Marcos 14:36 - Nuevo Testamento Toba Sur

³⁶ Qaq co'ollaq nqouagaxaueetac, nachi 'eeta': –'Am ita'a, 'am qaica 'enauac ca 'auqalanapec. Qaq sa ishit qome da aÿim 'apagaqna'aguet de'eda que'ejnaxac mayi 'eeta'am da qanÿomgui ca deshinataxan. Qalaxayi sa ishit qome da 'au'ot ca maichi shiitapeguec, chaqcata ca maichi qonetapeguec.

Nuevo Testamento Toba Sombrero Negro

³⁶ Da'me netamenaĝac enaac: “Abba, am Taĝadena', yema gaa'me uo'oe qaya'te auen qalaq q'aen: ¡jayem auachiyoĝotaue da'me dojo' yachoĝodec! Qalaĝaja, 'noota qom ja naqaega ga'me mach'e jepaquetapega, dite da'me mach'e adoequenataĝanaĝac.”

Marcos 14:36 Referans Kwoze

Gálatas 4:6

Qaq dam ichoxot da ÿoqta qami' llalqa ñi Dios 'eeta': Ñimayi qami' namaxalo so n'Espíritu so llalec da taiguilo naua qadquiyaqchilli'. Qaq so Espíritu deÿaxan, 'eeta': “¡'Am ita'a!”

Juan 5:30

Aÿim sa ishit da maichi aÿim chigoqchigui da huo'otaq huo'o ca so'ot. Cha'ayi da huo'otaq so'ot ca lasouaxashit ca shiÿaxaua, qalaq aÿim selotelec ca ñi'aqtac, nachi sa ishit da depe'enaxan cam so'ot. Cha'ayi aÿim sa ishit da so'ot cam maichi shiitapeguec, cha'ayi chaqcata ca 'eetapeguec ñi ita'a mayi aÿim namaq, nachica so'ot.

2 Timoteo 2:13

Da ÿapagaqlec ca qad'aqtac, qalaxayi somayi sa ishit da napacalec ca l'aqtac, cha'ayi ñi Dios sa ishit da nqochin, qataq sa nadalaxat da lataxac.

Juan 12:27

Qaq nagui ÿataqta lta'adaic da shiita; qaq ¿chaq huá'ago' ca shiitec ca i'aqtac? ¿Peta'a shiita': “'Am ita'a, no'ónctaxa da aÿim 'anca'alaxateeguesop dam souaigui mayi aÿim naÿa'a?” Qalaxayi aÿim saÿaten da nachida da huo'o mshi ñanac.

Tito 1:2

qataq ÿauattoota nataq'en da aquitaxac da achaalataxac mayi chochaq tateec. Qaq ñim Dios mayi sa datenataxan ñimayi ÿachaxanapec co'olloxochiyi de'eda achaalataxac co'ollaq saxanaqaca ana 'alhua.

Filipenses 2:8

Qataq co'ollaq mashi ÿaatañi da lataxac ca chochi shiÿaxaua, nachi ÿacona da sa ishit da huo'o ca l'amaqchic. Qataq souaxat da lalaxayic, nachi ivitta'a da nalaataguec, nai'ctaxa da i'ot da n'aloxo de'eda l-leuaxa co'ollaq qaiuaxanguet so npe'enaxaqui.

Juan 18:11

Qalaxayi so Jesús 'enapego' so Pedro, 'eeta': –'Avi'iguelaxajñi na 'ainec, 'anshijñi. Ñi ita'a, da aÿim ipagaqna'aguet da ñique'ejnaxac mayi 'eeta'am da qanÿomgui ca deshinataxan, qaq ¿peta'a sa ishito' da saigui damaxa?

Marcos 10:27

Nachi so Jesús ÿamataiguilo soomayi, nachi 'enapeco': –Nam shiÿaxauapi sa ishit da ÿañoxot de'eda, qalaxayi ñi Dios ishit, cha'ayi ñimayi qaica ca ÿaqalanapec.

Juan 4:34

Qalaxayi so Jesús 'enapeco': –Dam anoq, nachida da 'eetapeguec ñi ita'a mayi aÿim namaq, da yaqto' semat da l'onataxanaxac.

Mateo 26:39

Nachi so Jesús taÿa ca qaÿata'a, nachi ÿataqta nqapaxanguet na 'alhua. Nachi nqouagaxaunot ñi Dios, 'eeta': –'Am ita'a, da 'aushit, qaq no'on da sa ishit qome da aÿim 'aupagaqna'aguet de'eda que'ejnaxac mayi 'eeta'am da qanÿomgui ca deshinataxan. Qalaxayi sa ishit qome da 'au'ot cam maichi shiitapeguec, chaqcato' ca maichi qonetapeguec.

Mateo 6:9

Qaq ÿoqo'oyi da qanqouagaxauñi, qalaq qoñiita': 'Am qadta'a Dios mayi qoneto'ot na piguem, 'enauac da qaÿi'oxoden da 'ad'enaxat.

Hebreos 6:18

Qaq 'eda da 'eetec da huo'oi naua dos mayi sa ishit da qanqochinaxa't, nam huo'o mshi sa ishit da datenataxan ñi Dios, qaq nachinaua naua ÿachigoxotchiguilo ñi Dios da qomi' ÿanema da qad'añaxac, qomi' mayi shi'iguenqot ñimayi qataq sa'amaqtenaq dam aquitaxac mayi qomi' ÿanema.

Mateo 26:42

Nachi qaltaq ÿi'iguelaxalec da nqouagaxauen, 'eeta': –'Am ita'a, qom huo'otaq ishit da sepaca'aguet da ñique'etaxangui de'eda ñi'iguenataguec, qalaxayi no'on qome da 'au'ot ca maichi qonetapeguec.

Marcos 14:37

Ime, nachi nqo'onalo soua lapaxaguenataqa, nachi ilalguete da do'ochite'. Nachi 'enapego' so Pedro, 'eeta': –Simón, ¿mashi 'au'ochita? ¿Sa ishito' da cada'acolec da 'anlotauec?

Marcos 10:39

Nachi soomayi 'ena'po': –Aja', seshitaq. Nachi so Jesús 'enapeco': –'Eesa da qami' ishit qome da qauachii da que'ejnaxac mayi 'eeta'am da aÿim qanÿomaxangui, qataq da achilaxac mayi saigui qome.