Marcos 13:22 - Nuevo Testamento Toba Sur

²² Cha'ayi qalota qome na tenataxanaxaicpi anac, 'eetega da nta'a nca'alaxaqui, huo'otaq da l'aqtaxanaxanec ñi Dios. Nachi namayipi qome i'ot na lta'adaic n'anecpi qataq nam sa qaÿauanapigui, da yaqto' datenataxan. Qaq sa iuena'a qome da nataq'en ishit da ÿatenachit na maichi lca'aguishicpi ñi Dios.

Nuevo Testamento Toba Sombrero Negro

²² Qa'a novi't qom'te gaa'me pecayaqa jo'ne eetapela'ajalo Dios liquiyaqa, nataq'aen gaa'me qovinaĝanaĝayaqa jo'ne eetapela'ajalo Dios 'laqataĝanaĝanaqa; qama'le nach'egaua yauo'oe gaa'me 'lanaqa nataq'aen gaa'me lañoqotaĝanaĝaco jo'ne p'ajodaye, qaedi doqovinaĝa'n, da'me jetaque yañoĝo't chayovida'alo gaa'me Dios lec'oqo'tolqa jo'ne mach'e liquiyaqa.

La'aqtaqa Ñim Lo'onatac 'Enauacna 2013

²² Cha'aye nvi' qome na datenataxanpi 'eetega lca'aguishecpi qataq la'aqtaxanaxanecpi Ñim Lo'onatac 'Enauacna, nache ỹo'ot qome na sa qaỹauanapega maye ỹataqta huo'o da llo'oxoyec da yaqto' ỹatenachet na shiỹaxauapi. Ivira'a da ishet da ỹatenachet nataqa'en nam ỹataqta iỹaxanapi Ñim Lo'onatac 'Enauacna.

Marcos 13:22 Referans Kwoze

Mateo 24:24

Cha'ayi ÿataqta qalota qome na anac da 'eetega nta'a nca'alaxaqui, huo'otaq 'eetega da l'aqtaxanaxanecpi ñi Dios. Nachi namayipi i'ot qome na lta'adaic n'anecpi qataq nam sa qaÿauanapega, da yaqto' datenataxan. Qaq sa iuena'a da ishit nataq'en qome da ÿañoxot da ÿatenachit nam lca'aguishicpi ñi Dios.

Marcos 13:6

Cha'ayi ÿataqta qalota qome na anac da nactaigui da i'enaxat, nachi 'eeta': “Nachaÿim mayi aÿim qadta'ai qadca'alaxaquii;” nachi ÿataqta qalota qome na ÿatenachit.

1 Juan 2:26

Qaq shiyiñi de'eda da qami' souaxat nam nshitaique da qami' ÿatenachi't.

Mateo 7:15

Qavichiÿa'aguet qome nam tenataxanaxaicpi mayi 'eetega da l'aqtaxanaxanecpi ñi Dios. Namayipi qami' naÿalo, nachi ÿataqta i'enaxat da lataxac ana qagueta, qalaxayi na pa'atauo 'eeta'am da lataxac na shiguiÿac mayi dequi'iÿapec.

Apocalipsis 17:8

Yi'iyi shiguiÿac mayi 'auauaachigui, yimayi co'ollaxa nca'altauec, qalaxayi nagui mashi saqca. Qalaxayi yimayi qaltaq nnoxooshiguem qome da chigaqaña cam laponqa' na leuaxaicpi, qom mashi yaqta'a da ivita ca ÿoqta loga't. Huaña qome, nachi nam huetalec ana 'alhua nam sa ishit da qoÿittau'a acam lmalate nam qanca'alaxateecpi co'ollaq saxanaqaca ana 'alhua, nachi namayipi ÿataqta huo'o da l'aalaxa qom ÿauaachigui se'eso shiguiÿac mayi nca'altauec co'ollaxa, qalaxayi mashi saqca, qalaxayi qaltaq ÿi'iguelaxalec qome da nca'aleec.

1 Juan 2:19

Namayipi qomi' ca'aisalo, qalaxayi ÿoqta 'eesa da namayipi sa ishit da ÿoqta qomi' lÿa't. Cha'ayíctaxa da ÿoqta maichi qomi' lÿa't, nachi sa ishíttaxa da qomi' ca'aisalo. Qalaxayi namayipi 'eetec de'eda, yaqto' yi'oqta da sa ishit da 'en'a't da ÿoqta qadaÿipi.

Juan 4:48

Nachi so Jesús 'enapega somayi, 'eeta': –Qami' sa ishíttaxa da qau'amqajnataxañi da huo'otaq saxanaxa da qauauañiichigui na n'anecpi qataq nam sa qaÿauanapigui.

Apocalipsis 13:8

Nachi se'eso shiguiÿac ÿataqta ÿi'oxodeetac 'enauac nam huetalec ana 'alhua, nam sa ishit da nanettau'a aso nanedaxalate nam lca'alaxaicpi co'ollaq chita'ague da qai'ottac ana 'alhua, asom hueto'ot so qagueta llalec mayi qaÿalauat co'ollaxa.

2 Timoteo 2:19

Qalaxayi ñi Dios mashi lapaxañi so 'ico' l'oxonaxala' da l'onataxanaxac mayi qaica ca idaxanapec. Qaq somayi nanettalec so nedec, 'eeta': “Ñi qadataxala' Dios ÿauatton ca mashi lalamaxat;” nataq'en 'eeta': “'Enauac na mashi ncosatapegueueegue da l'enaxat so Cristo, ÿataqta ca'ai qome 'enauac na sa ÿaÿamaxañisat.”

Marcos 13:21

Qaq ÿoqo'oyi da huo'o ca qami' da'aqtaxanema da 'eeta': “–Qauloÿa, 'ena na qadta'a qadca'alaxaqui, hueta'a ne'ena,” huo'otaq da 'eeta': “'Iñi cha'a ñimayi,” qalaq sa ishit qome da qau'amaqchiñi.

Marcos 13:23

Qalaxayi qami' ÿataqta qanloiteec qome, cha'ayi mashi sogote da qami' sa'axatema 'enauac ne'ena.

1 Juan 2:18

Qami' ÿalqolqa, mashi nvildeuo naua pa'atreec na'axa'te, qaq qami' qauaÿajñi da huo'o qome ca anatai' mayi npa'aguene' so Cristo. Qaq nagui mashi qalota na yi'oq nam npa'aguene' somayi. Ÿoqo'oyi qomi' saÿajnaq da mashi nvildeuo naua pa'atreec na'axa'te.