Marcos 12:26 - Nuevo Testamento Toba Sur

²⁶ Qaq de'eda lataxac da qaltaq qanca'alaxateec na leuaxaicpi, qalaq ¿sa ishito' peta'a da qautaxaÿaxañiÿa'pe naua lliyigui'shi l'aqtaqa so Moisés, da 'eetec co'ollaq ñi Dios detaqtague' somayi, detaqtapoigui aso qo'ipaq lapole mayi ÿavictaigui? Qaq ñimayi 'enapeco': “Aÿim mayi nachaÿim nDios so Abraham, qataq so Isaac qataq so Jacob.”

Nuevo Testamento Toba Sombrero Negro

²⁶ Qama'le da'me dojo' jo'ne 'niyelaĝadijeguem jogaa'me joote yele'u: ¿jeele ja auec'achiñe da'me jo'ne Moisés yediñe ca'li, da'me 'yaĝatetac jaga'me epaq jo'ne edañgui? Dios dojapegue' ñe'me Moisés: “Mach'e jayem Nedios ñe'me Abraham, nataq'aen jayem Nedios ñe'me Isaac, nataq'aen jayem Nedios ñe'me Jacob.”

La'aqtaqa Ñim Lo'onatac 'Enauacna 2013

²⁶ Qaq de'era lataxac da qaltaq qanca'alaxatec na leuaxaicpi, qalaq ¿saisheto' peta'a da qautaxaỹaxañi aso lere so Moisés, qataq yem hueta'a da na'aqtaguec aso qo'oipaqole maye 'ettaigui, qalaxaye saishet da ỹoqta ỹavic asom netaigui co'ollaxa Ñim Lo'onatac 'Enauacna da detaqtague' so Moisés? Co'ollaq Ñimaye 'enapeco': «Aỹem maye Nachaỹem Natameetacot co'ollaxa so Abraham, qataq so Isaac qataq so Jacob som 'auachegoxogueta.»

Marcos 12:26 Referans Kwoze

Lucas 20:37

So Moisés nataq'en i'axat da ishit da qaltaq nca'aleec na leuaxaicpi da n'aqtaguec co'ollaq hueta'a aso qo'ipaq lapole mayi 'ettaigui, qalaxayi sa ishit da ÿoqta ÿavic. Huaña, nachi ñi qadataxala' 'eeta': “Aÿim mayi nachaÿim nDios so Abraham, Isaac, qataq so Jacob.”

Marcos 12:10

¿Qami' peta'a sa ishito' da qautaxaÿaxañiÿa'pe naua nanettrañi l'aqtaqa ñi Dios? Mayi 'eeta': Som coma' mayi i'otan nam noÿic l'opi, nachiso nagui som nllañi qanqoÿin ca noÿic.

Marcos 12:25

Cha'ayi qom ivita da qaltaq qanca'alaxateec na leuaxaicpi, nachi sa ishit da huo'o ca huadon qataq sa ishit da huo'o ca ÿadonaxanaxan aca llale, cha'ayi namayipi 'eeta'am da lataxac na namaxashicpi mayi hueta'ague da piguem.

Juan 20:17

Nachi so Jesús 'enapego' asomayi, 'eeta': –Aÿim 'axaneec qome, cha'ayi aÿim saxanaxa da ñoqo'ongue da neta'ague ñi ita'a. Qalaxayi 'am qome qojec, nachi 'au'aqtaxanem ca ÿaqaÿañicpi da aÿim ñoqo'ongue da neta'ague ñi ita'a, ñim nataq'en qadta'ai, ñim ita'a Dios qataq nataq'en qadta'ai.

Romanos 11:2

Cha'ayi nal'ena co'ollaxa ñi Dios da lca'aguishic na Israel l'ecpi da ÿauo'o lalamaxatpi. Qaq ÿoqo'oyi nagui sa ishit da imaqhuec. Qaq ÿoqta da qami' mashi qauaÿajñi dam 'enapec naua ñiyigui'shi l'aqtaqa ñi Dios co'ollaq i'axat so l'aqtaxanaxanec Elías co'ollaq somayi nqouagaxaueetacot ñimayi, nachi ÿauo'o da ÿasaxalec na Israel l'ecpi, 'eeta':