Marcos 13:32 - Nuevo Testamento Toba Sur

³² Qalaxayi que'eca na'a'q qataq ca laloqo' de'eda, camayi qaica ca ÿaÿaten, ivida'a na namaxashic piguem l'ecpi qataq nam llalec ñi Dios. Chaqñita ñi ita'a mayi ÿaÿaten.

Nuevo Testamento Toba Sombrero Negro

³² “Qalaĝaja ga'me ua'a ga'me nolo' uotaĝa ga'me laloqo' da'me dojo', qaya'te gamachaqaega ta'le yayaten, uotaĝa gaa'me piyem laje' jo'ne neteda'ña di'me piyem, uotaĝa jayem jo'ne Dios Lec'oĝot; onolec ñe'me Taĝadena' yayaten da'me dojo'.

La'aqtaqa Ñim Lo'onatac 'Enauacna 2013

³² Qalaxaye qaica ca ỹaỹaten ca na'a'q qataq ca laloqo' da ñevi', ivira'a na namaxashec piguem le'ecpi sa ỹaỹaten. Nataqa'en Aỹem sa saỹaten, nachaqñita Ñim Lo'onatac 'Enauacna maye ỹaỹaten.

Marcos 13:32 Referans Kwoze

Hechos 1:7

Nachi so Jesús 'enapeco': –Qami' sa ishit da qami' qaÿaÿajnaxanaxanque ca na'a'q huo'otaq cam laloxoqui da huo'o ca i'ot ñi qadta'a, cha'ayi chaqñita ñimayi mayi huo'o naq 'enec da huo'o ca i'ot.

Mateo 25:13

Nachi so Jesús 'enapeco': –Qami' ÿataqta qanloiteec qome, cha'ayi sa ishit da qauaÿajñi ca na'a'q qataq ca laloqo' da ñi'iguelaq na shiÿaxaua llalec.

Apocalipsis 3:3

Qaq 'auennate qome da napaxaguenataxanaxac mayi 'auaconguet co'ollaxa. Qaq nachida qoquegue, qataq qoca'aisalo naua 'an'onataxaco. Qaq da sa ishit da 'auatom, nachi 'am ñoqo'ona qome, qalaxayi se'enaxatteguem ca cachaxaic mayi sa ishit da qaÿaÿaten ca laloqo' da nvi'.

Mateo 25:6

Qaq co'ollaq mashi laiñi na pe, nachi qai'axaÿa so nÿaxanaxac, 'eeta': “¡Mashi nvi' na adonaq, ña qanpa'aiuec, qauqachiÿa'aguet!”

2 Pedro 3:10

Qalaxayi que'eca lli'iguelaxasoxoc so qadataxala' ivita qom sa qalligueme da taÿapigui yi nhuel, 'eeta'am ca cachaxaic da quetagui yi pe. Huaña, nachi na piguem nlaguiñi, ÿataqta qaica ca 'en'am ca l-lamaxa. Nachi nam hueto'ot na piguem ÿavigaxat que'eca nodec, nataq'en ana 'alhua, qataq 'enauac nam huetalec.

Mateo 25:19

Qaq co'ollaq mashi qaÿoqteguelo naua vi'iyi, nachi ñi'iguelaq se'eso n'aco' se'eso nlatacpi. Nachi somayi naloqna't da l'onataxanaxac somayipi.

Apocalipsis 1:1

Qaq 'eda da 'eetec da nauanaqchic mayi ÿami' ñi Dios so Jesucristo, da yaqto' somayi ishit da ÿaÿajnaxanaxanec na lamaxashicpi dam saqaÿaloq da yi'oq. Qaq so Jesucristo ÿachigoxotchigui so lamaxashic piguem l'ec da ÿaÿajnaxanaxan so lamaxashic Juan.

Marcos 13:31

Na piguem qataq ana 'alhua imeuo qome, qalaxayi da i'aqtac sa ishit da imeuo.