Marcos 12:28 - Nuevo Testamento Toba Sur

²⁸ Qaq huo'o so anac nam dapaxaguenataxaatapeguec na nqataxacpi da anaÿa so Jesús, somayi n'axaÿaxaatega co'ollaxa so qalligotaxac. Qaq cha'ayi ÿaÿaten da so Jesús ÿaÿamaqchiguiñi da l'aqtac co'ollaq qainattac, nachi somayi denataxan, 'eeta': –¿Négue't ca ÿoqta ÿacteec da qaÿalaxalec 'enauac nam nqataxacpi?

Nuevo Testamento Toba Sombrero Negro

²⁸ Qama'le 'uo ñe'me jiyaĝaua jo'ne judiopi napaĝaguenoqo't jo'ne domachitapegalo da'me necotetapega't. Mane'e da'me yayaten queda'me onaĝaic da'me 'lataĝac ñe'me Jesús, qama'le yec'ata joñe'me da'me yenat: —¿Jach'e ga'me p'ajaye daa'me Dios lamaĝajoĝonaĝaco?

La'aqtaqa Ñim Lo'onatac 'Enauacna 2013

²⁸ Qaq huo'o so 'oonolec nam dapaxaguenataxaatapeguec na namaxasoxonaxacpi hua'aqchigui da la'aqtaxanaxac So Jesús co'ollaq na'aqtaxaatague' so saduceopi. Qaq co'ollaq ila'a da ỹataqta ỹaỹamaqchiguiñi da lasataxac So Jesús, nache nqocheneua'a Somaye nache inat, 'eeta': –¿Negue't ca ỹactec da la'amaqchec nam namaxasoxonaxacpi?

Marcos 12:28 Referans Kwoze

Lucas 20:39

Nachi huo'o som dapaxaguenataxaatapeguec na nqataxacpi 'eeta': –'Am mayi 'auapaxaguenataxaatac, ÿataqta ÿaÿamaqchiguiñi da 'ad'aqtac.

Mateo 19:18

Nachi so nsoq 'enapeco': –¿Chaq négue't camaxa? Nachi so Jesús 'enapeco': –Qomyi sa ishit da 'aualaataxan; sa 'ancachiÿa'ai' aca sa 'adhua; sa 'aucachi; sa ishit da 'au'axat ca saq 'en;

Mateo 5:19

Qaq ÿoqo'oyi ca sa ishit da ÿalaxaguet ca 'oonolec ne'ena nqataxacpi, nai'ctaxa da huo'otaq ÿapacteec saq 'amaqtaq, nachi camayi da ÿapaxaguenec na laÿipi da sa ÿalaq, qaq nachica ca ÿapacteec qaica ca l'amaqchic qanqoÿin qom qanayiitaigui da l'onataxanaxac ñi Dios mayi neta'ague da piguem da ilo'ogue 'enauacna. Qalaxayi cam ÿataqta ÿalaxaguet na nqataxacpi, qataq ÿapaxaguen ca lÿa da yaqto' ÿalaq, qaq nachica qome ca ÿataqta 'amaqtaq qanqoÿin qom qanayiitaigui da l'onataxanaxac ñi Dios mayi neta'ague da piguem.

Lucas 11:42

¡Ÿataqta choxodaxasodo' qami' mayi qaualliquiitaigui na fariseopi! Qami' qai'añiÿot quenaxa ñi Dios añi 'oonole laue ana diez nam nalecnaxanaxat mayi i'ot na laita qataq na lamaic ca nhuoshic qataq 'enauac ana laÿi huoue mayi nalecnaxanaqte. Qalaxayi sa ishit da qau'ochi ca no'on qoyiquiaxaqui, qataq sa ishit da qauauochiic ñi Dios. Qaq 'edáctaxa da qau'ochi, qaq sa ishit da qan'onaxachiÿañi nataq'en na laÿipi.

Mateo 23:23

¡Ÿataqta choxodaxasodo' qami' mayi qauapaxaguenataxañiitac qataq qami' fariseopi mayi qoñiitega da qami' 'eesoda! Qami' qai'añiitacot ñi Dios añi 'oonole laue ana diez ana nalecnaxanaqte mayi l'enaxat menta, qataq anís, qataq ana comino, qalaxayi qami' sa ishit da qaualaqaileguete naua lapaxaguenataxanaxaco nam nqataxacpi mayi ÿoqta iue'n da qaÿalaxalguete, mayi 'eeta': da no'on nataxac, qataq da nchoxonnataxanaxac, qataq da npi'iÿaxac. Qaq 'enauáctaxa naua qau'ochi', qataq sa ishit da qan'onaxachiÿañi na laÿipi.

Marcos 9:14

Qaq co'ollaq mashi ñi'iguelaxa so Jesús ca huetra'a soua lapaxaguenataqa, nachi iloda'a so qalota shiÿaxauapi da coleesopa soomayi. Nataq'en huo'o nam dapaxaguenataxaatapeguec na nqataxacpi, qaq namayipi ncotatapegueto soomayi.