Marcos 12:43 - Nuevo Testamento Toba Sur

⁴³ Nachi so Jesús iÿaxanoiguilo soua lapaxaguenataqa, nachi 'enapegalo, 'eeta': –Ÿataqta 'eesa de'eda qami' sa'axatema, da asa'aso pa'ai mayi choxodaq, asomayi ÿataqta ÿagueec aso ÿasaxañi, napacalec 'enauac na laÿipi mayi huo'o ana ÿasaxañi lachitaqtaxanaqte.

Nuevo Testamento Toba Sombrero Negro

⁴³ Chane'eja Jesús yiyaĝanalo jogaa'me lapaĝaguenataqa qama'le eetojo' ga'me 'laqatac: —Eja da'me ami ja'aĝatema queda'me jadojo' p'ai jo'ne mate mane'e choĝodaq, ga'me yanegue napacalo'te gaa'me neuoyaĝadi lajaqaje' jo'ne yachedañgui jaga'me najaqajel lae't gaa'me naicaual.

La'aqtaqa Ñim Lo'onatac 'Enauacna 2013

⁴³ Nache So Jesús iỹaxanalo soua lapaxaguenataqa, nache 'enapegalo, 'eeta': –Ỹataqta 'eesa de'era qami' sa'axatema, da asa'aso pa'ai maye choxoraq, asomaye ỹataqta ỹactec aso ỹasaxañi, napacalec 'enauac ana ỹasaxañi na sallaxanecpi.

Marcos 12:43 Referans Kwoze

2 Corintios 8:2

Cha'ayi nai'ctaxa da lqalaic yimayipi souaxat da ñi'iguenataguec, qalaq nachi 'en'am ÿataqta machiguiñi. Qataq nai'ctaxa yimayipi da ÿataqta choxodaq, qalaxayi ÿataqta chitaqtaxanaxaicpi, 'eeta'am da sallaxanecpi.

Hechos 11:29

Nachi nam 'amqajnataxanaxaicpi mayi netaña yi Antioquía detaxaÿapigui da ÿauo'o aca ltaunaxanaqte da ÿamaxa so 'amqajnataxanaxaicpi mayi netaña yi Judea. Qalaxayi ñi 'oonolec ÿan cam nalota'ai' da ÿan.

2 Corintios 8:12

Cha'ayi ca shiÿaxaua da ÿoqta 'eesa da lhuennataxa da huo'o aca ÿan, qalaq ñi Dios ÿataqta ÿaÿamaxadeeta acam nalotau'a da ÿan camayi. Cha'ayi ñimayi sa ishit da iÿaxanaique acam sa ishit da qanalou'a.

Mateo 10:42

Qataq camachaqca shiÿaxaua, da huo'otaq ÿami' ca ÿataqta atom 'etaxat ca 'oonolec nam saq 'amaqtaqpiolec, qaq souaxat da aÿim quetague' namayipi, qaq camayi ÿataqta huo'o qome da nshiitenaguec.

Marcos 12:42

Qa nachi nvideuo aso pa'ai mayi choxodaq. Nachi asomayi ÿasaxayiñi souatai' alo'miole, ÿasaxanguilo aso 'oonole anam laÿi'pi ana nachitaqtaxanaqte. Qaq soomayi ÿataqta saq 'amaqtaq da lashiichiÿaxa'c.

Marcos 12:44

Cha'ayi 'enauac namayipi ÿasaqtapiguiñi ana lli'iÿoqte. Qaq asomayi, qalaxayi nai'ctaxa da choxodaq, qalaxayi imatteuo 'enauac asom huo'o lhuenec lashiuole.

Juan 8:20

Qaq so Jesús 'enapec de'eda co'olla ñaq huetaigui aso n'onaxanaxaqui da dapaxaguenataxaatac, hueta'a yim naña aso laÿi' ana nachitaqtaxanaqte. Qalaxayi sa ishit da huo'o ca ÿañoxot da ÿaconeu'a somayi da icoñi', cha'ayi somayi saxanaxa da ivita ca laloqo'.