¿Ta'ainco' ye sa qaualemaxache? Aramaye da Aỹem ỹo'otec ỹataqta ỹaỹamaqchiguiñi.

Marcos 14:6 Referans Kwoze

Hebreos 13:21

ñimayi ÿataqta qami' naloqchiichiyiñi qome qataq n'onaxat 'enauac da qadataxaqui, yaqto' ishit da qau'ochi cam 'eetapeguec; qataq yaqto' ñimayi ishit da maichi ÿoiqueetac cam qomi' i'oteque, ÿachigoxotchigui naq'en so Jesucristo. ¡So Cristo ÿataqta nachi 'eetai' qome da ñi'oxonnataguec! Aja', nachi 'eetec.

Hebreos 10:24

Qataq qomi' no'on da ñi 'oonolec ipacapegue' ca lÿa da ñaq huo'o naq'en da lsoxoyic, qataq da i'ot ca ÿaÿamaqchiguiñi.

Tito 3:14

Nataq'en na qadqaÿañicpi 'amqajnataxanaxaicpi 'onaxaic da ÿaÿaten da i'ot ca no'on, qataq da itauan ca huo'o da lhuenaxanaxa, yaqto' da nachaalataxac namayipi ÿataqta huo'o da lañaxataxac.

Tito 2:14

Somayi nañanguet da qomi' ileualguete, cha'ayi nshitaique da qomi' nca'alaxateeguesopa na qan'onatagueguesat, qataq nshitaique da iqui'itaxat da qanachaalataxac da qomi' lalamqa'te, qataq nshitaique da ñoqopitaxa da so'otaq ca no'on.

2 Timoteo 2:21

Qaq da huo'o ca nshitaique da 'ico' nogoxoshit mayi taiguet da ñi'oxoyic, qataq nshitaique da qaiqui'itaxatta, qataq nshitaique da taiguet da l'onataxanaxanec so qadataxala', qaq camayi nal'en da iÿouec 'enauac na sa ÿaÿamaxañi, qanachi ÿataqta taiguet ca camachaqca n'onataxanaxac ÿaÿamaqchiguiñi.

Efesios 2:10

Cha'ayi ñi Dios qomi' l'onataqa, qataq qomi' nañaxateu'alo naq'en so Cristo Jesús, cha'ayi nshitaique da so'otaq ca ÿaÿamaqchiguiñi. Qaq damayi nal'eno' da lapaqtapiguiñi da ÿauotaique qoyiquiaxac.

Hechos 9:36

Qaq se'esoua na'axa'te huo'o aso 'amqajnataxanaxai netaña yi la ciudad Jope. Asomayi naua judío l'aqtaqa l'enaxat Tabitá, qaq naua griego l'aqtaqa Dorcas (de'eda n'enaxat naigui da ñi'imshi). Asá'aso 'alo ÿataqta no'on da l'onataxanaxac, qataq itauaatac nam huo'o da lhuenaxanaxa.

Mateo 26:10

Qaq so Jesús hua'aqchigui de'eda, nachi 'enapeco': –¿Tá'ainco' qami' yi sa qaualemaxachi ada'ada 'alo? Cha'ayi de'eda aÿim i'otec, damayi ÿataqta ÿaÿamaqchiguiñi.

Tito 3:8

Qaq de'eda shiitega ÿataqta 'eesa. Qaq ÿoqo'oyi ñishitaique da ÿataqta 'au'axat, yaqto' 'enauac na i'amaqten ñi Dios ÿataqta npogoxoinapegue' da i'ot ca ÿaÿamaqchiguiñi. De'eda shiitega ÿataqta 'onaxaic, qataq huo'o naq naigui.

Tito 2:7

Qataq 'am ÿataqta 'auachaxana namayipi ca no'on n'aqtaguec da 'ad'onataxanaxac. Da 'auapaxagueetac, sa ishit da huo'o ca camachaqca 'oxottapiguiñi. Chaqdata da sa 'auasaguettac.

2 Timoteo 3:17

yaqto' ca lamaxashic ñi Dios ÿataqta nalochiguiñi 'enauac na lhueneguesat, qataq taiguet da i'ot ca camachaqca n'onataxanaxac ÿaÿamaqchiguiñi.

1 Timoteo 6:18

Qonapega nataq'en da i'ot ca no'on, yaqto' 'ico' lsallaxa da l'onataxanaxac ÿaÿamaqchiguiñi. Qataq qaica ca ÿictega da huo'o ca ÿan da detaunaxanot.

1 Timoteo 5:10

Qataq qaÿauattoota da l'onataxanaxac ÿaÿamaqchiguiñi. Qaq 'eda da n'aqtaguec acamayi: Da ÿataqta no'on da lco'oxoc, qataq da ilo'oguet ca namaxasoxoic, qataq qaica ca huotaique da huapegue' na 'amqajnataxanaxaicpi, qataq da huo'otaq mashi itauaatac da huo'o ca huetapigui ca lÿa, qataq da huo'o ca lÿa l'onataxanaxac ÿaÿamaqchiguiñi.

2 Ts 2:17

ñiimayi i'añaqchi't qome naua qadquiyaqchilli', qataq qami' itauanque da qami' 'añaxaiqa da qau'axachi qataq qau'ochi 'enauac na ÿaÿamaqchiguiñisat.

Colosenses 1:10

Qaq yaqto' qami' ishit da no'on da qadataxaqui, 'eeta'am da lataxac na quetague' so qadataxala', qataq yaqto' qau'ochiitac cam ÿaÿamaxadeeta somayi. Huaña, nachi huo'o da alaÿaxac 'enauac nam ÿaÿamaqchiguiñisat mayi qau'ochi, qataq qaviyiita'a da ÿataqta qauauattoñiita ñi Dios.

2 Corintios 10:18

Cha'ayi ca shiÿaxaua mayi qaÿaÿamaxadeeta, sa ishit da nachica cam maichi ñi'oxodeetapeguela't, cha'ayi chaqcata cam ÿaÿamaxadeeta ñi qadataxala'.

2 Corintios 9:8

Ñi Dios ishit da chochaq huañi naq'en da qami' ÿanema na ÿotta'a't yi'oqchigui qan'achiquiaxaqui, yaqto' qami' ishit da huo'o 'enauac na maichi qadviñiqui, qataq yaqto' sa ishit da huo'o ca qaviñiitaique da qautaunaxañi da qau'ochi ca n'onataxanaxac ÿaÿamaqchiguiñi.

1 Pedro 2:12

Qaq ÿataqta no'on qome qanqashiñi da qadataxaqui da qoñiitangui nam sa ÿauatton ñi Dios. Qaq yaqto' namayipi ishit da ila'a cam ÿaÿamaqchiguiñi qau'ochiitac, nachi ishit da ÿi'oxoden ñi Dios qom ivita ca na'a'q da ñimayi nmitna, qaq nai'ctaxa nagui da qauema naua ltaxaÿaxaco da qami' detaqtegalo, qalaq 'eeta'am naq'en ca qalota na ÿasouaxat.

Marcos 14:5

Cha'ayi somayi ishíttaxa da ivi' aca trescientos denarios da qaimen, nachi qaitauan na choxodaqpi. Nachi ÿataqta qaÿalemataÿa asomayi.

Marcos 14:7

Qami' nachi 'eetai' da qoviita'aguet na choxodaqpi, qaq ÿataqta da ivita da huo'o ca qau'ochiic. Aÿim, qalaxayi sa ishit da nachi 'eetai' da qami' soota'agueta.