Marcos 14:24 - Nuevo Testamento Toba Sur

²⁴ Nachi 'enapegalo' soomayi, 'eeta': –Ne'ena nachina na itago'q mayi ÿoqta 'itchiguiñi naq'en dam dalaxaic aÿamaxataxac. Ne'enaua itago'q, naamayi taÿa'alo da qaicoldeec, da yaqto' qalota na qanca'alaxateec.

Nuevo Testamento Toba Sombrero Negro

²⁴ Nataq'aen eetojo': —Janjo' mach'e laloĝoiqui qoyen jana'me yetauo', nach'ana jo'ne 'nanec queda'me Dios ami ye'tema qaedi male aniyamaĝadeñiyeguet joñe'me; mach'e yetauo' jo'ne naliñi qomle, nala'alo joga'me jiyaĝadipi jo'ne jalcote, qaedi yiyamaĝatem.

La'aqtaqa Ñim Lo'onatac 'Enauacna 2013

²⁴ Nache 'enapegalo', 'eeta': «Ne'enaua nachenaua na itago'q. Naamaye nachenaua naua chegoqchiguilo da Ñim Lo'onatac 'Enauacna ỹo'ot da naỹamaxataxac da qami' naỹamaxatto 'enauac da qoñiita. Ne'enaua itago'q naigui da qalota na qanca'alaxatec.

Marcos 14:24 Referans Kwoze

1 Corintios 11:25

Qaq co'olla mashi ime da lqui'axac, nachi ÿacona aso ÿomaxaqui. Nachi 'enapeco': “Ana'ana ÿomaxaqui, nachana ana naigui da dalaxaic aÿamaxataxac mayi ÿoqta 'itchiguiñi naq'en naua itago'q. Qaq da ivita da qalta qanÿomiigui, qalta qauennachi aÿim.”

1 Corintios 10:16

Ana ÿomaxaqui mayi qaiÿotauga da yaqto' ñoqouagaxaunaxalec, anamayi da ivita da ñiÿomaxagui nachi naigui da 'eeta'am da qomi' qaÿauaxaÿaxana't souaxat naua ltago'q so Cristo. Nataq'en ana pan mayi ñicolaxataxañi, anamayi da ivita da sachiguenaq nachi naigui da 'eeta'am da qomi' qaÿauaxaÿaxana't souaxat da l'oquiaxac so Cristo.

Juan 6:53

Nachi 'enapega somayipi so Jesús, 'eeta': –Aja', ÿataqta 'eesa de'eda qami' sa'axatema, da huo'otaq sa ishit da qolliqui da l'oquiaxac na shiÿaxaua llalec, qataq da sa ishit da qanÿomiiguilo naua ltago'q, nachi sa ishit da huo'o ca qadca'alaqai.

Marcos 10:45

Cha'ayi na shiÿaxaua llalec, namayi saq anac da yaqto' qanayiutapegue'. Chaqdata da huapec qataq da ÿan da nachaalataxac da 'eeta'am naq'en aca lashiue, da yaqto' qalota na qanca'alaxateec.

Marcos 14:23

Ime, qataq ÿacona aso ÿomaxaqui. Qaq co'ollaq imat da ÿanot da n'achiquiaxac ñi Dios, nachi ÿanoiguilo soomayi, nachi 'enauaque soomayi da nÿomguilo aso ÿomaxaqui.

Marcos 14:25

Qaq ÿataqta 'eesa de'eda qami' sa'axatema, da nagui nachi tachiguiña da sa lÿa da qaltaq ñiÿomgui ne'ena lli'i ana uvas, to' qom mashi ivita ca na'a'q da sootaigui ca l'onataxanaxac ñi Dios da ilo'ogue 'enauacna, nachi qaltaq ñiÿomgui ca lataxa dalaxaic.

Lucas 22:20

Qaq nachi i'enaxatteguet nataq'en aso ÿomaxaqui co'ollaq mashi ime da nqui'axac, nachi 'eeta': –Ana'ana ÿomaxaqui nachana ana naigui da dalaxaic aÿamaxataxac mayi ÿataqta 'itchiyiñi naq'en naua itago'q mayi qaicoldeec da qaitaunec da qoñiita.