Marcos 14:54 - Nuevo Testamento Toba Sur

⁵⁴ Qaq so Pedro ca'atta'ague somayi co'ollaxa, qalaxayi qaÿoqteguet, chochi ivittau'a ca nqasoxoc som lta'a na lataxala'pi na ntaxaÿaxanaxanecpi. Nachi nso'ootañi, ÿalectaigui na huataxanaqpi, ntootapigui so nodec.

Nuevo Testamento Toba Sombrero Negro

⁵⁴ Pedro ch'e yec'atalegue ca'li qaya'aguet chayovida'a yeda'uo ga'me p'auo jo'ne napegoue ñe'me lejaliaĝane'j joga'me tamenaĝaiqui lo'olpi, qama'le nach'e ua'a da'me ñichiñe uetauelo jogaa'me vitaĝayaqa ga'me tamenaĝaiqui, netotedapiye ga'me dole'.

Marcos 14:54 Referans Kwoze

Juan 18:18

Qaq cha'ayi ÿataqta atom, nachi som namaxashicpi qataq som huataxanaqpi i'ot so l-le', nachi nachattañipi da ntootac. Qaq so Pedro nataq'en ÿalectaigui somayipi, ntootac se'eso nodec.

Mateo 26:3

Nachi se'eso na'a'q nam lataxala'pi na ntaxaÿaxanaxanecpi da qaitaxaÿapegue' ñi Dios, qataq nam dapaxaguenataxaatapeguec na nqataxacpi, qataq nam lquedoxonecpi na judiopi, namayipi lapona't, hueta'a yi nqasoxoc so lma' lta'adaic so Caifás mayi lataxala' nam ntaxaÿaxanaxanecpi.

Juan 18:25

Qaq so Pedro ñaq queto'ot da nachattañi, ntootapigui so nodec. Nachi qaltaq qainattac, qoÿiita': –¿Sa ishit peta'a da nachi'am 'oonolec nam lapaxaguenatacpi de'eda shiÿaxaua? Nachi so Pedro qataq nqolguettac, 'eeta': –'A'i, sa ishit da nachaÿim.

Lucas 22:44

Qaq co'ollaq mashi ÿagueec da nque'ejnaxac, nachi qaltaq nquigaxatteec da n'añaxataxac da nqouagaxaunaxac, nachi na nchilchaxa mayi anactac, 'eeta'am na ntago'q, ÿataqta ñijlec na 'alhua.

Marcos 14:38

Qanloitauec qome qataq qanqouagaxauñiitac, yaqto' sa ishit da qami' inoxonoiguilo ca qauem qadhuennataqai. Cha'ayi ca shiÿaxaua da lquiyaqteÿaxac ÿataqta nasapatta, qalaxayi da l'oquiaxac mayi qaica ca lasapachaxa.

Mateo 26:58

Qalaxayi so Pedro ca'attaueegue somayipi, qalaxayi qaÿoqteguet, chochi ivittau'a ca nqasoxoc ca lma' som lta'a na lataxala'pi na ntaxaÿaxanaxanecpi. Huaña, nachi pa'auo, nachi nso'ootañi, netangui so huataxanaqpi, cha'ayi ÿauotaique da ÿauaachigui ca loga't 'enauac de'eda.

Marcos 14:66

Qaq so Pedro ñaq hueta'a ca pa'aguiñi so qasoxoc, nachi nvita aso lamaxashi som lta'a na lataxala'pi na ntaxaÿaxanaxanecpi.

Lucas 22:54

Nachi qaÿaconeu'a so Jesús da qaicoñi', nachi qaÿauegueu'a ca lma' som lataxala' na ntaxaÿaxanaxanecpi da qaitaxaÿapegue' ñi Dios. Nachi so Pedro ca'attau'ogue somayi.