Marcos 14:22 - Nuevo Testamento Toba Sur

²² Qaq co'ollaq ña deque'eta'pe soomayi, nachi so Jesús ÿacona aso pan, nachi ÿanot da n'achiquiaxac ñi Dios. Qaq co'ollaq imat da ncolaxajñi, nachi ÿanoiguilo soomayi. Nachi 'enapeco': –Qolliqui ana'ana, anamayi nachida da i'oquiaxac.

Nuevo Testamento Toba Sombrero Negro

²² Mane'e ca'li cha'li deque'tape, qama'le Jesús yacona ga'me pan nataq'aen yanem da'me lamaic joñe'me Dios, yecolaĝatapiye qama'le yanouelo jogaa'me lapaĝaguenataqa, enaac: —Auacoñiya jenjo', jo'ne mach'e laloĝoiqui qoyen jena'me yapat.

La'aqtaqa Ñim Lo'onatac 'Enauacna 2013

²² Qaq co'ollaq ña deque'eta'ape soomaye, nache So Jesús ỹacona aso nauole 'ayiiña, nache ỹanot da na'achecỹaxac Ñim Lo'onatac 'Enauacna. Ime, nache ncolaxaañi, qataq ỹanema soua lapaxaguenataqa, nache 'enapegalo 'eeta': «Qauacoñiiguet, namaye, nachena na maiche ỹo'ocỹaxac.»

Marcos 14:22 Referans Kwoze

Marcos 14:24

Nachi 'enapegalo' soomayi, 'eeta': –Ne'ena nachina na itago'q mayi ÿoqta 'itchiguiñi naq'en dam dalaxaic aÿamaxataxac. Ne'enaua itago'q, naamayi taÿa'alo da qaicoldeec, da yaqto' qalota na qanca'alaxateec.

Lucas 24:30

Nachi co'ollaq mashi nso'oota'ai'salo soomayi da datatralec so nqui'axala', nachi somayi ÿacona aso pan da nqouagaxaueelec. Ime, nachi ÿanoiguilo soomayi.

Juan 6:23

Qalaxayi qaltaq huo'oi soua lÿa't barcos nvilyi', chigoqda'a yi la ciudad Tiberias, nvilda yim sa qaÿapeque yim huaña co'ollaq qanallic aso pan co'ollaq ime da ÿan da n'achic so qadataxala'.

Marcos 6:41

Nachi so Jesús ÿacongueta soua cincole pan qataq soua dos nÿaxayi, nachi ÿamato'ot na piguem da nqouagaxaunot ñi Dios, nachi icolaxachiguilo soua pan qataq ÿanoiguilo soua lapaxaguenataqa, da yaqto' soomayi ÿanoiguilo so shiÿaxauapi. Nataq'en ÿanoiguilo 'enauac so shiÿaxauapi soua dosolqa nÿaxayi.

Mateo 14:19

Nachi 'enapega so shiÿaxauapi da nso'ooñi, nso'oolec na 'auaqpi dadala. Ime, nachi ÿaconalo soua cincole pan qataq soua dos nÿaxayi. Nachi ÿamato'ot na piguem, nachi ÿanot da n'achiquiaxac ñi Dios. Ime, qaq ncolaxajyiñi soua pan, nachi ÿanema soua lapaxaguenataqa. Qaq soomayi nachi ÿanoiguilo na shiÿaxauapi.

Gálatas 4:25

Cha'ayi aso Agar nachaso asom naigui aso qasoxonaxa Sinaí mayi naña yi Arabia. Qaq asomayi nachaso asom naigui yi nagui Jerusalén, cha'ayi nagui yi'iyi la ciudad 'eeta'am aca chochi nlata, nataq'en 'enauac nam llalaqpi.

1 Corintios 10:4

qataq 'enauac qanÿomgui so 'etaxat saq cha'a. Cha'ayi qanÿomtapigui na 'etaxat mayi chigaqaigui so coma' saq cha'a mayi nnaictague' somayipi. Qaq se'eso coma' nachiso so Cristo.

Marcos 10:16

Nachi so Jesús naueguela't na ñaqpiolec da nsoqtauo, nachi ÿanem da no'on lliquiaxac, qataq 'enauac ÿashil-lec.

Marcos 14:21

Qalaxayi nachi lataxac, cha'ayi na shiÿaxaua llalec, namayi quetegue da llic naua ñiyigui'shi l'aqtaqa ñi Dios. Qalaxayi ¡ÿataqta choxodaxaso' ñi'iñi shiÿaxaua mayi ÿaneuo namayi da qaÿalauat! 'Onaxaigueso' co'ollaxa da sa ishit da ñiguiñi ñimayi.

Marcos 14:23

Ime, qataq ÿacona aso ÿomaxaqui. Qaq co'ollaq imat da ÿanot da n'achiquiaxac ñi Dios, nachi ÿanoiguilo soomayi, nachi 'enauaque soomayi da nÿomguilo aso ÿomaxaqui.

Lucas 22:17

Nachi ÿacona asom ÿomaxaqui. Ime, nachi ÿanot da n'achic ñi Dios. Qaq co'ollaq ime, nachi 'eeta': –Qauacoñiiguet ana'ana ÿomaxaqui, nachi ñi 'oonolec da qoñiita ÿami' ca lÿa.