Marcos 12:7 - Nuevo Testamento Toba Sur

⁷ Qalaxayi som 'onataxanaxaicpi 'enapeco': “'Ena cha'aguet nam qaÿauotaique da talec qome qanqoÿin na 'alhua. Namayi salauataq, yaqto' qomi' talguete ne'ena 'alhua da qadalamaxat.”

Nuevo Testamento Toba Sombrero Negro

⁷ Qalaĝaja ca'li yauata gaa'me onataĝanaĝayaqa qama'le enapega'ajalo: «Nach'ena jenjo' jo'ne yaconeguet qomle da'me neuoyaĝac; 'noota da'me jalataq nayi qaedi ga'me te'me loĝot male qo'mi ua'ajopa qomle.»

La'aqtaqa Ñim Lo'onatac 'Enauacna 2013

⁷ Qalaxaye som 'onataxanaxaicpi 'enapeco': ‹'Ena cha'aguet nam talec qome da lalamaxat na nanaxanaqa' qom ileu ca lta'a. Namaye salauataq yaqto' qomi' taleguete ne'ena nanaxanaqa' da qaralamaxat.›

Marcos 12:7 Referans Kwoze

Hechos 7:52

Cha'ayi ¿chaq négue'to' cam l'aqtaxanaxanec ñi Dios da huo'otaq sa iuaxan som hua'au qadta'aipi? Cha'ayi somayipi nachi ÿalauat co'ollaxa som hua'auchiguiñi da i'axatta'aguet da lvidaxac som shiÿaxaua mayi no'on da lataxac. Qaq somayi co'ollaq nvi', nachi qami' qauacoñiu'a, nachi qaualauachi.

Hechos 5:28

–Qomi' mashi qami' sellaqpeguema co'ollaxa da sa ishit da qauapaxaguenataxañiic da l'enaxat so Jesús, qalaq ¿huá'ague ca 'eetec de'eda qau'ochi? Qami' mashi qanlaxachiichigui 'enauac na Jerusalén da qadapaxaguenataxanaxaqui, qataq qanshiitaique da qomi' qauasaqailguete da l-leuaxa se'eso shiÿaxaua da qadasouaxashit.

Hechos 2:23

Qalaxayi ñaqaiyita co'ollaq qami' qoÿaneu'alo, da yaqto' ipacchiguilo naua lapaxayiñi lhuennataxaco ñi Dios co'ollaq saxanaxa da ivita de'eda. Nachi qami' qauaviqui somayi da qaucoñiyi, qataq qaualauachi, qataq iuaxaneuo qanqashiñi nam shiÿaxauapi mayi qauemaicpi.

Marcos 12:12

Nachi namayipi ÿauotaique da icoñi' so Jesús, cha'ayi ÿaÿaten da somayi i'ot de'eda daloqnaxana da tachigui naq'en namayipi. Qalaxayi namayipi ÿataqta ñi'iÿa'aguet na shiÿaxauapi. Nachi qaÿauaqta'a somayi, nachi qanayica'ai.

Mateo 2:16

Qaq so Herodes co'ollaq ila'a da soua ÿajnaxanaxaiqa ÿatenachi't somayi, nachi ÿataqta dalemata. Nachi damaxasoxoolec da qaÿalauat so ñaqpiolec, ivida'a nam mashi ivi' naua dos vi'iyi qataq na ÿapacteec ñaq qapi'olecpi, ÿataqta nmatchiguiñi 'enauac som netaña yi Belén qataq naua loiguiyi, ipacchigui naq'en da l'aqtaxanaxa'c soua ÿajnaxanaxaiqa.

Mateo 21:34

Qaq co'ollaq mashi ivita so laloqo' da qanqat ana ala na nanguishic, nachi somayi namaq so l-latacpi, da yaqto' iÿaxanot se'eso 'onataxanaxaicpi, da yaqto' icolaxateuga cam talec somayi qanqoÿin.

Marcos 12:6

Qaq somayi ñaq huo'o so maichi lalamaxat llalec, ÿataqta lauotaxat. Nachi somayi ipa'axaateec da ÿamaq, cha'ayi 'enapeco': “Ÿoqta qome da qaÿoqochi'iguet ñi ÿalec.”

Marcos 12:8

Nachi qaÿaconeu'a somayi, nachi qaÿalauat. Ime, qaq qaÿasaxaueegue da laÿi so 'alhua.

Hebreos 1:2

Qaq ne'enaua pa'atreec na'axa'te, qalaq ñimayi ÿachigoxotchigui so llalec da qomi' da'aqtaxanema. Ñi Dios ÿachigoxotchigui co'ollaxa se'eso llalec da i'ot 'enauacna, qataq nachiso so ipataxalec da ilo'ogue 'enauac namayipi.