Marcos 14:21 - Nuevo Testamento Toba Sur

²¹ Qalaxayi nachi lataxac, cha'ayi na shiÿaxaua llalec, namayi quetegue da llic naua ñiyigui'shi l'aqtaqa ñi Dios. Qalaxayi ¡ÿataqta choxodaxaso' ñi'iñi shiÿaxaua mayi ÿaneuo namayi da qaÿalauat! 'Onaxaigueso' co'ollaxa da sa ishit da ñiguiñi ñimayi.

Nuevo Testamento Toba Sombrero Negro

²¹ Jayem jo'ne yataqachiñe Jiyaĝaua Lec'oĝot jeguelegue da'me jo'ne joote qoyediñe jo'ne jayem 'yaĝate'taguet; qalaĝaja, ¡degueja qomle ga'me lachoĝodec ñe'me jo'ne jayem p'alegue! ¡Naitoqo' ja niyiñe joca'li joñe'me!

La'aqtaqa Ñim Lo'onatac 'Enauacna 2013

²¹ Qalaxaye, nache 'enapec ana nere maye huetalec na la'aqtacpi Ñim Lo'onatac 'Enauacna, da Aỹem Shiỹaxaua Llalec iuen da Aỹem qaỹalauat. Qalaxaye ñim Aỹem ỹaneuo ñimaye huo'o ca talec qome ỹataqta chaqaic, ¡'onaxaictoxo' co'ollaxa da saishet da nañiguiñi ñimaye!

Marcos 14:21 Referans Kwoze

Juan 19:28

Qaq co'ollaq ime de'eda, nachi so Jesús ÿaÿaten da mashi ipacchigui 'enauac nam qai'axat co'ollaxa, da yaqto' ipacchiguilo naua nanettrañi n'aqtaqa. Nachi 'enapeco': –Huo'o na ÿaquip.

Hechos 4:27

Cha'ayi ÿataqta 'eesa da ñi nta'a Herodes qataq ñi Poncio Pilato, naamayi co'ollaxa lapona't, huetra'a ne'ena la ciudad, qaÿauaxaiguet nam chigaqhuec qataq nam maichi llalaqpi so Israel, da 'enauac qanpa'aguena som qui'itta 'ai'alec Jesús mayi 'ai'anagui da nta'a mayi qadca'alaxaqui.

Hechos 2:23

Qalaxayi ñaqaiyita co'ollaq qami' qoÿaneu'alo, da yaqto' ipacchiguilo naua lapaxayiñi lhuennataxaco ñi Dios co'ollaq saxanaxa da ivita de'eda. Nachi qami' qauaviqui somayi da qaucoñiyi, qataq qaualauachi, qataq iuaxaneuo qanqashiñi nam shiÿaxauapi mayi qauemaicpi.

Hechos 1:25

da yaqto' 'ai'anagui da l'onataxanaxac so Judas mayi ÿaqataqchit souaxat dam lasouaxashit, nachi somayi taigui qanqoÿin da 'itchiguiñi da naigui dam lataxac.

Mateo 26:56

Qalaxayi 'enauac de'eda qau'ochi damayi, yaqto' ipacchigui dam ÿiyiñi co'ollaxa da l'aqtaxanaxanecpi ñi Dios. Nachi soua lapaxaguenataqa n'onaxatchiguilo somayi. Nachi datadeec.

Mateo 26:54

Qalaxayi da nachi 'eetec de'eda, qaq ¿huá'ago' da ishit da ipacchigui cam 'enapec naua ñiyigui'shi l'aqtaqa ñi Dios, mayi i'axa't co'ollaxa da nachi qoÿiitec de'eda?

Lucas 24:44

Qaq co'ollaq ime, nachi 'enapega somayipi, 'eeta': –De'eda souaigui, nachida dam sa'axattac co'ollaq ña qami' soota'agueta: da ipacchigui qome 'enauac na ñi'aqtaguec mayi i'axat nam nqataxacpi mayi ÿiyiñi co'olloxochiyi so Moisés qataq nam lliyigui'shi som l'aqtaxanaxanecpi ñi Dios qataq nam ñiyiguishicpi l'enaxat Salmos.

Lucas 22:22

Qalaxayi ne'ena shiÿaxaua llalec, namayi quetelec dam lliquiaxac mayi sogote da qoÿiitañi, qalaxayi ¡choxodaxaso' ñaqshin ñim shiÿaxaua mayi ÿauotaique da ÿaneuo namayi!

Marcos 14:49

'Enauaque soua na'axa'te da qami' soota'agueta, sapaxaguenataxaatac añi n'onaxanaxaqui, qalaq sa ishito' da aÿim qauacoñiu'a da aÿim qaucoñiyi. Qalaxayi yaqto' ipacchigui dam 'enapec naua ñiyigui'shi l'aqtaqa ñi Dios.

Marcos 14:20

Nachi so Jesús 'enapeco': –Ñimayi nachiñi ñi 'oonolec da qoñiita, qami' doce, ñim ÿauoltenaxanaxaua ne'ena qadqui'axaqui.

Marcos 14:22

Qaq co'ollaq ña deque'eta'pe soomayi, nachi so Jesús ÿacona aso pan, nachi ÿanot da n'achiquiaxac ñi Dios. Qaq co'ollaq imat da ncolaxajñi, nachi ÿanoiguilo soomayi. Nachi 'enapeco': –Qolliqui ana'ana, anamayi nachida da i'oquiaxac.