Marcos 13:5 - Nuevo Testamento Toba Sur

⁵ Nachi so Jesús 'enapeco': –Maxatchoxo' qome, yaqto' sa ishit da huo'o ca qami' ÿatenachi't.

Nuevo Testamento Toba Sombrero Negro

⁵ Jesús 'yategueta jogaa'me: —'Noota qom at'oiya'aguet ta'le 'uo gamachaqaega ami yoqovi'n.

La'aqtaqa Ñim Lo'onatac 'Enauacna 2013

⁵ Nache So Jesús 'enapeco': –¡Maxatchoxo' qome! Saishet da huo'o ca qami' ỹatenache't.

Marcos 13:5 Referans Kwoze

Colosenses 2:8

Qaq maxatchaxa qome, sa ishit da qoquiigue nam nshitaique da qami' ÿatenachi't da qami' idolguete nam naÿajnec lma'na qataq nam nhuennataxacpi mayi saq 'en. Cha'ayi namayipi sa ishit da chigoqchigui so Cristo; chaqnata nam n'onataxacpi na shiÿaxauapi qataq nam lhuennataxacpi da tatapigui lauel na chochi yi'oqchigui.

Efesios 5:6

Qataq sa ishit qome da huo'o ca qami' ÿatenachi't da qami' idolguete naua napaxaguenataxanaxaco mayi qaica ca naiguilo. Cha'ayi ne'enaua sa ÿaÿamaxayiñi, nachinaua na chigoqchiguilo dam qaica ca 'en'am da lchic layiloxo ñi Dios, da ÿauo'o da nhuaxanaguec nam sa ishit da ÿalaq.

1 Juan 4:1

Qami' ÿaqaÿañicpi, sa ishito' qome da qau'amaqchiñi 'enauac nam 'eetega da i'aqtaxanaxac ñi Dios. Chaqdato' da qauchimaxachiÿa camayi, yaqto' qauaÿajñiita da naua lhuennataxaco ÿataqta chigoqo'oto ñi Dios, huo'otaq sa ishit. Cha'ayi ana 'alhua mashi huotaique da nlaxalec na tenataxanaxaicpi mayi 'eetega da i'aqtaxanaxan ñi Dios.

2 Ts 2:3

Qalaxayi sa ishit qome da huo'o ca qami' ÿatenachi't. Cha'ayi qom yaqta'a da ivita que'eca na'a'q, nachi hua'auñi da nachajñi ca shiÿaxauapi, ÿataqta npa'aguene' ñi Dios, nachi yi'oq que'eca shiÿaxaua 'itaxaloxoic cam taÿa'a da ÿataqta imeuo qanqoÿin.

1 Corintios 15:33

Sa ishit qome da qami' qaÿatenachi't. 'Eeta'am da 'enapec quenaxa da n'aqtac, 'eeta': “Ca qauemaic shiÿaxaua n'aqchit ca no'on n'onataxac ca lÿa.”

Lucas 21:8

Nachi so Jesús 'enapeco': –Maxatchaxa qome, qadvichiÿai'. Qataq sa ishit qome da huo'o ca chochi qami' ÿatenachi't. Cha'ayi qalota qome na anac da anactaigui da i'enaxat, nachi 'eeta': “Aÿim mayi nachaÿim nta'a nca'alaxaqui;” huo'otaq 'eeta': “Nagui mashi ivita yi naloqnec.” Qalaxayi sa ishit qome da qauca'achiigue.

Marcos 13:4

–Qomi' sauoqtaique da qomi' 'au'axatema da chaq lagui qaq ivita ca laloqo' de'eda. Qataq ¿chaq négue't ca l'anaxat 'enauac de'eda qom ivita da ipacchigui?

Marcos 13:6

Cha'ayi ÿataqta qalota qome na anac da nactaigui da i'enaxat, nachi 'eeta': “Nachaÿim mayi aÿim qadta'ai qadca'alaxaquii;” nachi ÿataqta qalota qome na ÿatenachit.