Marcos 14:26 - Nuevo Testamento Toba Sur

²⁶ Qaq co'ollaq mashi ime da qai'on so n'onec, nachi qanqo'oneuga aso qasoxonaxa mayi nanqa' ana olivos.

Nuevo Testamento Toba Sombrero Negro

²⁶ Mane'e ca'li yem da'me t'onaĝa'tape qama'le ñidijeguem, yec'adeta ga'me qajoĝonaĝa jo'ne Olivo Lichidijat.

La'aqtaqa Ñim Lo'onatac 'Enauacna 2013

²⁶ Ime, nache do'onaxaata'ape, qaq co'ollaq ime, nache nqo'ooreuga aso qaỹoqotcheguemec 'alhua maye nanqa' ana Olivo.

Marcos 14:26 Referans Kwoze

Mateo 26:30

Qaq co'ollaq mashi ime da qai'on so n'onec, nachi qanqo'oneuga som saqaÿoqotchiguemec 'alhua mayi nanqa' ana olivos.

Lucas 22:39

Ime, nachi so Jesús huenoxoneec, tauga cam nachi 'eetai'cnaxa da lanataqa' saqaÿoqotchiguemec 'alhua mayi nanqa' ana olivos. Qataq so lapaxaguenatacpi nachi nnaictague'. Qataq so lapaxaguenatacpi nachi nnaictague'.

Apocalipsis 5:9

Qaq somayipi i'ootac da dalaxaic n'onec, 'eeta': 'Am ÿataqta 'itchiguiñi da 'auacona ana nede qataq da 'anqa't naua qaiuaxaatalguete n'anaxanaqte; cha'ayi 'am qaÿalauat co'ollaxa, qaq soua 'adtago'q nachi lashiue da qomi' 'aushijnaxanalo, qomi' 'auachigoxottoiguilo na ÿotta'a't shiÿaxauapi mayi ÿotta'a't naua l'aqtaqa, da yaqto' 'enauac qomi' lalamqa'te ñi Dios.

Santiago 5:13

Da huo'o ca 'oonolec da qoñiita huo'o ca nomtapeeguet, no'on da nqouagaxaueetac. Da huo'o ca machiguiñi, no'on da do'onaxaatac, ÿi'oxodeetac ñi Dios.

Colosenses 3:16

Qataq da lapaxaguenataxanaxac so Cristo ÿataqta nlaqchiguilo qome naq'en naua qadquiyaqchilli'. Qataq ÿataqta qanaÿajnaxanaqchiñi da qauapaxaguiñi qataq da qau'añaqchichi ca qadÿai. Qataq da qau'onaxañi, qalaq qau'oñi na ÿotta'a't n'onecpi mayi chigoqo'ot so Espíritu Santo. Qataq ÿataqta imauec da qadquiyaqteÿaxaqui da qai'añiitacot da qan'achiquiaxaqui ñi Dios.

1 Corintios 14:15

Qaq 'eda da shiitec nagui. Da ivita da ñoqouagaxauen, qalaq nachiñi ñi shicapegue' iqui'i da nqouagaxauen, qataq nataq'en da ÿauattonaxanaxac. Qaq da ivita da so'onaxan, qalaq nachiñi ñi shicapegue' iqui'i da do'onaxan, qataq nataq'en da ÿauattonaxanaxac.

Hechos 16:25

Qalaxayi co'ollaq mashi laiñi na pe, nachi so Pablo qataq so Silas, soomayi nqouagaxaueeta'pe qataq do'onaxaata'pe, ÿi'oxodeetrac ñi Dios. Nachi som laÿipi ncoñitaguishicpi n'axaÿaxaategalo soomayi.

Mateo 21:1

Qaq co'ollaq mashi qanayiitau'a yi Jerusalén, nachi qaivita yi pueblo l'enaxat Betfagé mayi sa qaÿapeque yi saqaÿoqotchiguemec 'alhua mayi nanqa' ana olivos. Nachi so Jesús ÿama'q soua dos lapaxaguenataqa.

Marcos 14:25

Qaq ÿataqta 'eesa de'eda qami' sa'axatema, da nagui nachi tachiguiña da sa lÿa da qaltaq ñiÿomgui ne'ena lli'i ana uvas, to' qom mashi ivita ca na'a'q da sootaigui ca l'onataxanaxac ñi Dios da ilo'ogue 'enauacna, nachi qaltaq ñiÿomgui ca lataxa dalaxaic.

Juan 18:1

Qaq co'ollaq ime da nasaxauec de'eda so Jesús, nachi jec, nnaictapegueto soua lapaxaguenataqa da taitague da le'ego so l'auaxac l'enaxat Cedrón. Qaq nachi huaña yimayi so nanguishi lma', nachi taigui so Jesús, lÿata'pe soua lapaxaguenataqa.