Marcos 14:18 - Nuevo Testamento Toba Sur18 Nachi somayi co'ollaq mashi datatalec so nqui'axala' da deque'etac, nachi so Jesús 'enapegalo' soomayi, 'eeta': –Ÿataqta 'eesa de'eda qami' sa'axatema, da ñi 'oonolec da qoñiita mayi aÿim lqui'axaua, ñimayi nachiñi ñi aÿim ÿaneuo. Gade chapit laNuevo Testamento Toba Sombrero Negro18 Mane'e ca'li dajotedalegue ga'me niqui'yaĝala' da'me deque'tape, Jesús enaac: —Eja da'me ami ja'aĝatema queda'me 'uo ga'me jo'ne ami chiyaqauelo 'me ena'am dequetac nayi ñeuanaĝaua, jayem p'alegue qomle qama'le jayem yanegue. Gade chapit laLa'aqtaqa Ñim Lo'onatac 'Enauacna 201318 Qaq co'ollaq ñaq deque'eta'ape, nache So Jesús 'enapeco': –Ñim Aỹem ỹaneua'a nam Aỹem ipa'agueetacpi, ñimaye hueta'a ne'ena Aỹem lquia'axaua. Gade chapit la |
Qaq chigoqchiguiña naq'en co'ollaq qaÿalauat so Abel, chochi ivitta'a da nalaataguec so Zacarías mayi qaÿalauat co'ollaq huangui na laiñi aso n'onaxanaxaqui late'edai yim naña aso nca'atoxonaxalate. Qaq ÿoqo'oyi aÿim shinapec da ñi Dios ÿachilec da nalaataguec somayipi qome naq'en ne'ena shiÿaxauapi mayi huetaigui nagui.
Qaq da huo'o ca huaña da sa ishit da qami' ÿacongueta qataq sa qami' n'axaÿaxanalo, nachi qoquiÿa'ai camayi, qalaxayi qauchigoqoiuec qome na namoxoÿaxa naua qadapia'chilli', qaq damayi nachi l'anaxat da camayipi maichi nasouaxajla't. Qaq ÿataqta 'eesa de'eda qami' sa'axatema da qom ivita que'eca pa'ateec na'a'q qom nmit na nasouaxashitpi ñi Dios, nachi saqalligueme qome da nhuaxanaguec nam lma' so Sodoma qataq so Gomorra, qaq saq 'en'am qome ca nhuaxanaguec qanqoÿin ne'ena shiÿaxauapi mayi sa qami' ÿacongueta.
Qaq da ivita da qanatamñi, qalaq sa ishit qome da qoñiita'am nam chochi nachaxanaxaicpi da natamen mayi nqopita da nachatchiguiñi da huaigui anam laponaxaquipi na judiopi huo'otaq acam lamaxa ca nqa'aic da 'enauac na shiÿaxauapi ÿataqta ilochigui. Qaq aÿim qami' shinapegalo da namayipi sogote huo'o da nshiitenaguec.
Qaq ÿoqo'oyi da ivita da qautauañi cam huo'o da lhuenaxanaxa, qalaq sa ishit da ÿaÿajna'a't qanqashiñi 'enauac na shiÿaxauapi da qoñiita'am da 'eetec nam saq ÿataxalec da lataxac da nachaxaata da huetaigui ana laponaxaquipi na judiopi qataq na nqa'aicpi. Qaq 'eetec de'eda namayipi, cha'ayi chochi nshitaique da no'on da n'aqtaguec. Qalaxayi aÿim shinapec, da de'eda i'ot, damayi naigui da sogote da huo'o da nshiitenaguec.
Qaq ÿataqta 'eesa de'eda 'am sa'axatem nagui, da co'ollaq ñaq 'am nsoqolec, qalaq 'am maichi 'ai'aayiñi naua 'ogo da 'an'ot qataq 'am maichi 'oiqueetac ca 'aigue. Qalaxayi da ivita da 'am ÿi'axaiquiolec, nachi 'am 'ai'aatrauec naua 'adhua'q, qaq ÿaqa'a ca 'am n'otaxanaxan, qataq 'am qaÿaueegue cam sa ishit da ÿoqta 'atapeegue.
Qaq da ivita da qami' qanqouaqchichi, qalaq sa ishit qome da yi'oqta da daquico da qadashiguiÿaxaqui, da qoñiita'am nam shiÿaxauapi mayi chochi nachaxaata. Cha'ayi namayipi 'eetec de'eda, cha'ayi nshitaique da qaÿaÿaten da nqouaqchitta. Qaq aÿim qami' shinapegalo da namayipi sogote huo'o da nshiitenaguec.