Marcos 13:34 - Nuevo Testamento Toba Sur

³⁴ Cha'ayi de'eda 'eeta'am ca shiÿaxaua da huo'otaq taigue ca qaÿoqtegue. Qalaxayi da yaqta'a da jec, nachi ipataxalec ca lma' ca l-latacpi. Nachi ÿanem ñi 'oonolec somayipi ca l'onatac. Ime, nachi huaqajlec ca lasom l'o da nloshiguem.

Nuevo Testamento Toba Sombrero Negro

³⁴ 'Noota qom aueñe'tema gaa'me lalemaĝaje'te ñe'me jiyaĝaua jo'ne yec'ata ga'me aleua laqaya. Qama'le yepotanegueta gaa'me lalemaĝaje'te ga'me 'lachaqa' qaedi neteleta: onolqa'tape yepotaneguet ga'me 'lonatac, nataq'aen yamaĝalegue ga'me neteloqo't ga'me jom qaedi yeviteta't.

La'aqtaqa Ñim Lo'onatac 'Enauacna 2013

³⁴ Qaq de'era 'eeta'am ca shiỹaxaua da huo'otaq taigue ca qaỹoqtegue. Qalaxaye da yaqta'a da jec, nache iỹaxaneuga ca lamaxashecpi da ipataxalec da ilo'ogue ca lma'. Nache ñi 'oonolec ỹataqtac nam ipataxalec lo'onataxanaxac, qaq ca ilotague' ca lasom qalaq 'enapega da ỹataqta nlotec.

Marcos 13:34 Referans Kwoze

Juan 10:3

Nachi cam lasom l'o ÿauateguet camayi, da yaqto' pa'auo, qaq anam qaguetapi ÿauatton da lavilÿaxac camayi. Nachi camayi iÿaxaatau'a na l'enaxatpi ana qaguetapi, nachi nqateeguesop aca laÿi'.

Colosenses 3:24

Cha'ayi qami' mashi qauaÿajñi da ñi'iñi qadataxala' qami' ÿanema qome cam ÿaÿamaxattac da ÿauotaique da ÿami' na lalamaxatpi. Cha'ayi qami' qau'onataxañiitacot so Cristo mayi nachiso so ÿoqta qadataxala'ai.

1 Corintios 15:58

Qaq ÿoqo'oyi qami' ñauochaxa'u ÿaqaÿa't, saqco' qome ca qanamachiÿaique, qoquiito'ot da qau'ochiitac da l'onataxanaxac so qadataxala'. Cha'ayi qami' qauaÿajñiita da qad'onataxanaxaqui da qau'onataxañiitacot somayi, ÿataqta huo'o ca naigui.

Mateo 16:19

Qaq aÿim qome 'am sami' aca lvinaqte da l'onataxanaxac ñi Dios mayi neta'ague da piguem. Qaq ca 'am 'auashiita ana 'alhua, qaq camayi nataq'en qaÿashiita da piguem. Qaq ca 'am sa ishit da 'auashin, qaq camayi nataq'en sa ishit da qaÿashin da piguem.

Apocalipsis 3:7

Nataq'en 'auamaxa aca 'ede ñi namaxashic piguem l'ec mayi ilotague' na 'amqajnataxanaxaicpi mayi netaña yi Filadelfia. Qoneta': “'Eeta' da l'aqtac nam ÿataqta qui'itta qataq 'eesa, nam hueto'ot ana lvinaqte ca lma' so nta'a David, nam da ÿauatoigui ca lasom qalaq sa ishit da huo'o ca ishit da ÿapogui, qataq da ÿapogui ca lasom qalaq sa ishit da huo'o ca ishit da ÿauatoigui:

Colosenses 4:1

Qaq qami' 'aco'pi, ÿataqta qau'ochi qome ca ÿaÿamaqchiguiñi, qataq ÿataqta qaupagaqchiñiichigui da nshiitenaguec ca qadlataqui. Qami' qauennachiÿa'a da nataq'en huo'o ñi qan'aco'oi mayi neta'ague da piguem.

Romanos 13:6

Qaq souaxat nataq'en de'eda, nachi qami' qaushiichiñi qome ca nta'a. Cha'ayi nam nta'alpi, namayipi do'onataxaatacot ñi Dios, qataq ÿataqta nañanguet da i'ottac na l'onataxanaxacpi.