Marcos 12:29 - Nuevo Testamento Toba Sur

²⁹ Nachi so Jesús 'enapeco': –Qomyi dam ÿacteec da qaÿalaxalec 'enauac nam nqataxacpi 'eeta': “Qan'axayaxañiÿo' qome, qami' Israel llalaqpi, ñi qadataxala' Dios, ñimayi nachaqñita 'oonolec nataxala'.

Nuevo Testamento Toba Sombrero Negro

²⁹ Jesús 'yateguet joñe'me: —Da'me p'ajaye Dios lamaĝajoĝonaĝac enaac: “Anaquiaĝañiya da'me dojo', ami Israel laje'pi: ¡Ñe'me Jaliaĝanec mach'e Qanedios, nach'eñeta Jaliaĝanec!

La'aqtaqa Ñim Lo'onatac 'Enauacna 2013

²⁹ Nache So Jesús 'enapeco': –Dam hua'auchiguiñi qataq dam ỹactec da la'amaqchec nam namaxasoxonaxacpi, 'eeta': «¡Qana'axaỹaxañiỹo' qome, qami' Israel le'ecpi! Ñim Lo'onatac 'Enauacna, nachaqñita 'oonolec Lataxala' na Israel le'ecpi.

Marcos 12:29 Referans Kwoze

Lucas 10:27

Nachi som dapaxaguenataxanapec 'eeta': –“Ÿataqta 'auauotec ñi 'adataxala' Dios, ÿataqta 'amato'ot 'enauac da 'adquiyaqteÿaxac, 'adca'alaxa, 'ad'añaxac qataq 'enauac da 'adhuennataxac, nataq'en ÿataqta 'auauotec ca qoneta'am 'adÿa, 'eeta'am da maichi 'anauojla't.”

Gálatas 3:20

Qalaxayi sa ishit da qaiuen ca chochi ntaxaÿaxanaxanec da huo'o ca ÿachaxanapec ca 'oonolec shiÿaxaua. Qaq ñim Dios 'oonolec, qaica ca lÿa.

Romanos 3:30

Cha'ayi sa ishit da huo'o ca lÿa, ñi Dios ÿataqta 'oonolec. Ñim Dios mayi ishit da ÿaÿamaxadeeta cam huo'o da lpi'iÿaxac, sa ishit da ilogui da huo'otaq qaÿauo'o ca n'anaxat, huo'otaq da sa ishit da qaÿauo'o.

1 Corintios 8:4

Ÿoqo'oyi ca nallic mayi qanatameelec da qoÿanot ca nqolac, saÿajnaq da na nqolacpi mayi huetalecna ÿataqta qaica ca 'enec, cha'ayi 'oonolec ñi Dios, qaica ca lÿa.

Santiago 2:19

'Am nalotau'a da 'adpi'iÿaxac da 'au'amaqten da 'oonolec ñi Dios. Qaq damayi ÿataqta ÿaÿamaqchiguiñi. Qalaxayi nataq'en i'amaqten de'eda na lamaxashicpi so shiÿaxaua lma'na. Ÿoqo'oyi ÿataqta iviloxolaqchit da lcolanaxa.

1 Timoteo 2:5

Cha'ayi 'oonolec ñi Dios, nataq'en 'oonolec so shiÿaxaua mayi ishit da ÿi'iguelaxateguet da nmane' naq'en ñi Dios na shiÿaxauapi. Somayi l'enaxat Jesucristo.

1 Timoteo 1:5

Qaq damayi qaÿamaxasoxoolec da qoÿaxaañi, cha'ayi ñi Dios nshitaique da nchoxonna't na shiÿaxauapi. Ca shiÿaxaua huo'o da lsoxoyic, cha'ayi ÿataqta qui'itta añi lquiyaqte, qataq da lavilÿaxac ÿaÿamaqchiguiñi, qataq huosota da lpi'iÿaxac.

Mateo 23:9

Qataq sa ishit qome da huo'o ca qauamachiÿa'ac qadta'ai ana 'alhua, cha'ayi 'oonolec ñi qadta'ai mayi neta'ague da piguem.

Mateo 10:37

Ca ÿacteec da ÿauotec ca lta'a, huo'otaq aca late'e, da saq 'en'am naq'en aÿim da lauochi, nachi camayi sa ishit da ÿalamaxat. Qataq cam ÿacteec da ÿauotec ca llalec, huo'otaq aca llale, da saq 'en'am naq'en aÿim da lauochi, nachi camayi saq taiguet da ÿalamaxat.