Marcos 13:7 - Nuevo Testamento Toba Sur

⁷ Qalaxayi qami' qom qau'aqÿapeguelec ca alaataxac chimaqchiguiñalo, qalaq sa ishit qome da qayi'ii, cha'ayi nachida da 'eetec qome; qalaxayi saxanaxa da ivita ca loga'tna.

Nuevo Testamento Toba Sombrero Negro

⁷ “Qom auep'iquitapega queda'me 'uo ga'me nalatetapega't jo'ne maqapi'ña jenjo', uotaĝa maqapi'ña di'cha'a, 'noota qom ena'te at'oiyi. Qa'a nach'eda taue ga'me 'uo qomle, qalaĝaja maliaĝa ja laloqo' ga'me loiquiaqa'yaĝac jena'me aleua.

La'aqtaqa Ñim Lo'onatac 'Enauacna 2013

⁷ Qaq qami' qom qaua'aqaitega ca alaataxac da chemaqchiguiñalo, qalaq saishet qome da qayi'i, cha'aye nachera da 'eetec qome, qalaxaye saxanaxa da ivita ca loga'tna.

Marcos 13:7 Referans Kwoze

Juan 14:27

Nagui qami' shica'aisalo, qalaq nda'a't da nlagaxayic. Qaq de'eda ilagaxayic qami' sanema, qalaxayi sa ishit da qami' sanema da huo'otaq shiita'am da 'eetec nam huetalec ana 'alhua da huo'otaq ÿan da l-lagaxayic. Qaq sa ishit qome da huo'o ca tatapigui yi qadvilli, qataq sa ishit da qayi'iitac.

Hechos 17:3

Qaq ÿacona ana huetalguete naua ñiyigui'shi l'aqtaqa ñi Dios, nachi i'axattac da ca nta'a nca'alaxaqui mayi qaiuattaique, camayi qome ÿataqta huo'o da nque'ejnaxac. Qaq qom ime, nachi qaÿalauat, nachi camayi qaltaq nca'aleec. Nachi 'enapeco': –Qaq ÿoqo'oyi se'eso Jesús mayi qami' sa'axattapeguema, somayi nachiso som nta'a mayi qadca'alaxaqui.

Mateo 18:7

Qaq ¡ÿataqta sa ÿaÿamaxañi da huo'o nam shiÿaxauapi mayi i'oteguet ca lasouaxashit ca lÿa ana 'alhua! Qaq damayi nachi 'eetai' qome da huo'o. Qalaxayi ÿataqta ¡choxodaxaso' qome ca shiÿaxaua mayi chigoqchigui ne'ena nasouaxashitpi!

Juan 14:1

Sa ishit qome da huo'o ca tatapigui qadvilli. Chaqdata da qaupi'iÿa'ai ñi Dios, nataq'en aÿim.

Mateo 2:3

Nachi so nta'a Herodes co'ollaq ÿaÿaten de'eda, nachi ÿataqta i'elaq, nataq'en 'enauac nam shiÿaxauapi mayi netaña yi Jerusalén.

Marcos 13:6

Cha'ayi ÿataqta qalota qome na anac da nactaigui da i'enaxat, nachi 'eeta': “Nachaÿim mayi aÿim qadta'ai qadca'alaxaquii;” nachi ÿataqta qalota qome na ÿatenachit.

Marcos 13:8

Cha'ayi na ÿotta'a't shiÿaxauapi deloguiÿa't, qataq ca nta'a delogui' ca lÿa nta'a, qataq qalota naua huañalo 'ale'u na nacholaxanaxa, qataq huo'o ca nqouaxa, qataq ca lta'adaic n'elaxa. Qaq 'enauac ne'ena nachina na chigoqchiguiña na que'ejnaxacpi.